مفاجأة فى مطلع

**shumand** · 08-01-2011 07:08 AM

الله ينور يا رجالة عفارم عليكم حاتخللوا الراجل يروح يرمي العربية في الزبالة
اولا احب اطمان الاخ mazenzyad انه العربية ماجرالهاش حاجة ان شاء الله
ممكن حد من السادة الاعضاء اللي بيقول انه المطلع على سرعة بطيئة يجيب اسطوانة يوصفلي الحركة الميكانيكية اللي بتحصل بالظبط؟؟ بلاش فتاوى بالله عليكم
بالنسبة للموضوع ده فلو العربية طالعة مطلع بسرعة قليلة وغيار عالي هايحصل ان معدل الاسبارك هايكون اعلى من معدل ضخ البنزين داخل الاسطوانات وهايحصل حرق زائد للبنزين القليل اللي احنا بنقول عليه بالعامية كركرة موتور وفي الحالة دي العربية حاتنتش منه لغاية ماتبطل (لانه عندها هايكون مافيش اي ابخرة بنزين داخل السلندرات بسبب انها تم حرقها بالكامل بشكل عشوائي من البوجيهات)
اما موضوع الاسطوانة ده بيكون سببه غباء السائق بمعنى انه مصمم يستخدم غيار عالي ومش عاوز العربية تبطل فبيستخدم دواسة الدبرياج عشان يسايس العربية وماتبطلش
لو عاوز تتاكد من ان الموتور عزمه سليم والاسطوانة كويسه بطريقة عملية بس خد بالك انها محتاجة مهارة شوية....
من وضع الثبات ادي العربية الغيار الخامس وطبعا مش هاترفع رجليك من الدبرياج مره واحده واحدة واحدة وابدا زود بنزين لو لقيت ان العربية بتستجيب معاك .... هوب استوب على كده وكل عام وانت كويس

**mazenzyad** · 09-01-2011 06:20 AM

المشاركة الأصلية كتبت بواسطة shumand

الله ينور يا رجالة عفارم عليكم حاتخللوا الراجل يروح يرمي العربية في الزبالة
اولا احب اطمان الاخ mazenzyad انه العربية ماجرالهاش حاجة ان شاء الله
ممكن حد من السادة الاعضاء اللي بيقول انه المطلع على سرعة بطيئة يجيب اسطوانة يوصفلي الحركة الميكانيكية اللي بتحصل بالظبط؟؟ بلاش فتاوى بالله عليكم
بالنسبة للموضوع ده فلو العربية طالعة مطلع بسرعة قليلة وغيار عالي هايحصل ان معدل الاسبارك هايكون اعلى من معدل ضخ البنزين داخل الاسطوانات وهايحصل حرق زائد للبنزين القليل اللي احنا بنقول عليه بالعامية كركرة موتور وفي الحالة دي العربية حاتنتش منه لغاية ماتبطل (لانه عندها هايكون مافيش اي ابخرة بنزين داخل السلندرات بسبب انها تم حرقها بالكامل بشكل عشوائي من البوجيهات)
اما موضوع الاسطوانة ده بيكون سببه غباء السائق بمعنى انه مصمم يستخدم غيار عالي ومش عاوز العربية تبطل فبيستخدم دواسة الدبرياج عشان يسايس العربية وماتبطلش
لو عاوز تتاكد من ان الموتور عزمه سليم والاسطوانة كويسه بطريقة عملية بس خد بالك انها محتاجة مهارة شوية....
من وضع الثبات ادي العربية الغيار الخامس وطبعا مش هاترفع رجليك من الدبرياج مره واحده واحدة واحدة وابدا زود بنزين لو لقيت ان العربية بتستجيب معاك .... هوب استوب على كده وكل عام وانت كويس

انا بلغنى نفس الحل العملى و لكن بالعكس ( ادى العربية الغيار الرابع و اطلع لو طلعت يبقا فى عيب اسطوانة و لو بطلت يبقى الاسطوانة سليمة ) و سيادتكم بتشير الى عكس ذلك - فأى الاختبارين صحيح ؟؟؟ انا محتار ارجو الافادة و استحملونا علشان انا بتعلم جديد و العربية مكملتش شهر - مع الشكر

**ahmedbakr50** · 09-01-2011 10:51 AM

متابع !!!!!

**mazenzyad** · 09-01-2011 12:12 PM

متابع باهتمام

**elmkaneeki** · 09-01-2011 12:24 PM

ابسط من كل ده طالما
el-RPM
معليش معاك ل4 أو 5 يبقى خلاص
العربية مفهاش أي حاجة

**shumand** · 18-01-2011 03:20 AM

المشاركة الأصلية كتبت بواسطة mazenzyad

انا بلغنى نفس الحل العملى و لكن بالعكس ( ادى العربية الغيار الرابع و اطلع لو طلعت يبقا فى عيب اسطوانة و لو بطلت يبقى الاسطوانة سليمة ) و سيادتكم بتشير الى عكس ذلك - فأى الاختبارين صحيح ؟؟؟ انا محتار ارجو الافادة و استحملونا علشان انا بتعلم جديد و العربية مكملتش شهر - مع الشكر

السلام عليكم
انا اسف يا اخ مازن انا اتاخرت عليك في الرد
بص يا باشا اولا الاختبار ده بيتعمل على اخر سرعة للعربية عشان ده اصغر ترس فيها وهو اللي على اساسه بتتصمم الاسطوانه ... يعني العربية لو فيها سادس هاتعمل الاختبار على السادس
ثانيا الغرض من انك تدي العربية اخر غيار وتحاول تخليها تتحرك هو انك بتحمل على الاسطوانة اصلا وبتشوف مدى كفائتها مقابل اكبر وزن للعربية وهي واقفه طبعا
الاختبار ده صحيح وفعال ان شاء الله
بس لو انت خبرتك مش عالية اوي في السواقة ماتجربهوش افضل لانه هايكون صعب معاك شوية
ممكن بطريقة بسيطه عن كده انك تشوف وتقارن سحب العربية قبل المشكلة بتاعة المطلع وبعدها لو انت حاسس ان العربية صوتها عالى عن الاول نسبيا مقابل السحب يبقى كده دي مشكلة اسطوانه فعلا وجرب الاختبار ده
عموما ماتقلقش نفسك وان شاء الله خير

**best2010** · 18-01-2011 05:29 AM

المشاركة الأصلية كتبت بواسطة shumand

من وضع الثبات ادي العربية الغيار الخامس

كنت فى المقطم وحضرتك مشكلة فى الفتيس بتاعت احد ملاك اللوجان بسبب انه حاول يجيب الخامس والعربية واقفة ، ولما الغيار كان تقيل ومش راضى ييجى معاه اتعافى على الغيار فسببت مشكلة فى الفتيس ..

**amrelsaqqa** · 18-01-2011 05:55 AM

المشاركة الأصلية كتبت بواسطة shumand

السلام عليكم
انا اسف يا اخ مازن انا اتاخرت عليك في الرد
بص يا باشا اولا الاختبار ده بيتعمل على اخر سرعة للعربية عشان ده اصغر ترس فيها وهو اللي على اساسه بتتصمم الاسطوانه ... يعني العربية لو فيها سادس هاتعمل الاختبار على السادس
ثانيا الغرض من انك تدي العربية اخر غيار وتحاول تخليها تتحرك هو انك بتحمل على الاسطوانة اصلا وبتشوف مدى كفائتها مقابل اكبر وزن للعربية وهي واقفه طبعا
الاختبار ده صحيح وفعال ان شاء الله
بس لو انت خبرتك مش عالية اوي في السواقة ماتجربهوش افضل لانه هايكون صعب معاك شوية
ممكن بطريقة بسيطه عن كده انك تشوف وتقارن سحب العربية قبل المشكلة بتاعة المطلع وبعدها لو انت حاسس ان العربية صوتها عالى عن الاول نسبيا مقابل السحب يبقى كده دي مشكلة اسطوانه فعلا وجرب الاختبار ده
عموما ماتقلقش نفسك وان شاء الله خير

رغم انى عارف الاجابة انها المفروض تبطل عشان تبقى الاسطوانة سليمة
بس انت ما وضحتش برضه

امتى الاسطوانة تكون سليمة
لو العربية طلعت على الرابع او الخامس ؟؟
ولا لو العربية بطلت ؟؟

**MOUSTAFA_SAAD** · 18-01-2011 06:33 AM

يا اخوانا ايه الكلام اللى انتوا بتقولوه ده
حتشتتوا الراجل وحتخلوه يشك فى عربيته
العربيه زى الفل ومفيهاش حاجه العيب كان فى طريقة سواقته انه طلع المطلع وكان مدى العربيه غيار اكتر من حقها وخلاص على كده
ياريت مفيش داعى تدوخوا صاحب العربيه وتخلوه يعمل حاجات يخرب بيها حاجة تانيه لانه واضح ان خبرته لسه قليله فى السواقه

**shumand** · 18-01-2011 10:42 PM

المشاركة الأصلية كتبت بواسطة amrelsaqqa

رغم انى عارف الاجابة انها المفروض تبطل عشان تبقى الاسطوانة سليمة
بس انت ما وضحتش برضه

امتى الاسطوانة تكون سليمة
لو العربية طلعت على الرابع او الخامس ؟؟
ولا لو العربية بطلت ؟؟

نعم لو الاسطوانه سليمة العربية حاتستجيب وتبدا تتحرك
بس ياريت الناس تفهم اني قصدي تبدا تتحرك مش تمشي وتاخد سرعة