اعمل عمرة فين

**tamer_a7** · 31-12-2010 02:05 AM

يا باشا خش رابطه ملاكي الاكسيل ونتكلم هناك
يا راجل حد يبقي عنده بتاع 100 عضو كلهم عنهم نفس العربيه ويسيبهم من غير ما يسال نتقابل جوه في الرابطه يله من غير تاخير

**أبو صلاح** · 31-12-2010 02:11 AM

المشاركة الأصلية كتبت بواسطة ezzezzz

الف شكر على الاهتمام و هل حضرتك تفضل اغير الموتور بدل العمرة ؟

بص ياباشا
اولا زي ما هو معروف الماتور عامل زي البطيخة
لما يتفتح يتعرف ايه اللي جواه
لو الموضوع كله طقم شنبر
يبقى الافضل انه يتعمل
انما لو عمرة كاملة وخراطة وقطع غيار وشغل كتير هنا نفكر ونشوف اي البدائل أفضل

وبعدين برضه الموتور الاستيراد مهو مستعمل برضه وكمان انت مش عارف هو ماشي كام كيلوا ولا ايه حالته من جوه

على الاقل انت هتبقى عارف ايه حالة موتورك بالظبط

**أبو صلاح** · 31-12-2010 02:13 AM

المشاركة الأصلية كتبت بواسطة ezzezzz

و يا ريت عنوان و تليفون الميكانيكى بتاعك

عنوان الميكانيكي اللي عملت عنده الموضوع ده خلف سوق السيارات في الحي العاشر مدينة نصر

لو مهتم ابعتلي وانا اديلك نمرة تليفونه

**ahmed_mazda323** · 31-12-2010 07:46 AM

موتور فبريكة استعمال أفضل من عمرة وعك وتكلفة علي الفاضي وتليين ومشاكل بعد التليين ..انت بتسقط موتور وبتمشي في نفس اليوم وبيكون علي التجربة وقياس الكبس بتاعة يعني انت بتجيب معاك ميكانيكي او فني من البنزينة بتكون متفق معاه وبشوف كذا موتور وفي الاخر بيذكي ليك واحد وخلي ديما التجربة وهو راكب ...ولك حرية الاختيار

**ezzezzz** · 31-12-2010 02:31 PM

الف شكر على الردود و النصائح جزاكم الله خيرا
فى واحد قالى الافضل ان تشترى نص ماتور النص السفلى عشان تشوف حالة الالشميز و البساتم عشان الماتور المقفول ماتعرفش فيه ايه من جوة
ارجو النصيحة

**ezzezzz** · 31-12-2010 02:33 PM

و يا ريت حد بقولى اجيب الضمان ده منين انا نزلت عزبة شلبى و اقصى ضمان كان 3 ايام فقط لو فى مكان تانى بدل عزبة شلبى يا ريت الافادة

**elkomy82** · 31-12-2010 10:44 PM

بص يا باشا
انا عملت الموتور بتاعي من حوالي شهرين دلوقتي عندي ميكانيكي كنت لسة عارفة في الحرفين والصراحة طلع الموتور كويس وصوتة حلوا العربية انا لسة ماشي بيها الف كيلوا بس وكل ما بمشي بيها اكتر بحس اني الموتر بيرتاح اكتر بكتير

المضوع اتكلف حوالي 1700 علشان انا جبت صبابات جديده ياباني-

لو عايز تروح للميكانيكي ده كلمني علي الموبايل 0105205885

انا ما انصحش بالاستيراد الي بعد ما تفتح الموتور من جوة ولو في الشميز شفة سا عتها لازم تغيرة

الاستاذ تامر في رابطة الاكسيل كان لسة قدامة موتور استيراد انجكشن عند تاجر وبسعر كويس قوي

**ezzezzz** · 31-12-2010 11:06 PM

يعنى حضرتك تفضل اجيب موتور انجكشن ولا اعمل عمرة
المشكلة لما سألت ناس كتير قالولى ان العمرة ممكن تطلع مش اوى حسب الميكانيكى و الخراط
لكن الموتور بس يكون استيراد من بلد غير اليونان او قبرص يفضل يكون من كوريا حتكون حالته كويسة

**hema_hn** · 01-01-2011 01:16 AM

ربنا معاك اولا
رأى الاخ ابو صلاح كويس قوى
افتح ولو رست على شمبر يبقى كدا تمام
حتدخلك فى 700 جنيه بالمصنعية وحتعدى وتريح نفسك من فحص واثبات الموتور على الرخصة
اما لو لقيت نفسك حتدخل على خراطة كاملة وشرا بساتم وصبابات
يبقى تدخل على موتور استيراد بس تخلى الراجل الى حتشترى منه يضمنهولك 1000 كيلو او لمدة شهر ويريت تحاول تبقى فلوس بشيك وانا ما اظنش انه حيعمل الموضوع ده معاك

**ezzezzz** · 01-01-2011 09:33 PM

المشاركة الأصلية كتبت بواسطة hema_hn

ربنا معاك اولا
رأى الاخ ابو صلاح كويس قوى
افتح ولو رست على شمبر يبقى كدا تمام
حتدخلك فى 700 جنيه بالمصنعية وحتعدى وتريح نفسك من فحص واثبات الموتور على الرخصة
اما لو لقيت نفسك حتدخل على خراطة كاملة وشرا بساتم وصبابات
يبقى تدخل على موتور استيراد بس تخلى الراجل الى حتشترى منه يضمنهولك 1000 كيلو او لمدة شهر ويريت تحاول تبقى فلوس بشيك وانا ما اظنش انه حيعمل الموضوع ده معاك

الف شكر على النصيحة الغالية يا ريت لو تعرف حد معين مضمون تكون اتعاملت معاه
جزاك الله خيرا