تحية اللى الاستاذ ميدو على نصحتة لينا
انا بحب اشكرة فعلا لان انا ركبت لمبات تونجسرام ده 100/140 وبسم الله ما شاء الله زى الفل
زى ما كان فى زميل اخر هنا قال كلمة عجبتنى جدا اننا كنا ماشين بفوانيس رمضان ههههههه
انا معايا ماروتى وده اضعف لمض تلاقيها فيها 55/60 يعنى فعلا ماشى على وناسات ههههه
وساكن فى المعادى على الاوتستراد وطريقى كل يوم يا اما الدائرى يا اما الاوتستراد وبليل ببمشى على الحفظ
حسيت بفرق كبيررررررررررررررررررر
اللمض صفرا عادية جدا ولما مشيت بعدها بكام دقيقة كده النور قلب ل ابيض خفيف زى ما بيقولوا كده ابيض ثلجى
بس فى نقط مهمة جدا يا خوانا عشان محدش يلبس زى .
انا كنت مع واحد صاحبى فى احمد سعيد قولت اسأل عليها لقيت اللمبة ب 20 جنية وقولت كويس جدا واتأكد انها مش مضروبة وهى صناعة المجر على فكرة
خت 3 لمض ب 60 جنية قولت اعمل ناصح وخلى واحدة معايا زيادة فى العربية عشان لو اتحرقت واحدة اغيرها لو كنت على الطريق ولا حاجة . المهم بعدها بيومين كنت عند الكهربائى قولتة نركب دول وعايز كتاوت بيطلع اللمض وكانت المفجأة انها متركبش عندى!!! اخخخخخخ لية يا عم الاوسطى قالى انت عندك اللمض طبق ودول شوكة
اتارى فى فرق فى القاعدة بتاعة اللمبة مش عارف اوضحها ازاى بس المهم ان فى نوعين من اللمض لمبات على حاجة اسمها طبق والنوع التانى اسمة شوكة.
فنصحتى فك اللى عندك خدها معاك وانت بتشترى افضل ليك وقولة عايز زى ده بس تونجسرام
طب والحل كان قدامة محل اكسسوارات لقيت عنده النوع اللى يركب عندى وبرضة ب 20 جنية جبت 2 ركبتهم والكهربائى خلصى كل حاجة وكنا الظهر كده. بليل بقى عرفت قيمتهم فعلا جامدين اخر حاجة هههه
واللى عندى ادتهم لواحد صاحبى الحمد لله يركبوا عندة
مرة تانية اشكر استاذ ميدو وكل اللى شاركوا فى الموضوع ده لان اعتقد فى ناس كتير هتستفيد منة
ويبقى ممكن دلوقتى نقول اخيرا شايفين الطريق هههههههه
المفضلات