ألي كل الاخوة الفيرناوية.. السيراتو انتصرت !

**ahmedhossam86** · 09-01-2011 11:06 AM

يوم الخميس و علي الطريق الدائري و انا ماشي في امان الله قبل كارفور المعادي بشوية و قدامي عربية.. و ابص في المراية الاقي واحد معاه فيرنا طاير مش سايق.. يمين شمال بعرض و ورب الطريق.. و لقيته جمبي كابس ورا ست سايقة لا حول ليها و لا قوة .. قلت عادي بقي فرحان بالموتور و العربية السودة و كمان مفيم و مجنط و ستاير و استيكرات... فجأة راح واخد غرزة من قدامي و لو انا كنت بس اسرع شوية صغيرين اوي كان زمانه خد رفرف العربية عندي.. بصراحة انا دمي شاط..! انا مش من النوع اللي بيستفز بسرعة و لا غاوي شد و حرق و اعرض نفسي و غيري للخطر.. بس محدش يئذيني!

المهم كبرت في دماغي اشد معاه.. كبست بنزين و فضلت وراه .. ييجيلي يمين.. اجيله يمين و العكس.. المهم هو حرق بعد ما الطريق هدي شوية عند Bavarian AutoGroup و انا حرقت وراه.. اني اجيبه مستحيل ..

السيراتو حلوة في طلعتها من20 الي 60 .. كنت انا و هو وقتها في تقارب.. ماعرفش من 60 لــ 80 ايه اللي حصل.. لقيته شرخ..

كبست بعد الـ 80.. انا نفسي اتخضيت.. العربية ما شاء الله سحب ايه و انطلاق و ثبات.. حصلته قبل مركز خدمة مرسيدس و انا علي 110-120 .. من وقتها حطيته في ضهري لحد مخرج الدائري للتجمع و الــ NA و لحد ما كمل هو في اتجاه Mirage .. و شايفه طبعا حايموت لاني كنت فارق اوي عنه.. و ما كنتش وقتها مزود عن 140 بأي حال من الاحوال..

نسيت اقول ان هو طبعا - المتربي ابن الناس - مانسيش يحييني بالكالاكس بتاعه لما اتفرقنا..

و طبعا عشان في قوي و في الاقوي مني.. واحد ذلني علي محور NA معاه لانسر .. بصراحة واد لعيب.. اي نعم هو سورني بالسرينة بتاعته و انا كبرت في دماغي ماخلوش يطلع مني.. بس ده مايمنعش انه طلع مني فعلا في اول الطريق و ماسبنيش اعدي غير عند المقابر

**ahmed_201091** · 09-01-2011 11:35 AM

والله انت قلبك جاريق انا عمرى ما افكر اجرى مع فرنا دى خالص باى حال من الاحوال هههههههههه

**ahmed_mido1889** · 09-01-2011 11:44 AM

الفيرنا بحس انها نفس في الاول وبتموت بعد 3 rpm
يعني لو بتاع الفيرنا قرص عليها يبقي مبيفهمش حاجه لان تجميعه كله في اول الغيارات بس

**Mshawky** · 09-01-2011 12:11 PM

يباشا اغلب الفيناويه على ادهم ههههههههههههههههههههههههه ههههه مع احترامى ليهم طبعا بس ديه عربيه جرى على الاول والتانى لكن السرعات العاليه لو جات دبانه على شنطه العربيه هتقلبه هههههههههههههه

**shod90** · 09-01-2011 12:51 PM

ايوة بقى يا احمدددددددددددددددددددددد د لاكن الجرى غلط يا احمد :p:p:p:p
بس فعلا هوا غلط على الدائرى لاكن تعالى يوسف عباس و انا معال يا ريس ;)

**ahmedhossam86** · 09-01-2011 01:09 PM

المشاركة الأصلية كتبت بواسطة ahmed_201091

والله انت قلبك جاريق انا عمرى ما افكر اجرى مع فرنا دى خالص باى حال من الاحوال هههههههههه

ههههه.. مع ان سبحان الله كنت كاتب يومها ان اكتر ناس بيستفزوني علي الطريق هما بتوع الفيرنا دول.. واخد بالك انت من اي حال من الاحوال دي

المشاركة الأصلية كتبت بواسطة ahmed_mido1889

الفيرنا بحس انها نفس في الاول وبتموت بعد 3 rpm
يعني لو بتاع الفيرنا قرص عليها يبقي مبيفهمش حاجه لان تجميعه كله في اول الغيارات بس

ده صحيح.. بس هما تقريبا فاهمين عكس كده

المشاركة الأصلية كتبت بواسطة Mshawky

يباشا اغلب الفيناويه على ادهم ههههههههههههههههههههههههه ههههه مع احترامى ليهم طبعا بس ديه عربيه جرى على الاول والتانى لكن السرعات العاليه لو جات دبانه على شنطه العربيه هتقلبه هههههههههههههه

هههه في الاول قريتها علي "أدهم"

بس معاك حق ان كنت فارق عنه بحارتين.. و قافل الازاز و فاتح التكييف و بسمع House و صوت موتوره كان خارم وداني :))))

المشاركة الأصلية كتبت بواسطة shod90

ايوة بقى يا احمدددددددددددددددددددددد د لاكن الجرى غلط يا احمد :p:p:p:p
بس فعلا هوا غلط على الدائرى لاكن تعالى يوسف عباس و انا معال يا ريس ;)

looooooool :))) ما انا حبيت اكون الامتداد بتاعك بس فرع الدائري... و ده فيديو مني ليك هدية.. أنا من 0 لــ 100 في...... يوسف عباس

YouTube - Kia Cerato 2011 (0-100 km/hr)

**shod90** · 09-01-2011 01:22 PM

المشاركة الأصلية كتبت بواسطة ahmedhossam86

ههههه.. مع ان سبحان الله كنت كاتب يومها ان اكتر ناس بيستفزوني علي الطريق هما بتوع الفيرنا دول.. واخد بالك انت من اي حال من الاحوال دي :pointiy2[2]:

ده صحيح.. بس هما تقريبا فاهمين عكس كده

هههه في الاول قريتها علي "أدهم" :pointiy2[2]: بس معاك حق ان كنت فارق عنه بحارتين.. و قافل الازاز و فاتح التكييف و بسمع house و صوت موتوره كان خارم وداني :))))

looooooool :))) ما انا حبيت اكون الامتداد بتاعك بس فرع الدائري... و ده فيديو مني ليك هدية.. أنا من 0 لــ 100 في...... يوسف عباس :pointiy2[2]:
youtube - kia cerato 2011 (0-100 km/hr)

اكيد دى اللى نحية المسرح مش النحية التانية !
لانها خدت وقت طويل على مجابت 100 .. اعتقد انو مطلع شوية !

**ahmedhossam86** · 09-01-2011 01:30 PM

لأ الناحية التانية.. المسرح كان علي شمالي... في الفيديو ده جابت المية في 13 ثانية...

هنا علي الدائري في 11 و ماتسألنيش ازاي ههههه

YouTube - Kia Cerato 2011 (0-160 km/hr)