لا تعليق
لا تعليق
يا جماعة هو حط زيت موبيل 1 و لا فيسكو !!!
السلام عليكم و رحمة الله و بركاته
أنا لا محتاج أجيب دليل قاطع و لا 4 شهود لأنى من الأصل ماقولتش عليهم أنهم بيروحوا الكباريهات مع أن من السهل جدا أن أى حد يثبت فى الدنيا أنهم بيروحوا الكباريهات , بس مش مهم , ممكن سيادتك تبص على المشاركة بتاعتى و تجيبلى دليل واحد مش أربعة , أنى قلت عليهم أنهم بيروحوا الكباريهات ؟؟؟!!!!
السلام عليكم و رحمة الله و بركاته
لأ طبعا , أكيد مش هيكتب الحاجات دى , بس لو كان فيه حاجة أهم من غيار الزيت , كان كتبها فى العنوان و فى صدر الخبر بدل مايكتب غيار الزيت .
عالعموم , الموضوع مش أنه غير الزيت و لا عمل حاجة تانية غير غيار الزيت , أنا قصدى من الموضوع كله أن انفاق المال فى هذا البند هو تبذير و سفه و اسراف, لو سيادتك شايف ان الثرى العربى ده محق فى اللى هو عمله , يبقى ok, مفيش مشاكل , كل واحد حر فى رأيه .
بس المفروض كان كلم ا/ كريم منير علشان يوصى عليه وعلى فكرة العربية معلقة استيكر نايل موتورز
أسمحلي وهو ينفع برده تشبيه واحد بيصرف من حر ماله حتي لو بسفه............. بشرب الخمرة والكابريهات!
عموما الموضوع المستفز(سلبي) منتشر علي المنتديات العربية بطريقة لامعني لها غير كله بينقل من كله دون أدني مصدر مؤكد أو واضح للخبر ده حتي نازل في جرائد مصرية
ودورت علي أي أساس أجنبي ليه بخ مافيش
السلام عليكم و رحمة الله و بركاته
ماهو , أنا برضه من رأيى -اللى أنا حر فيه- أن مفيش حاجة اسمها حر ماله بالمعنى ده, المال ده مش بتاعنا مهما كان جاى بتعبنا و شقانا و مجهودنا , ده مال ربنا سبحانه و تعالى و هو بس اللى منحه للمسلم مننا عشان بيستعين بيه على قضاء حوائجه و حوائج المسلمين , هى دى وظيفة المال, اذا كان المال هيتصرف فى هذا التبذير و السفه و الاسراف, فهو اتصرف فى غير وجهه الحقيقى و بالتالى خرج عن الوظيفة اللى هو -المال- جاى عشانها, و بالتالى يبقى احنا اتصرفنا فى المال ده على غير ما أمرنا به المولى عز و جل و التصرف على خلاف ما أمر به الله, هو عصيان لأمر الله .
اما ان الخليجي دا غريب اووووووي
انا عايز اعرف ليه مبعتهاش ايطاليا اشمعنا انجلترا يعني
و علي فكرة في ناس في مصر معها عربيات كلاسيك و بتشحنها و تسافر بيها تحضر الConcours d' Elegance و ترجعها تاني
و في ناس تانية تودي العربية لو بايظه تتصلح في المصنع او مركز الصيانة بتاع العربيات الكلاسيك بره مصر
بس غيار زيت..........اول مرة اسمعها دي ...الخلايجة دول مافيش مخ خالص
خلاص نقلبها أشتراكية بقه.............طالما أصدرت حكمك علي الراجل أنه علشان سفر عربيته يتعملها صيانة أذنب حتي بدون معرفة لسلوكه وألتزامه بالزكاة والصدقات من عدمه
ده غير زي ما ذكر mbhead وكالة اللامبورجيني في أيطاليا مش uk ده كده حتي يبقي الراجل غلبان علشان ماعرفش يوديها الشركة الأم في أيطاليا:F_eyeb1[1]:
Lamborghini Shipped from Qatar to England for Oil Change
If you think oil changes are expensive, thank your lucky stars you’re not paying £20,000 ($39,623) for the service.; One owner of a new 2008 Lamborghini Murciélago LP640 paid that princely sum to have his car shipped from Qatar to London for a lube job.
The 6500-mile round-trip reportedly cost the customer, rumored to be a Sheikh, 20,000 on top of the £3552 ($7037) costs to have the car serviced.; Handlers at London’s Heathrow airport condemned the move, theorizing it could have been more efficient to fly mechanics to the Lamborghini itself.
We’ve seen stranger things happen from those with wealth, but we’re simply stunned – why, after paying nearly $50,000, would you not have your Lambo serviced at the factory in Sant’Agata Bolognese, Italy?
بعض التعليقات
There is in fact a service location in Qatar:
Lamborghini Service Doha
75, Al Wakalat Street, Industrial Area
Qatar
Phone number listed as well at main lamborghini site. The site shows that there are also service centers in Oman, UAE, Saudi Arabia and Kuwait.
So unless the transport was done for moving the car as well as getting the work done.
----------------------------
One thing I'd like to know-did the car get serviced and then shipped right back home? Or is it still in the UK? I ask this because I've known quite a few people who have shipped a car overseas in order to use it there-it makes sense to get it serviced once its there. I'm sure the answer's out there but I can't find it.
On the other paw, it may just be another gross display of wealth.
----------------------
To be fair, the headline is misleading - it wasn't just an oil change, but a full service - and being driven around the desert the engine may have gotten sh....*ed up, requiring a lot of attention and parts. Perhaps it was well past it's service mileage and needed even more work than the usual service would have required.*
£3,000+ seems a bit steep, but that's the premium you pay for any high end car, and "specialists" to deal with the problems. It sounds feasible to me.
*I had a Daewoo once (don't laugh) and it was on it's last free warranty service (thank DOYC). When I wen't back to collect it it was in about 200 pieces on the garage floor, and they explained it would be another day or so. The list of new parts they had to put on was probably worth more than I paid for it.
---------------------
ببساطة حتي الأنجليز مش مقتنعين بالخبر ألي كتباه مواقعهم!!!!!!!!!!
السلام عليكم و رحمة الله و بركاته
أنا ماليش دعوة باللى هو عمله بماله لأنى ببساطة , ماعرفش هو بيطلع الزكاة و لا لأ و بيعمل خير بفلوسه و لا لأ, يعنى أنا مابتكلمش على المليار دولار اللى هو بيدفعهم كل سنة زكاة و صدقات و أعمال خيرية , انا بتكلم على ال 50000 دولار دول بالذات, اللى هو دفعهم فى غيار زيت عربيته , لأن ربنا سبحانه و تعالى يوم القيامة, هيجازيه خير على كل قرش هو دفعه فى الزكاة الواجبة و الصدقات و أعمال الخير طالما أنه كان يبتغى رضا الله عز و جل, لكن برضه ربنا سبحانه و تعالى يوم القيامة هيسأله على ال50000 دولار دول , هو عمل بيهم ايه؟؟؟؟ , أنا عن نفسى ماعنديش الجرأة على الاطلاق أنى أقف بين يدى الله سبحانه و تعالى و أقوله -لما يسألنى عن ال50000 دولار دول- أنى غيرت بيهم زيت العربية بتاعتى , يمكن هو -الثرى العربى ده- عنده اجابة على السؤال ده يوم القيامة , بس أنا ماعنديش بصراحة .
الحاجة التانية, أن ماينفعش أنا مثلا, لما ربنا سبحانه و تعالى يسألنى عن ال50000 دولار دول , أنى أرد و أقول أنى صرفتهم فى غيار الزيت بس -و العياذ بالله- أقول لربنا أنى, أنا برضه يا ربى عملت خير كتير بالمليارات زى كذا و كذا , أنا ماقدرش أرد على رب العالمين و أقول كده لأن معنى كده , أنى بقول لربنا سبحانه و تعالى -و لله المثل الأعلى و تعالى الله عما يقولون علوا كبيرا- أنى صحيح ضيعت ال50000 دولار دول فى غيار الزيت لكن أنا عملت خير كتير بالمليارات و أن المفروض نطرح دول من دول و بالعمليات الحسابية بتاعتنا , أن أنا برضه أطلع كسبان و هخش الجنة , لأن أصلح أهل الأرض ( أكثر أهل الأرض صلاحا ) , مش هيخش الجنة الا برحمة الله , مش بعمله اللى عمله فى الدنيا .
و بعدين ده مش فكر اشتراكى و لا حاجة , لا يوجد قانون على وجه الأرض يجرم أن الانسان يعمل بفلوسه اللى هو عايزه طالما أنه لا يضر الآخرين لأن ببساطة القانون الأرضى الوضعى بتاعنا كبشر مش هو اللى أعطانى الفلوس دى و بالتالى لا يملك أنه يسألنى أنا بعمل بالفلوس ايه, لكن ربنا سبحانه و تعالى هو اللى أعطانى الفلوس دى و بالتالى لازم أصرفها على النحو الذى يرضى عنه رب العالمين لأن المولى عز و جل هو فقط من يملك أنه يسألنى عن المال ده , أنا اتصرفت فيه ازاى .
و قضية الترف و التبذير و البذخ دى, قضية نسبية , يعنى الثرى العربى ده شايف أن 50000 دولار فى غيار الزيت بتاع العربية مش تبذير ,ok , لكن أنا شايف أنه تبذير و سفه و ممكن تلاقى واحد تالت شايف أنه أقل من المطلوب و أن غيار الزيت ده يستاهل مثلا 100000 دولار , خلاص , كل واحد حر , لأننا يوم القيامة هنتحاسب أفراد و ليس جماعات .
ده رأيى فى القضية دى بالشكل ده و كل واحد حر فى رأيه .
أكيد كل واحد حر في رأيه........بس أنت دخلت الموضوع في رأي فقهي وديني وكده مافيش حرية رأي شخصي في الموضوع!
طيب ماألي تحت خط الفقر في مصر هايقولو ببساطة شوفته MASERATI مبذر أزاي راكب 505 وأحنا مش لاقين ناكل وماشيين علي رجلنا ياتري هاترد تقولهم أيه ؟:F_eyeb1[1]:
السلام عليكم و رحمة الله و بركاته
كل حاجة فى أمور حياتنا لازم تمشى بالشكل اللى ربنا سبحانه و تعالى أمر بيه , بالبلدى كده عشان الواحد يبقى فى السليم يعنى و لا يكلف الله نفسا الا وسعها, لأن أى أمر من أمور حياتنا لما بنحتار فيه و مابنعرفش الصح من الغلط فيه , أسهل طريقة عشان نحل المشكلة دى , أننا بنرجع لأوامر و نواهى رب العالمين و لسنة رسول الله -صلى الله عليه و سلم- و نقيس الأمور عليها و الصح نعمله و خلاص , ده بالنسبة للأمور اللى فيها اختلاف و الكلام ده على مستوى الأفراد , يعنى أنا أعمل كده مع نفسى و مع اللى يخصنى لأنى مش هقدر أجبر المجتمع كله أنه يمشى زى ما أنا عايز , لكن, كل واحد حر فى نفسه و تصرفاته, لأن الحساب بيقى يوم القيامة أفراد و ليس أمم و لا جماعات , يعنى كل واحد هيتحاسب عن نفسه و بس .
بالنسبة للعربية البيجو 505 بتاعتنا , فهى مو 1980 , يعنى بالكتير أوى لو بتطير , تعملها بتاع 30000 جنيه, بالنسبة لكوووووووووووووووول العربيات اللى بتجرى على شوارع مصر, بتلعب فى الRange من مثلا 10000 جنيه لحااااااااااااد مثلا 250000 جنيه , اللى هى الباسات مثلا , فى النص بين الاتنين تقع أغلب الأنواع, زى السيراتو و الأكسنت و الأوكتافيا و الالنترا و ال............... و أنا من رأيى أن اللى بيركب حاجة فى الRange ده من 10000-250000 جنيه , يبقى فى السليم أو على الأقل هيبقى أحسن من اللى راكب حاجة بمليون جنيه مثلا,أنا بالتفكير رأيت أنى لما أركب عربية سعرها 30000 جنيه و الRange فى بلدنا و مجتمعنا من 10000 - 250000 جنيه , يعنى أنا أقرب للحد الأدنى أكتر من الحد الأقصى , يبقى أنا كده فى السليم و خاصة أن أنا فعلا عربيتى تعتبر حاليا أرخص من أغلب العربيات اللى ماشية فى الشارع, النهاردة الماروتى أغلى منها, ولما بمشى بالعربية فى الشارع , لا ألاحظ أن عيون الناس بتلاحقنى و لا أنها عربية ملفتة للنظر , أنا برضه رأيى, أن أنا لو خرجت عن الRange ده , يعنى جبت مثلا تويوتا كامرى ب 650000 جنيه , يبقى أنا كده , أخاف أنى أكون دخلت فى دائرة المبذرين و بالتالى البعد عنها أحسن, دى طريقتى فى الموضوع و فى كل الأمور الأخرى لحد ماييجى حد و يقوللى و يقنعنى أن الموضوع ده كده غلط و أن أنا بفكر غلط و بالتالى أنا على استعداد كااااااااااامل لتغيير وجهة نظرى :E_braces[1]:.
تمام........ربنا يهدينا جميعا لما يحبه ويرضاه
ايه ده حرااااام
اصحاب العقول فى راحة