حوار حول دواسة البنزين الكهرباء
أنا معايا اختها بس عاوز اعرف انت ازاي أداءها مش عاجبك ؟؟
أو إيه بالظبط اللي مش محسسك بقوتها
يمكن انت طريقة سواقتك حنينة عليها حبتين ؟
العربية دي بتطلع التورك بتاعها على آر بي إم عالي أساساً
عموما انا عامل كابلات سبليت فاير وبوجيهات 3 شمعة وفلتر hks وشكمان ديفل ومش هاقوللك غير هات عربية فيرنا (ستوك) وتعالى دراج من الثبات وشوف بنفسك !!!
خد بالك الاسبيرانزا عموما رغم ان موتورها مش خارق لكن فيها ميزة جامدة محدش بيقدرها
دواسة البنزين بتاعتها كهربا والأهم انهامتبرمجة بشكل معين على كمبيوتر العربية بحيث انها متضيعش أي جزء من قوة الموتور في الفرك على الأرض
يعني حتى لو انت متعمد تأمرك أو تنتش بيها هاتلاقيها رافضة الكلام ده
بتديك انطلاقة سريعة في حين اللي جنبك بيضيع قوة موتوره في الفرك عالفاضي
والأهم من ده كله ماتهينش العربية في الصيانات والتشحيم والاعتناء بالموتور
وعلى فكرة انا الأول مكنتش باجري بيها خالص بس بعد ما وطيتها وعرضت الكاوتش لزقت في الأرض وبقت مغرية بشكل متخلف هههههههه
ولو تعبت نفسك ودورت شوية هاتلاقي ناس كتير هنا معاها 113 مظبطاها تظبيط عالي
شد حيلك بقى وفرجنا عالتظبيط