مثبت السرعه وياخساره 2010 بجد

الناهرده ياجماعه طلعت علي الدولي وقلت اجرب مثبت السرعه اللي ملهوش لازمه ده اللي شلوه من 2010 2009 وبجد ياجماعه ده اوبشن جامد جدا والله ومريح جدا يادوب توصل للسرعه اللي انت عايزها وتدوس عليه ولو عايز تزود ترفع الدراع لفوق والعربيه سرعتها تزيد وتبقئ عايزه تاكل الارض والعكس لو تقلل وتشيل رجلك خالص اخر راحه طيان الطيان هو ممكن ناس كتير تقول ايه ده محنا عارفين كده ايه الجديد بس انا عن نفسي اول مره اجربه وزعلان بجد والله انه مش موجود في الموديلات الجديده بجد ياجماعه كل يوم بحترم العربيه دي وبحترم الناس اللي ركبينها اكتر واكتر لانهم عرفو قيمه العربيه واشتروها
والناهرده كنت عند واحد بتاع اكسسوارت وفتحنا الكبوت وشاف العمود اللي ماسك المساعدين وبقئ هيتجن ويقولي استحاله تكون نازله كده اكيد انت اللي عامله وكل مايأوحني العربيه تزيد غلاوتها عندي

ما شاء الله ربنا يباركلك فيها ويحفظهالك من أى سوء ويجعل كل مشاويرك بيها فى رضاه إن شاء الله

ربنا يباركلك فيها وتفضل مبسوط بيها دايما...وأكيد مثبت السرعة مهم, خاصة لو على طريق سفر.

عربيه 100 100

الله يباركم لكم ويبارك فيكم

هي فعلا فيها حاجات كتير حلوه - كفايه الزجاج الحراري اللي بيمنع اشعه الشمس وده مش موجود في عربيات تانيه كتير

بس يعيبها خامات التابلوه - بجد نفسي يغيرو التابلوه بتاعها

اقتباس:

---

المشاركة الأصلية كتبت بواسطة ayman_83

الناهرده ياجماعه طلعت علي الدولي وقلت اجرب مثبت السرعه اللي ملهوش لازمه ده اللي شلوه من 2010 2009 وبجد ياجماعه ده اوبشن جامد جدا والله ومريح جدا يادوب توصل للسرعه اللي انت عايزها وتدوس عليه ولو عايز تزود ترفع الدراع لفوق والعربيه سرعتها تزيد وتبقئ عايزه تاكل الارض والعكس لو تقلل وتشيل رجلك خالص اخر راحه طيان الطيان هو ممكن ناس كتير تقول ايه ده محنا عارفين كده ايه الجديد بس انا عن نفسي اول مره اجربه وزعلان بجد والله انه مش موجود في الموديلات الجديده بجد ياجماعه كل يوم بحترم العربيه دي وبحترم الناس اللي ركبينها اكتر واكتر لانهم عرفو قيمه العربيه واشتروها
والناهرده كنت عند واحد بتاع اكسسوارت وفتحنا الكبوت وشاف العمود اللي ماسك المساعدين وبقئ هيتجن ويقولي استحاله تكون نازله كده اكيد انت اللي عامله وكل مايأوحني العربيه تزيد غلاوتها عندي

---

أيمن باشا الإسكندرانى

الباشا من فين فى اليكس بالظبط ؟

أخوك محمد من اليكس برضه ... من المكس ... أكيد طبعا عارفها ..

ربنا لسه كارمنى ومنعم عليا بحته ساجا...

الله أكبر الله أكبر مالهاش حل ...

معايا يادوب بقالها اسبوع ...

مش هتصدق انى لو قلتلك انى من ساعة ماجبت العربية دى وانا بقيت اتلكك على أى مشوار برا البيت وأخد بناتى وأنزل جرى بساجتى حبيبتى إنشا الله لو هجيب علبه سجاير من السوبر ماركت فى أول الشارع .. وبعد ماجيب حاجتى وأخلص مشوارى .. أفضل الف بيها نص ساعة ... ساعة ...أطلع وأنزل الدولى ... ومابقاش عاوز أروح وأسيبها ...

اللهم بارك لنا فيما رزقنا و أدم علينا نعمائك التى لا تعد ولا تحصى وإحفظها من الزوال وألهمنا القدرة على شكرك وطاعتك وحسن عبادتك .... أمين يارب العالمين واللهم تقبل ...

محمد عبد المجيد
مدير إدارة الإستيراد
شركة الإسكندرية للإضافات البترولية ( اكبا )
0116007025

محمد عبد المجيد باشا يامكساوي الف الف مبروك عليك وربنا يديك خيرها ويكفيك ويبعد عنك شرها.. انا كل يوم علي كده بعدي عليك لاني ساكن في المنشيه ومحلي في الهانوفيل وفعلا والله انا عايز اقولك اني لو رايح المطبخ ببقئ عايز اروح بيها بتلكك زيك تمام بس ده غلط البنزين هيتلككلنا كده يابرنس وهيخرب بيتنا بس بيني وبينك بروتون تستاهل انك تضحي عشان تتمشي بيها

عاوز اقولك والله يا ايمن ان بروتون كلها ادمان مش عارف يا اخي العربيات ديه حاطين فيها مخدرات ولا ايه انا لما احط رجلي منها ببقي مش عاوز انزل و كل يوم بخترع مشاوير انا تقريبا الوقت اللي بقضيه فيها اكتر من الوقت اللي في البيت حتي لو مش ماشي بيها تلاقيني بنزل انضفها اقعد فيها هههههههههههههههههه

ده انا كنت مفكر ان انا بس اللي مدمن !


تحياتي للجميع وربنا يبارك لنا في عربياتنا اجمعين

ماتقلبش علينا المواجع بقا والهى انا مخنوق جدا من موضوع المثبت السرعة الى شالوه ده وحاسس انى لو جبت 2011 هايبقى فيها حاجة مهمة جدا ناقصة وخصوصا بعد لما جربته فى 2008 وعرفت اد ايه انه فعلا تحفة ومهم جدا جدا جدا بالذات لو مشاويرك كلها طرق سريعة وراحة ونعمة فعلا ونفسى يرجع ينزل فى العربيات المحترمة بتاعة بروتون تانى الى الناس كلها فى مصر مش عارفين يعنى ايه بروتون وسايبين احدث تكنولوجى وارخص سعر وعمالين يجروا ورا عربيات انقرضت من العالم خلاص

ربنا يعوض علي الموديلات اللي من غير مثبت بحاجه تانيه افضل او ينزلوه في 2011
بالنسبه بقئ للادمان يارجاله انا والله لما بركنها تحت البيت اول اما اصحا بخش البلكونه علي طول اصبح عليها وممكن يجيلي برد بس بحب اطمن عليها وفعلا زي سبيدر لو مش هروح بيها حته بحب اقعد فيها
امبارح بعد ماركنتها والله فضلت قاعد فيها واحد صحبي معدي بيقولي قاعد بتعمل ايه والله قلتله مش عارف حاسس اني منوم تغتاطيسي منها

مزيد من ابيات الشعر والحب تدوم وووبدون نهايه
جين 2 الجميله ....معادله غير مكرره
ويقولو عننا المدافعين بدون وجه حق :POINTIy2[2]:
ربنا يبارك لنا جميعا

اقتباس:

---

المشاركة الأصلية كتبت بواسطة eng_maged

هي فعلا فيها حاجات كتير حلوه - كفايه الزجاج الحراري اللي بيمنع اشعه الشمس وده مش موجود في عربيات تانيه كتير

بس يعيبها خامات التابلوه - بجد نفسي يغيرو التابلوه بتاعها

---

ايه ده ؟؟؟؟
قصدك ايه بالزجاج الحراري ممكن توضيح :8954[1]:

اقتباس:

---

المشاركة الأصلية كتبت بواسطة kareem_aljamal

ايه ده ؟؟؟؟
قصدك ايه بالزجاج الحراري ممكن توضيح :8954[1]:

---

زي موضوع Vcool كده لو تسمع عنه وده بيخلي الزجاج بتاعها بيعدي نور الشمس بس بيحجب جزء من الحراره وده بيخلي العربيه لما تقف في الشمس متسخنش من جوه وبيزود كفائة التكييف

بس نسبه حجب حراره الشمس في الجين قليله تقريبا 30 % مقارنة بال VCool اللي بيكون 70%

زجاج حراري شبه الموجود في المرسيدس والبي ام
والله الناس دي الله يبارك لهم عشان عربيه زي دي والاوبشن ده المفروض تكون اغلي انا صحابي ركبو معايا بيقولولي ماشاء الله اكنهم ركبين طياره من المميزات والانوار اللي جوه وانا ماشي بيها شباب كتير بتفضل تبص وانا اقر قران لحد مافكرت اني احطها في جراج واسيبها هناك ع طول وكل يوم ابقئ اروح اقعد معاها للصبح من غير مااطلعها للناس ... لو عندك حتته ماس هتسيبها مداس للناس ولا تقفل عليها بمييت ترباس ... ياحبيبتي ياجي جي

الزجاج الحرترى دة صحيح ولا افتكاسة اصل مش مكتوب فى المواصفات وعرفتم منين انة نسبتة 30%
اصل المعرض قلى وانا بشترى البرسونا ان الاضواء الامامية يمكن التحكم فيها كهربائيا وطلع الموضوع افتكاسة

والله افتكاسه او حراري العربيه مش محتاجها اساسا كفايه عليها الحاجات اللي فيها ياجدعان العربيه تحفه والله سبحان الله انا من قيمه شهر كنت في حيره ومش عارف اجيبها ولا لا واكيد في ناس مكاني حاليا والله العربيه جميله وانا كنت بقارنها بالاسكودا يعني فئه اعلي منها وبجد والله مش ندمان والحمد لله ان ربنا وفقني فيها

يا جماعة هوا مش الازاز الحرارى ده مسؤال عن ازالة الضباب المتكون على الزجاج الخلفى اثناء فترات البرد ؟؟ ولا هوا فعلا زى الفى كوول ؟؟

اقتباس:

---

المشاركة الأصلية كتبت بواسطة happak

الزجاج الحرترى دة صحيح ولا افتكاسة اصل مش مكتوب فى المواصفات وعرفتم منين انة نسبتة 30%
اصل المعرض قلى وانا بشترى البرسونا ان الاضواء الامامية يمكن التحكم فيها كهربائيا وطلع الموضوع افتكاسة

---

موضوع ضبط ارتفاع الاضواء الامامية مش افتكاسة ده موجود فعلا بس فى الفول اوبشن بس
انت عربيتك ايه ؟

اقتباس:

---

المشاركة الأصلية كتبت بواسطة happak

الزجاج الحرترى دة صحيح ولا افتكاسة اصل مش مكتوب فى المواصفات وعرفتم منين انة نسبتة 30%
اصل المعرض قلى وانا بشترى البرسونا ان الاضواء الامامية يمكن التحكم فيها كهربائيا وطلع الموضوع افتكاسة

---

ضبط النور ده مش افتكاسة
انا عندي في الجين و بيفرق جددددددددا خصوصا على الطريق السريع او في المدينة لو مكان مفيش فيه نور خالص
جربه في جراج و انت تفهم فايدته

اقتباس:

---

المشاركة الأصلية كتبت بواسطة midosalah

موضوع ضبط ارتفاع الاضواء الامامية مش افتكاسة ده موجود فعلا بس فى الفول اوبشن بس
انت عربيتك ايه ؟

---

هي الجين تو مش كلها فول اوبشنز والفرق هو المانوال والاتوماتيك؟
ولا أنا غلطان؟؟؟؟؟

اقتباس:

---

المشاركة الأصلية كتبت بواسطة a_saladen

هي الجين تو مش كلها فول اوبشنز والفرق هو المانوال والاتوماتيك؟
ولا أنا غلطان؟؟؟؟؟

---

كلامك صح يا باشا الفرق ال كان بنهم لغاية موديل 2008 ه مثبت السرعة وبعد كده مثبت السرعة اتشال فاصبح مفيش فرق بينهم غير ان دي مانيوال ودي أتوماتيك وعلي فكرة بخصوص مثبت السرعة انا بعيت اميل للشركة في ماليزيا لكن كان الرد مصري من التوكيل انه مش حينفع انهم يركبوه في مصر ليه مش عارف

الاضواء الامامية يمكن التحكم فيها كهربائيا وطلع الموضوع افتكاسة
انا عربيتى بيرسونا 2010 و مشلاقى زرار التحكم فى الاضواء الامامية هو فى الجين 2 فقط ولو حد عندة مفتاح التحكم فى النور الامام فى البرسونا يقلى فين و له منى الشكر

يا جماعة الخير لو فى البرسونا فول أبشن 2010 زرار تحكم فى الاضواء الامامية للسيارة مش نور التابلوة يقلى فين لحسن مش لاقية
كمان زرار ازابة الثلج للزجاج الخلفى فين لحسن اكون دايس علية ومش حاسس و يجيب سرطان للزجاج

اقتباس:

---

المشاركة الأصلية كتبت بواسطة happak

يا جماعة الخير لو فى البرسونا فول أبشن 2010 زرار تحكم فى الاضواء الامامية للسيارة مش نور التابلوة يقلى فين لحسن مش لاقية
كمان زرار ازابة الثلج للزجاج الخلفى فين لحسن اكون دايس علية ومش حاسس و يجيب سرطان للزجاج

---

فعلا انا بصيت على البيرسونا الكاملة مانيوال ملقتش بكرة ضبط ارتفاع الانوار الامامية زى الجين 2