تعديل بجو 104

**el3awaam** · 28-03-2008 08:09 AM

السلام عليكم و رحمة الله و بركاتة...
والله انا مش عارف أقول ايه بس بصراحة المنتدى جميل .
و فعلا بيخدم أعضائه .
و عشان كدة انا عاوز خدمة من إخوانى فى المنتدى سواء كانو مهندسين او صنايعية او ناس عملو شغل فى عربياتهم.
من الاخر... انا عندى عربية بيجو 104 طالعة من حادثة و عاوزة شغل سمكرة و دهان وعمرة للموتور
و كنت عاوز اظبطها و قولت لنفسى طالما شغل بشغل فكرت اعمل فيها بعض التعديلات فى الصاج
زى تنفيخ و اكصدامات sport و أغبر الكراسى بالمرة .وأغير شكل التبلوه .و أركبلها جنوط .
من الاخر...عاوز أخلي شكلها رياضى .
فأرجو من إخوانى الافادة الكاملة لمعرفة صنايعية كويسة و حنينة فى نفس الوقت .
و لو حد يحسبلى متوسط التكلفة تقريبا يبقى جزاه الله كل خير..
و ياريت لو فيه شوية صور يبقى 100 100 . و مش لازم صور ل104 هى هاتش بلك عموما
تشبه ال127 او الريتمو او جولف ممكن شغل العربيات دى ياكل معاها.
و جزاكم الله خيرا...

**hazem_khidr** · 28-03-2008 02:00 PM

يبقي تسال الاخ فلاينج بيجو
هو عمده البيجو في المنتدي :)
حيقولك علي اماكن قطع الغيار و اسعارها لو متوفره

**badblood** · 28-03-2008 02:32 PM

شوف يا سيدي شغل الفايبر والاكصدامات عندك سيد حواجب في الحرفيين وعندك حربي في شارع الهرم
اما الكراسي انت انوي وانا اجبليك حاجة كويسه ان شاء الله بس حددلي اللون اللي انت عايزه
ممكن كمان تغير شكل الفوانيس الامامي والخلفي وعندك ناس كتير كوسيه جدا في الموضوع ده
ledtronics وده جروب ع الفيس ادخل واتفرج على الشغل وهتلاقي عربيتي متعدل فيها الفوانيس الخلفيه(دايو لانوس)
وعندك الفنجري بردوا في الحرفيين وده كويس بس انا مجربتوش عملت الباغات عنده بس
ولو احتجت اي حاجه انا في الخدمة من كماليات واكسسورات وان شاء الله اقدر افيدك
بس على فكره الموضوع كده هيحتاج ملبغ كبيييييييير جدا

**ams** · 28-03-2008 02:45 PM

المشاركة الأصلية كتبت بواسطة el3awaam

104 sport كويسة و حنينة

اهلا بك يا اخى عضوا جديدا فى نايل موترز
ارجو منك ألا تكتب بالحمر لانه مخصص للاداره
وشكرا

**el3awaam** · 29-03-2008 04:24 PM

و اجيبو منين الاستاذ فلاينج بيجو ؟

**el3awaam** · 29-03-2008 04:53 PM

شكرا يا blood بس انا كنت عاوز اعمل الاكصدامات صاج مش فيبرجلاس
و ياريت لو تعرف تقريبا التكلفة اعملهالى كل حاجة لوحدها.
انا عاوز نسب تقريبة .
شكرا

**driftracer11** · 29-03-2008 06:02 PM

i think from my little view the car is small so put new powerful engine and put rims and lower ur ride this will be enough and great and will be better from putting bumpers

**el3awaam** · 29-03-2008 06:07 PM

ممكن عربى يا driftracer11

**driftracer11** · 30-03-2008 01:00 AM

اسف يا باشا انا كل قصدى العربيه 4 ابواب مش باب واحد وكمان صغيره فحت وعلشان كده وجهه نظرى هى انك تسيبك من الاكصدامات ظبط كراسيك وفرشك وحط جنوط بقدر الامكان فيها عبقريه علشان تظهر العربيه مع كاوتشات شكلها تمام ووطى العربيه ومساعدين مونرو وزينون وكان الله بالسر عليما ده من راى بس توطى يعنى توطى واتفرج عليها وومكن رسمه من الجانب وكلام على الرفرف الامامى ولو عايز غطى الكبوت اسود وبس لان العربيه صغيره خالص وكمان ياحبذا لوسقطت مكنه محترمه على الحجم ده هتبقى قادر وربنا يعينك عليها...