بس أنا مش عايز مرايات نيكل ...كنت عايزها بلون العربية عاديأنا معايا سيراتو EX 2010 وكيل لون أسود والمرايا فيها إشارات .... وكنت عند سبير كار اللى فى التجمع الخامس باشوف الإكسسوارات اللى عنده .. المهم ركبت دلايات صينى ماركة DS ودى أكتر ماركة اكسسوارات صينى منتشرة فى المحلات وتقريبا مباشوفش غيرها .. الطقم 4 قطع ب 50 جنيه والتركيب 10 جنيه وشوفتهم فى محل تانى بيتباعوا ب 85 جنيه ... وفى الحقيقة معجبونيش قوى لإنى حاسسهم بلاستيك مش مطاط كاوتش.. واشتريت شوية حاجات تانية
وسألت البياع على غطاء (cover) المراية لإن كوفر المراية اليمين عندى مكسور فجاب لى طقم 2 كوفر نيكل (طبعا بلاستيك مطلى مش معدن ميتال) وبيتلزقوا بالدابل فيس وممكن السيليكون ..... المهم الطقم ده بالفانوس بتاعه بس لمبة عادية مش ليدات وتقريبا شكل الفانوس بتاعهم شبه الصورة اللى حاططها عمر ..
فممكن أسألكم يا جماعة هل ممكن نحط شريط ليدات ونلزقه بالدبل فيس جوة فانوس الإشارة اللى موجود أصلا فى مراية العربية الأصلية زى ما بنعمل فى ليدات الصالون ودى حاجة متهيألى سهلة جدا ، أو نجيب طقم الكوفر النيكل ده ونحط شريط ليدات مكان اللمبة العادية ونركبهم على المراية ؟؟؟
المفضلات