الموضوع: الجى ام اضائته بتضعف مع البيز الشديد (ايه الحل)

الصورة دى مش فى عربيتى ال128 أكيد بس ملقيتش غيرها :)
دى من قريب

البطارية جديدة من 5 شهور بس من ساعه ماجبتها وهى مهيسة يعنى لو نسيت الجى ام مفتوح بالليل اصحى الصبح الاقيها مشطبة !!!
بس السيمفونى بيشتغل كويس والبيز بتاعه عالى هو الكينوود اللى اضائته بترقص والله انا شاكك يكون العيب منه !!!!! عشان مشوفتش منه ريق حلو من ساعه ما جبته اكنه مش صب وجى ام متكلفين حوالى 1400 جنيه زى قلته يالا بقى نصيب
شكرا يا موش :)

حاول توصل السلك الموجب بسلك تاني 6 مللي توازي مع اللي راكب لإن فردة الكهربة لازم تكون ضعف فردة الأرضي وجرب وشوف الفرق

أحترم رأى حضرتك طبعا يا استاذ سالم
لكنه مكتوب فى كتالوج الجهاز
for the power cord and ground use power cord with diameter of 8 mm (awg 8) or greater.
انا طبعا شاكر لحضرتك جدا
ينفع اخلى الارضى هو اللى 3 مللى واجرب؟
انا هجرب واقولكم

هو مبدئيا كده مع احترامى لجميع الاراء مينفعش سلك الكهرباء يبقى مختلف عن سلك الارضى فى القطر لازم اللى اتنين يبقو نفس الفطر و يفضل انهم ميقلوش عن المكتوب فى المانيوال عشان ميبقاش فى سخنيه زائده او تحميل على الاسلاك و بالنسبه لموضوع الشحن دينامو ال 128 كتير عليه البطاريه ال 70 امبير لانه مش هيلحق يشحنها و ممكن يكون العيب من البطاريه ان عمرها الافتراضى انتهى و ثانيا شحن الدينامو عندك قليل شويه المفرزض عشان يشحن البطاريه كويس ميقل عن 15 فولت و يكون امبيره اعلى عشان كده انا برشح انك تجيب دينامو اعلى او تقلل استهلاك الجى ام عن طريق خفض ال gain و طالما الاسلاك مبتسخنش يبقى الاسلا بريئه من اى مشاكل

تمام يا باشا هو المفروض انى اغير الدينامو من زمان بدينامو شاهين 55 امبير ويركب عادى بعد تغيير الطنبورة
دلوقتى انا لو قللت الجين الصوت هيقل ولا ايه؟
انا جربته مع السماعات بعد ماكانت على الاخر خليتها على النصف الصوت بقى احسن واوضح وبيوصل ل 40 بيبقى فاجر
بس مع الصبات هيبقى ايه الكلام البيز هيقل اكيد؟؟؟؟؟؟