ممكن حد يساعدنى انا تعبت

**osama1osama** · 28-12-2010 02:36 AM

انا اسامة عضو جديد من القاهرة معايا كريستالة 98 مانيول جبتها من 4 شهور من اسكندرية المهم العربية جربتها هناك وكانت ok وسافرت بيها الى القاهرة وكانت زى الفل يعنى شوية مشاكل فى العفشة قلت مش مشكلة غيرت زيت اول مرة موبيل حطيت 3كج ولقيت العربية مش مظبوطة خالص مخنوقة عند الطلوع اول وتانى ودخانة من الشكمان عند بداية الدوارة مع العلم بوجود ماء ساقط من الشكمان عند بداية دوران العربية الصبح (تسخين) روحت لميكانيكى قالى غير بوجيهات جبت يابانى مشيت يومين كويس وظهرت نفس المشكلة رجعت لية تانى قالى الكاربيرتير مش مظبوط ومش عارف عمل اية المهم تمشى يومين وتظهر نفس المشكلة روحت لكذا واحد يغير بوجيهات وتفضل المشكلة روحت لواحد ميكانيكى تانى بيقولو علية شاطر لانسر برضو غير البوجيهات وقالى العربية عاوزة طقم شنبر اشتغلت حلو شوية وروحت لية تانى قالى كدة مفيش حاجة شوية وظهرت نفس المشكلة قالى كدة شنبر وهيكلف 1200ج وواحد تانى قالى 700 المشكلة الاكبر ان واحد قالى مفيش طقم شنبر فى الكريستالة دى تعمل عامرة كاملة قلتلو اجيب ماتور استيراد قالى مش حلو والعمرة هتتكلف 2300 انا مش عارف هي فيها اية مع العلم انى حطيت بنزين 80 بالخطاء اول ماجبتها ورة واحدة ارجوكم حد يفيدنى يا اهل الخبرة ويا ريت لو حد عندة ميكانيكى كويس فى المعادى او مكان قريب يقولى انا اسف طولت عليكم بس انا بجد بحب العربية دى جدا ومش عاوز ازهق منها

**husseinsalah** · 28-12-2010 03:29 AM

اولا استهلاك الزيت عندك اخبارة اية ياعنى بيقل بشكل ملحوظ لو كان كدة يبقى فعلا محتاجة طقم شنبر لكن 2300 جنية كتير اوى وطبعا تغيير الموتور افضل بكتير وهتفرق معاك اوى وفى هنا اراء كتيرة بخصوص تغىير الموتور اما بالنسبة لبنزين 80 فعادى جدا انا لما اشتريت عربيتى ما بحطلهاش الا بنزين 80 وماشية كويس معايا

**osama1osama** · 28-12-2010 03:41 AM

البوجيهات 2 بيكون عليهم زيت والدخان وهي العربية باردة وبيكون لونة اسود خفيف ممكن يكون بسبب اللعب فى الكربيراتير

**Haitham10** · 28-12-2010 05:26 AM

انصحك تروح بيها التوكيل . الكشف علي الموتور تكلفته تقريبا 50 جنيه

وتشتري دماغك احسن من الفتي بتاع الصنايعيه وتريح بالك
اكشف بس وبعدها اعرف العيب وقرر هتعمله فين
ومشكلتك المفترض انها كرباتير بس اخر كلام عن البوجيهات عليها زيت ده معنديش فكرة بصراحة

في مركز الصفا في جسر السويس للكرباتير دول ناس محترمة جدا ومتخصصين في شغلهم ممكن تروح تكشف عليها هناك ب25 جنيه

**osama1osama** · 28-12-2010 06:03 AM

متشكر جدا يا اخ هيثم على الافادة بس ممكن تقولى فين فى جسر السويس بالظبط وهما كشف كربراتير بس ولا ممكن كل الموتور

**Haitham10** · 28-12-2010 07:20 AM

هما في اول جسر السويس تقريبا جنب محطة بنزين في اخر الشارع معلش انا رحتلهم مرة واحدة اسأل عليهم مشهورين اسمهم مركز الصفا للكرباتير.

وانت اول ما بتدخل بيديلك تملي استمارة فيها كل المشاكل الي بيتعاملوا معاها او تكتب مشكلتك وبتسلمها للمهندس
ممكن تبتدي معاهم هما تخصصهم كرباتير فقط بس هتلاقي عندهم مهندس ميكانيكا احتياطي للظروف

ولو ملقتش تحسن اطلع علي التوكيل اعمل كشف ومتغيرش حاجة هناك
ومتقلقش خير ان شاء الله وممكن تطلع مشكلة تافهه سببت كل دة