صوت كراكيب و صوت عالى

**samirayad** · 09-01-2011 08:29 PM

وانا فكيت طرمبة البنزين قبل كدا وفتحنا تنك اللانوس ملقيناش الصفيحة دى جايز فى النوبيرا

ياباشا

مفيش صفايح ولا حاجه فى تنك النوبيرا برضه

ده تنك بنزين علشان نحط فيه شويه بنزين

يشغلوا المكنه

يبقى أيه لزمتها الصفيحه ..........؟

**ahmed_gouda** · 10-01-2011 01:15 AM

لا ياباشا العربيه فيها صفيحه جوه التانك

و انا شايلها قبل كدا في تانك العربيه

و لنا جبت واحد جديد كان تمام و دلوقتي الصفيحه

دي اتخلعت جوه وعايزه تتشال

و اللي مش مصدق ينزل الزقازيق و انا اوريه

العربيه و هيا واقفه و بنشيل منها الصفيحه

و في الاول و الاخر كل واحد شايف حاجه صح

يعملها

**samirayad** · 10-01-2011 07:09 AM

لا ياباشا العربيه فيها صفيحه جوه التانك

و انا شايلها قبل كدا في تانك العربيه

طيب أنت شايف فايدتها أيه ......؟

الصفيحه دى وشكلها عامل أزاى

صفيحه مسطحه ....ولا زى بتوع علب السمنه

حق ( بضم الحاء ) يعنى ....علشان نفهم سواء فايدتها....؟

ومش أنت برضه عندك طلمبة البنزين زى بتاعتنا

كهرباء عاديه ولا أيه النظام عندك ....؟

**samirayad** · 10-01-2011 07:15 AM

و لنا جبت واحد جديد كان تمام و دلوقتي الصفيحه

دي اتخلعت جوه وعايزه تتشال

ياريت تورينا شكل الصفيحه القديمه

بصوره لها .....؟

**blackcode_80** · 10-01-2011 11:02 AM

واضح جدااا ان الموضوع اللى انا عملته ده خلى ناس كتير تفضفض بنفس المشكلة....
لان برضه موضوع الصوت بيروح لما حد بيقعد عالكنبة اللى ورا ... وكل ما اللى قاعدين ورا يبقو اكتر من واحد الصوت بيروح ولومليت الكنبة الخلفية مش بيبقى موجود خاااالص...

بس على فكرة انا بحس ان الصوت جاى من برة العربية من عند الكاوتش الخلفى يمين مش من جوة العربية... فمتهيألى كده ملوش دعوة بالكنبة ... ولا ايه رأيك يا استاذ سمير

**ahmed_gouda** · 10-01-2011 02:29 PM

http://www6.0zz0.com/2011/01/10/12/932924262.jpg

**samirayad** · 10-01-2011 02:43 PM

أنا كده بدأت أقتنع بوجهة نظرك

وكده كلامك مظبوط مائه فى المائه

بخصوص موضوع الصفيحه

لكن أعتقد ملهاش دخل برضه بشكوى الزملاء تحديدا

**ahmed_gouda** · 10-01-2011 02:48 PM

طبعا انا معنديش الصفيحه القديمه لاكن انا رسمت

علي قد ما قدرت شكلها و بالنسبه للطرمبه انا عربيتي نوبيرا

كوري بتفك الكنبه و تفك الطرمبه عادي جدا زي اي عربيه

و بتلاقي فتحه التانك بتمد ايدك جوه التانك حاتلاقي الصفيحه

اللي انا بقول عليها زي ما انا راسمها هي سمكها حوالي 1 مم

و مجلفنه و بطول التانك و الميكانيكي قاللي دي علشان الرواسب

معرفش كلامه صح ولا غلط و التانك الجديد اللي راكب دلوقتي

كنت شاريه استيراد برضه من الحرفيين و ليا موضوع تاني ياريت

حضرتك ترد عليا فيه http://www.nilemotors.net/Nile/194945-a.html

و انا لما اشيل الصفيحه اللي راكبه دلوقتي حاصورها و حارفعها في المنتدي

بس بعد لما ترد عليا في الموضوع بتاعي الاول لاني مش عارف افكر

في حلجه تانيه

**samirayad** · 10-01-2011 03:00 PM

و الميكانيكي قاللي دي علشان الرواسب

معرفش كلامه صح ولا غلط

مفيش شك

كلامه صح

فهى دى فايدة الصفيحه

حجز الرواسب بعيدا عن عمل طلمبة البنزين بقدر الأمكان

وذلك من خلال جعل تنك البنزين عباره عن منطقتين من الداخل

منطقه للم أكبر قدر من الرواسب وقت التموين من مكان سيىء

والمنطقه الأخرى أكثر نظافه وفيها الطلمبه

**bravehorse** · 11-01-2011 12:38 AM

انا نزلت انهردا غيرت المساعدين الورا والادام وجبتهم يبانى kyb عملوا 580 جنيه وغيرت البطاحتين بس البطاحات حسيت كده انهم مش حلوين لان مجرد ما ركبتهم لقيتهم عليوا فوق وعملوا فى 120 جنيه وغيرت الكوز بتاع المساعدين الامامى وجبت اتنين عملوا 60 جنيه وغيرت بيض الطرف بتاع المقص وجبتهم بـ 100 وغيرت بارات الدريكسيون وجبتهم بـ 95 جنيه

والميكانيكى اخد 100 جنيه مصنعيه

المهم الحمد لله الصوت راح مفضلش غير صوت الكراكيب الورا فى الشانطه ولما ركزت معاه انهردا وانا ماشى لقيت انه صوت الحجات الفى الشنطه بالاضافه الى ان الشنطه نفسها عوزا تتربط واكر الازاز الورا سايبه عوزا تتظبط.