السلام عليكم و رحمة الله و بركاته
احنا بناخد الأمور على علتها لحد ماييجى حد و يكذب الخبر أو يصححه أو يقولنا الخبر الحقيقى كذا و كذا .
اللى أودامنا لحد دلوقتى , أنه بعت عربيته يتغير ليها الزيت , الخبر قال كده , مش أنا اللى قلت , و بالتالى احنا بنتعامل مع الموضوع ده على أد غيار الزيت , الا اذا, طلع حد تانى و قالنا يا جماعة , الخبر ده غلط , لكن الصح كذا و كذا و الدليل أهوه, ساعتها يبقى فيه كلام تانى .
اللى بيخلينا نعتقد بجواز أن الواقعة دى ممكن تحصل هو أنها اقترنت بناس , كلنا عارفين أنهم بيحبوا المنظرة بشكل كبير جدا و ان كتير منهم من اللى بيقدر يتمنظر و معاه فلوس للمنظرة -لأن مش كل الخلايجة معاهم فلوس و أثرياء- بيتمنظر و مفيش أصدق من كلامى أكتر من الفيديو بتاع الجماعة القطريين اللى نزلوا من كام شهر لندن و ملوا شوارع لندن بالعربيات الفخمة بتاعتهم, و الكلام ده بيتكرر كل سنة فى كتير من مدن أوروبا فى الصيف و انا شوفت الكلام دع بعينى فى جنيف لما كان فيه -على ما أعتقد- اماراتيين بيقضوا الصيف فى سويسرا, حصل نفس المنظر بتاع القطريين اللى فى لندن ده, بالظبط, فمن ناحية المنظرة و الفشخرة , هما بيموتوا فيها و اللى يقدر منهم عليها مابيتأخرش .
و زى ما أنت قلت , أنك بتبعت الأجهزة تتصلح خارج مصر لأن التوكيل هنا مابيعرفش يصلحها , لكن لو كان بيعرف زى بره, كنت أكيد هتصلحها فى التوكيل هنا الا اذا كان غرضك أنك تصرف فلوس بزيادة , ده أمر تانى .
لكن , اللى أنا متأكد منه, أن أكيد توكيل اللامبورجينى فى بلد الثرى العربى ده, بيقدروا يغيروا الزيت , اذا كان أنا ممكن أغير الزيت بتاع اللامبورجينى رغم أنى عمرى ماغيرت زيت عربية شاهين حتى, قبل كده.
المفضلات