السلام عليكم..والدتى معاها ميجان 2005 هاتشباك مانوال هى حاليا عاملة 17600كم ودا لأن والدتى تقريبا مش بتستخدمها خالص...المهم..كنت أنا بعمل لها صيانات التوكيل ..وهى طول عمرها فى رأيى سحبها جبار وممتازة جدا...إلا إنى عملت صيانة ال20000كم بدرى شوية عند حوالى 16000كم لأنها طلبت تغيير زيت..وكان من ضمن الحاجات بوجيهات...بعدها حسيت إن السيارة سحبها قل وبقت رخمة...طبعا رجعت والمهندس طلع جربها وبيقول إن دى طبيعتها....ولاقيت أراء حضراتكم إن سحبها الطبيعى أضعف من اللانسر والحاجات دى..وفى يوم قررت ألقى نظرة على مستوى المياه بالريداتير لأول مرة وقولت بالمرة أشوف البوجيهات الجديدة..وبقيسها بالفلر طلعت فتحتها 0.7مم..والمفروض الأصلية تكون فتحتها 0.9 مم..فرجعت البوجيهات القديمة..وطبعا لقيت السحب رجع لجبروته وإستهلاك البنزين رجع تانى لحوالى 8لتر فى ال100 كم...أها..بالمناسبة نسيت أقول لكم إن بعد الصيانة بالتوكيل بفترة قصيرة كويل باظ...وعرفت مؤخرا إن من أحد أسباب تلف الكويلات هى إستخدام بوجيهات غير مظبوطة..أنا قلت أقول لحضراتكم لتعم الفائدة للجميع..وكل سنة وحضراتكم جميعا طيبين..وحاليا نحن بصدد بيعها لأن والدتى خلاص على وشك المعاش وبذلك هتكون غير محتاجة للسيارة إطلاقا....أدعولى ربنا يوفقنا فى بيعها...