استفسار عن السيفك

**a_c_loma** · 30-05-2007 08:27 AM

انا انشاء الله ناوى اجيب عربية بعد اما ابيع اللى معايا وبدل ما اجيب حاجة جديدة قسط اجيب حاجة نظيفة قطع غيارها غالية احسن من اما ادفع قسط وقطع غيار مش رخيصة برضة وانا عاجبنى الهوندا سيفك 93 فيما فوق (على اد الفلوس ساعتها) بس انا كنت عاوز استفسر عن حاجة هل قطع غيارها متوفره اساسا ولو مش موجود هينطبق على كل قطع غيارها ولا بعضها يعنى هدوخ السبع دخات علشان سلك دبرايج مثلا ولا الحاجات العادية دى موجودة وهل قطع الغيار بتاعتها دى تستاهل ثمنها الغالى (معمرة يعنى) ولا الواحد من مشوارين يلاقيها زى الشاهين ولو ممكن من حضرتكم اعرف اسعار قطع الغيار بتاعتها او غالية بنسبة اد ايه من العربيات اللى فى نفس فئتها
وشكرا
ويجعله عامر

**شريف** · 30-05-2007 11:34 AM

بص يا سيدى الموييل دة قطع غيارة مرطرطة فى الحرفيين بس انا معرفش ايه الوضع فى طنطا .
انا مش فاكر الاسعار كلها بس كمثال اربع مساعدين بالسست 600 جنية استيراد و الفانوس موجود بس انا نسيت بكام
الموتور ال 1500 انجيكشن ب 3500 انا مش عارف انت بتتكلم عن اس اى او اى ال (كاربراتير)

بس فى ملحوضة و انت بتشترى المستورد هات من واحد تثق فية لانك مش ضامن القطعة دى استيراد ولا مفكوكة من عربية فى مصر (طبعا هتكون بايظة)

**Abdallah** · 31-05-2007 01:37 AM

بالنسبة للموديل 93 من السيفيك وهو ما يسمى با لـ طلقة عربية من العربيات المحترمة فى مصر وهى ذات موتور قوى تتراوح قوته ما بين 1500 و1600 حسب الموديل وعفشة قوية وناعمة وصاج قوى نسبيا ولكن يعيبها صغر خلصوها من الارض بمعنى ان السيارة واطية على الارض وطبعا دة معناه ثبات ممتاز وحك فى المطبات ايضا ولكن مع بعض المحافظة فى المطبات يمكنك الاستمتاع بسيارة ممتازة وبالنسبة لقطع الغيار فهى متوافرة فى بورسعيد والقاهرة ويوجد بعض القطع فى المنصورة ولكن فى الاقاليم عموما قطع غيار هذه السيارة قليلة للغاية ولكنها بدأت فى الانتشار ويجب مراعاة الفحص الجيد للسيارة عند الشراء لان هذه السيارة من الموديلات المطلوبة من الشباب وهذه بعض اسعار قطع الغيار الاستيراد
عفشة كاملة ورا وادام 2000 جنيه
4 ابواب كاملين 2200 جنيه
اكصدام امامى 400 جنيه
اكصدام خلفى 450 جنيه
وهذه الاسعار نسبية...

**a_c_loma** · 31-05-2007 05:53 PM

شكرا على اهتمامكم
بس لو العربية دى قطع غيارها معمرة والعربية قوية جدا زى ما بتقولوا واحسن من معظم الماركات التانية والاعلى فى الموديل يبقى مش هتفرق ان قطع الغيار غالية على اساس انى هاخد بيها عربية محترمة فيها كل المواصفات اللى انا عاوزها