عرض للطباعة
غيرت فلاتر وسيور كصيانة دورية للسيارة لانوس 2003 ومكانش عندى أى مشكلة ولكن بعد كدة صوت العربية بقى عالى جدا"-ميكانيكى تانى كشف وقال ان بلية الكمبرسور لازم تتغير وان ده فوق امكنياته ..رحت التوكيل(عيسى)قالوا مش ممكن تغيير البلية بس انما ممكن نغير الكمبريسور؟؟؟ مين ميكانيكى ممتاز فى المنصورة ممكن يغير البلية دى ويكون فاهم شغله؟
عاوز أضيف أن الميكانيكى الأول ركب سير التكييف من محل قطع غيار صغير جدا" جنبه على طول والظاهر أن المقاس ماكانش مضبوط تمام و هو اللى أثر على بلية كمبرسور التكييف
لا يوجد ميكانيكى شاطر فى المنصورة؟
السلام عليكم و رحمة الله و بركاته
أنا أعرف ميكانيكى شاطر بس مش عارف اذا كان هيفيدك ولا لأ , عالعموم , ممكن تجربه, أنا بتعامل معاه من حوالى 14 سنة فى العربيتين البيجو505 و الشاهين بتوعنا , بس أنا لما بروح عنده, بشوف عربيات حديثة و محترمة واقفة عنده و شغال فيها عادى و منها اللى بيعمر عنده كمان و هو بصراحة أمين جدا و بيجيب من الآخر.
هو اسمه سامى و فاتح فى حى غرب , أسهل طريقة عشان تروحله , أنك تروح عند عوض الله اللى فى حى غرب و تدخل فى الشارع اللى قصاد عوض الله بالظبط و هو رابع بيت على الشمال و تليفونه أهوه 0105644074
و ابقى طمننا, عملت ايه .
الموضوع مش محتاج ميكانيكى شاطر محتاجد ميكانيكى عايز يشتغل انا عملت الموضوع دة فى الابيزا و اللى عملهولى كهربائى
1- صيانة المحرك :- انا بعمل شغل المحرك كله عند ميكانيكي شاطر جدا وفاهم كويس جدا وده موجود في دكرنس بعد شريط القطار بشوية صغيرين وده اكتر واحد فاهم قابلته حتي الأن في صيانة المحركات وبنعمل شغلنا كلنا عنده (ابيزا - لانوس - نوبيرا ) واسمه نصر ورقمه 0105889300
2- صيانة العفشة والفرامل والفتيس :-
بعملها في المنصورة عند ميكانيكي شاطر جدا وفاهم جدا جدا وسعره ممتاز جدا جدا واسمه هلال و وورشته من شارع عبد السلام عارف توصل حتي بنزينة الغاز الطبيعي وبعدين تدخل شمال جنب الأمن المركزي وتمشي حتي نهاية سور الأمن المركزي هتلاقي الورشة علي يمينك (رقم تليفونه 0109167560 )
وبالتوفيق ان شاء الله
في شكري في شارع السوق القديم بجوار كافيه كابتشينو وده اشهر من في المنصوره في تخصص اوبل بما ان موتور اوبل ابن عم موتور اللانوس وربنا يوفقك.
شكرا"للردود المفيدة وللأعضاء المحترمين-وللأخ maserati أعتقد أن الميكانيكى اللى غيرت عنده السيور و الفلاتر هو سامى عزمى الى انت تقصده وهو على العموم سمعته كويسة لكن أنا بدور على واحد أحسن
العفشة
عند عبده فواكه اللى بعد موقف التلاجة بشارعين و انته رايح لميدان المحطة
مع احترامي لكلام حضرتك طبعااقتباس:
المشاركة الأصلية كتبت بواسطة hellboy
ولكن انا جربت شكري ده وشغله وطريقة تعامله مش اد كده بصراحه على الهوليله اللي معموله له
أولا مش بيشتغل بأيده كتير
صبيان كتير بيفكوا وده بيخلي ان من السهل جدا ان حاجه تطير كده ولا كده
يعين شغل بصراحه مش مرتب خصوصا ان الصبيان كتير قوي وبيشتغلوا كلهم في نفس المكان مره واحده
وفي النهاية الشغل مكنش كويس واللي عمله باظ تاني برضه بعد دفع فلوس مش قليلة
فيه مصطفى بجوار مبنى السلاب للسيراميك بتاع المجزر روح هتساله عليه هتوصله بسهوله هو قبل البنزينة بتاعت الغاز قبلها هتدخل يمين اكنك داخل شارع سامية الجمل من اوله واول يمين هتدخله بجوار علام للبويات وكمل الشارع هتلاقيه عالطول وجمبه بتاع تكييفات كمان
بص اقولك من الاخر و هيعجبوك جدا جدا جدا
شغل الميكانيكا عند واحد اسمو محمود عوض عند فى الشارع بتاع عوض الله امشى فى اخره هتلاقى اسواق على على الشمال هوه الشارع الى قصادها الناحيه التانيه على طول قبل متخش على مساكن العبور بشارعين هتلاقى الشارع على ناصيتو يافطه صيدليه كده ( بس الصيدليه مقفوله على طول ) ههههه
و العفشه عند واحد اسمو ناجى غربيه امام الميكانيكى على طول الورشه الى امامو
و الكهربائى واحد اسمو محمد عتلم عند عبد السلام عارف فى الشارع الى ناصيتو منصور شيفروليه خش فى نصو كده عند الارض الواسعه و اسال عليه
و السمكرى فى نفس شارع الكهربائى برضو على ناصيه قبل الحته الواسعه على طول اسمو وائل
دول من الاخر هيظبطوك على الاخر فى اى حاجه
ومين احسن ناس بقى فى المنضصوره برضه بس شغالين فى الجديد النترا وتويوتا وبوما؟؟
من الاخر احسن ميكانيكى و عن تجربه و ده مش مكيانيكى عادى ده مركز صيانه وملوش حل بس غالى فى المصنعيه اسمه حسن الزينى وده فى طلخا تنزل عن الشارع الرئيس الى فى وسط طلخا فى طريق بلقاس قدام مزلقان الى عند مركز الشرطه تسال هناك اى حد هوا زى النار على العلم هوا فى تقسيم هناك مش فاكر اسمه بس هوا معروف جدا جدا وملوش حل
شكرا"لكل الأعضاء المحترمين اللى شاركونا وساعدونا بالنصيحة وان شاء الله نكون استفادنا منها
هو حسن الزينى ده مش على الطريق بين موقف طلخا الجديد و كبرى الجامعة لان بيتهيالى شفت يافطة ليه هناك ولا ايه؟اقتباس:
المشاركة الأصلية كتبت بواسطة m.aligamal
اقتباس:
المشاركة الأصلية كتبت بواسطة m.aligamal
فعلا الزيني دا احسن واحد وبيشتغل في كل الانواع وعنده كشف بالكمبيوتر