الموضوع: cd changer فيه مشكلة

قدامك احتمال من 3
E-04: Disc is dirty, upside down or unreadable

و دي بقية رسائل الerror بتاعته كمان

Changer Error Codes
• E-00: Poor Cable connection.
• E-01: Magazine not properly set in changer.
• E-02: No Disc in magazine.
• E-03: CD does not have selected track number.
• E-04: Disc is dirty, upside down or unreadable.
• E-10: No data is recorded on the MD. The player plays the next disc automatically.
• E-99: Changer malfunction, disc may be caught in machine or changer requires service.

بس انت تأمر

المشاركة الأصلية كتبت بواسطة عاشق الفولفو

في سي دي تشانجر 10 اسطوانات في سي دي لما اجي اشغله يبدا يقلب في السيدهات كلها من غير ما يشغل حاجة وكل مرة يطلعلي الرساله دي e-04 هو نوعه كينوود ماليزي ايه العيب فيه وحله ايه


هو العده الكامله تبقي زي ايه(( لوقلنا ان عده لbass بايونيير 1200 و جي ام كينوود 600 يبقي ناقص ايه؟))

عالم الصوت لا يوجد نهاية لأمكانياته و لكن تقدر تقول ان لو عندك عدة بترضيك كصوت و عايز بيز تمام يبقى بايونيير 1200 و جي ام كينوود 600 هم اختيار الكنج

المشاركة الأصلية كتبت بواسطة عاشق الفولفو

تمام ياكينج

بالنسبة للتشانجر مش عارف اعمل معاه ايه جربت كل الاسطوانات اصلي وتقليد واوديو و ام بي ثري و في سي دي بيقعد يغير العشر اسطوانات منغير مايشغل حاجه منهم
في واحد صاحبي بيقولي ان ممكن يكون العيب من العدسه بس يعني كده يبقي تصليحه ازاي او فين

طيب اتأكدت من وضعية الأسطوانات صح؟ جربت تقلبهم؟
العيب علشان يكون عيب عدسة يبقى لازم الجهاز يكون كفران شغل و طالع عينه و ساعتها الزبالة اولى بيه
طب ل كان شغال قبل كده تمام ؟ و انت جايبه زيرو ولا استعمال؟
ادريان ممكن يصلحهولك لكن من تجارب مع السي دي بلاير و أي حاجة فيها عدسة تصليحهم في البلد دي مش سهل و مش فعال ابدا
و لو لسة جايبه قريب يبقى رجعه فورا بدون نقاش
و انا مستني التفاصيل منك

المشاركة الأصلية كتبت بواسطة عاشق الفولفو

جربت كل حاجه ممكن اعملها مع الاسطوانات
الجهاز نفسه لسه جايبه جديد اشتغل شهر واحد بس وكان شغال زي الفل هو كان جايلي من السعودية لذلك الضمان اللي معاه سعودي بس
فيه واحد صاحبي جاب معاه نفس العدة بالظبط بس لما ركبها اشتغلت معاه اسبوع او اتنين بس وعملت معاه نفس الحركه راح موديها التوكيل بتاع كينوود اللي في المهندسين قاله ده العدسه عليها تراب او حاجه علشان الاسطوانات اللي شغلها عليها مش اصلي !!!!
المهم صلحه وخد 250 جنيه الجهاز اشتغل تمام و شغل عليه اسطوانات اصلي بس وفجاه برضه بعد اسبوع او اتنين الجهاز سكت مرة واحدة :(
لذلك زي مانت شايف صعب تريجعه وفي نفس الوقت لما كان شغال كان صوته حلو ومريح الواحد من شيل وتغيير الاسطوانات

مش هقول غير ان ربنا يعينكوا بجد و حاول تبعته مع اي حد مسافر السعودية لأني لغاية هنا مش هقدر افيدك

أنا رأيي تجرب تندف العدسة باستعمال إسطوانة تنظيف ، و دي رخيصة في حدود ١٠ جنيه ، لو العدسة سليمة و مش متجرحة و عليها مجرد تراب يبقى هتشتغل تمام