في مشاركة حضرتك مفارقة غريبة ..
مع أول فيديو اللى مقدرتش أمسك فيه دمعتى حسيت بكم الهم و الغم و الفساد اللى عايشين و حال البلد اللى لا يسر عدو و لا حبيب.
و مع الفيديو التانى الإبتسامة مفارقتش وجهى طول ال 9 دقايق ... فعلاً البلد دى لسه فيها الخير بس محتاجه تتغير و اللى فوق يبقى تحت و اللى تحت يبقى فوق ... تغيير أو إنقلاب أو أى حاجة بس مفيش حل تانى غير كده من وجهة نظرى عشان تبقى مصر تانيه غير اللى إحنا شايفنها إلنهاردة دى.
حضرتك يا دكتور فكرتى بحاجه كده ... كان الرئيس سنة 2005 كده بيقول فيما معناه إنه هيبدأ مرحلة جديدة و هننسى الماضى و كأن الماضى ده مش هو اللى كان مسئول عنه .. و طبعاً فيه مبررات طلعت للتأخير ده إن التغيير لازم يبقى بالتأنى و براحتنا خالص .. هو يعنى إحنا هنسابق مع كوريا ولا الصين و لا ماليزيا ؟؟؟ .. ما هما سبقونا خلاص .. يبقى براحتنا بقى عشان نفسنا قصير!
و الموضوع ده برضه إتكرر فى أحد خطب جمال مبارك.
حقيقى مش فاهم هل هما واعيين للى بيقولوه و اللى بيعملوه ده؟!
المفضلات