الموضوع: نجمة داوود على ارض مطار بلبيس ؟؟؟؟؟؟؟؟؟

الموضوع مبقاش نظرية مؤامرة دى حقائق واضحة كالشمس وكل صعاليك الملوك و الرؤساء مشاركين فيها

المشاركة الأصلية كتبت بواسطة ashouhdy

نجمة داود ؟!! واية يعنى احنا المفروض اكبر من التفاهة دى بكتير !

ولما شايف الموضوع تافه - مضيع وقتك فى التعليق ليه ؟؟؟

المشاركة الأصلية كتبت بواسطة peaceman

:s_thum1[1]::s_thum1[1]::s_thum1[1]::s_thum1[1]: كلامك مظبوط يا باشا و نفسي فعلا مصر متدورش علي التفاهات اد ما المفروض تدور علي النظام و العلم مش الجهل و التخلف
و مثال : لما الدكتور سمير المصري يعمل نظام للتأمين الصحي في امريكا و اوباما شخصيا يكرمه و يشكره و هنا في مصر كتير من الناس مش بيلاقوا الغطا عشان يتغطوا او لقمة عيش يتأوت بيها و كل ده فقط هو احتياج بسيط للفرد في مصر و كل ما يقولوا لا مساس لا مساس نلاقيها هي الشيئ اللي بيترحجم عليها عشان يحصل بها المساس
ملحوظة : احترامي لصاحب الموضوع انه بموضوعه هذا فتح عن حقيقة لاغية امام اعين 75% من الشعب

شكرا على تعليقك- بس المضحك انى كان غرضى هو قفشه - او حاجه مضحكه لقيتها صدفه - لكن واضح ان الناس اخدت الموضوع جد قوى - واضح ان الكل مشحون

المشاركة الأصلية كتبت بواسطة maserati

السلام عليكم و رحمة الله و بركاته

أنا على مافهمت أن سيادتك أكبر منى سنا و ممكن تكون أكبر سنا من كل اللى شاركوا بآرائهم فى الموضوع ده.

أنا عن نفسى ماحضرتش لا نكسة 67 و لا حرب 73, بس كنت شوفت ليهم مقاطع فى التليفزيون و عاليوتيوب.

و أنا و الحمد لله , مش من المتحمسين لاسرائيل و لا حاجة عشان أقدم هجرة ليها!!!!! و أنا -بفضل الله تعالى- عايش فى الدنيا عارف أنا عايز ايه بالظبط و بفضل الله برضه أنا شايف طريقى واضح جدا أودامى و بعرف أخطط لحياتى و مستقبلى صح, لكن ده لا يمنع من الاعتراف أنهم ناس مجتهدين و بياخدوا بأسباب النجاح فى الدنيا عشان كده ربنا أراد أنهم ينجحوا فى المجالات اللى هما متفوقين فيها و الأجدر بينا كمسلمين أننا نشوفهم هما و غيرهم عملوا ايه و نجحوا فيه ازاى و نعمل زيهم عشان ننجح احنا كمان, احنا بس لو كانت الانتخابات عندنا بنزاهة الانتخابات عندهم , كان حالنا بقى حاجة تانية خالص .

طبعا , محدش يفهم كلامى على أننا هنعمل زيهم فى الحلوة و الوحشة و أن أنا بنادى بأننا نقلدهم فى الصح و الغلط و خلاص , أكيد أنا مش قصدى كده, أنا بقصد أننا نقلدهم فى الحاجة الصح و الحاجة السليمة .

و بالنسبة لأن فى سنة 2025 , يوم 5 يونيو هيوافق العاشر من رمضان , فده كان مثال , لكن أنا ماعرفش اذا كان هيوافقه و لا لأ .

اولا موضوع 5 يونيو سنه 2025 - لا مش صح - غالبا لو صدفت حيبقى فى 2017

ثانيا - كون انهم منظمين والكلام ده - ما يغطيش على كونهم مجرمين- الالمان النازيين كانوا قمه فى النظام والدقه والابتكار

بس لانهم افتكروا نفسهم احسن من باقى البشر - كانت نهايتهم زى ما شفت
انا مش مبسوط بحالنا وايوه انا كبير فى السن - لكن تحت اى ظرف عمرى ما نبهرت بيهم - اولا لانهم خليط ممول من الخارج يعنى هم مش مجتهدين غير فى السطو على نتاج غيرهم - تانى حاجه لانهم زى ما ربنا وصفهم مالهمش عهد - لو فى اعجاب بدوله حاكون معجب بفيتنام - دوله دمرتها امريكا وحاصرتها سنين - ما عندهمش لابترول ولا ثروات تستاهل- ومع ذلك انتاجهم بدء يغزوا العالم من غير سطو ولا استعلاء على حد

المشاركة الأصلية كتبت بواسطة factorialx

سلسلة الفيديوهات بتاعت القادمون من الخلف مجرد كلام في الهوا لا يثبت شئ

إيه علاقة الall seeing eye بتاعت الدولار بعين سارون في فيلم ملك الخواتم بالهرم بالسجاد ببابل بمصر القديمة بالمسيح الدجال
و إيه علاقة الصهاينة بالموضوع
و بلبيس أصلا دخلها إيه
أنا شايف إن سلسلة القادمون دي ممكن يكون الموساد نفسه اللي عاملها

جيل كامل يصدق إن إسرائيل بتتحكم في إسماكك القرش
و أنهم عملوا القنبله الجينية تموت العربي و لو جنبيه واحد هندي ما يمتش
و إنهم متحكمين في العالم كله
و مافيش حاجه و متعديش عليهم و متاحلفين مع الشيطان و بيعملوا عمل إسود للدول العربية و بيحطوه في بير في جزر الكاريبي

من رأيي إن إسرائيل دي و لا حاجه و دولة مارقه في نظر العالم كله و إحنا اللي بنعملها إسم و بنخوف نفسنا منها

و طول ما إحنا عايشين في نظريات المؤامره لا عمرنا هنتقدم و هنحس بالضعف و الإستسلام على طول

اليهود مش اسرائيل ايوه متحكمين فى العالم - سيبك من المسلسل - رغم انه ذكر حاجات - معروفه عن الماسونيه

لكن اليهود فعلا مسيطرين على معظم المؤسسات الاقتصاديه الكبرى فى العالم- وايوه هم بيخططوا لتفكييكنا والسيطره التامه - الاستعباد يعنى - كون احنا بقى نصدق مؤامره او ما نصدقش مش حيغير حاجه-
الرموز والطقوس الماسونيه - حقيقه ثابته - وبالمناسبه لهم محفل ومبنى فى قلب القاهره- والاشكال والرموز دى من عقيدتهم - السريه - كون المسلسل ربط بين بعض رموزهم ورموز تاريخيه او حديثه - فده اجتهاد- اللى معترض يجتهد ويقول غلط ليه - مش لمجرد انك مش مصدق يبقى الكلام غلط ؟

بلبيس ما لهاش علاقه باى موضوع ؟؟؟؟- المطار فى بلبيس والمفارقه انه بالصدفه على ارض المطار تقاطع المسارات شكل ما يشبه نجمه داوود - حاجه انا اعتبرتها قفشه او طرفه - لكن الناس ما عرفش كل واحد اخد الحكايه على اللى شاغل باله -

والله لو حد دارس علم نفس يفسر لنا الحكايه دى -