الموضوع: طريقة عمل ليدات تنور مع صوت الكاسيت

السلام عليكم ورحمة الله

الكثير يبحث عن طريقة لعمل ليدات تنور مع الصوت .. الفكرة سهلة وبسيطة .
شوف الفيديو دة هيوضح الموضوع اكتر . " من تصويري "
YouTube - 100_1581.MOV

حضرتك هتجيب ليدات بأي الوان تعجبك .. ولازم تكون ليدات LED مش لمبة عادية لان الليدات بتحس بأقل جزء من الفولت
وتوصل الليدات ببعضها بسلك زى كدة :





كل ما فى الامر انك توصل سلك الليدات بأي مخرج او سماعة من الكاسيت .. وبس
لازم تخلي بالك من نقطة ان التوصيلات تكون معزولة وتتأكد من عزلها علشان متضربش اي سي الكاسيت الليدات غير مؤثرة على الكاسيت ابداَ .. وبتسخدم جزء من الاوم وكامل قدرتها 1 فولت وتتحمل لحد 3 فولت وخارج اي كاسيت عموما لا يزيد فى اعتقادى عن 2 فولت ونص بأقصى حالاتة . استخدمت علبة كانت عندى ف الاصل وفيها ميزة جميلة جدا وهي ان فيها مفتاح للغلق .. يعنى لو مش محتاجها اطفيها .
قد يكون الموضوع " عبثاَ " ولكنى حبيت اهرب من ضغط الشغل .. يسعدنى تلقي اي استفسارات من حضراتكم

انا فعلا مش مصدق عدد المشاركات ف الموضوع ومكملش يوم ... لو اعرف ان اللعب هيعجب الناس كدة دة انا العب كل
يوم . ههههههه
اولا : بالنسبة للاغنية اسمها " Nelly Furtado - Say It Right " كلمات رائعة وموسيقى مميزة .
لينك للسونجاية :
http://www.youtube.com/watch?v=weV_UB3x-bg

و ازيدكم من البيت شعراَ
السونجاية دى بموت فيها فعلا لانها كلمات جديدة ومعانى جميلة وموسيقى احلى . اتمنى تعجبكم لاززم تسمعوها :
YouTube - Edward Maya - This Is My Life
الاخ ادوارد دة لة كام سونجاية ممتازة ... فى الكلمات والصوت .. واهم ميزة ان الكلمات مش بتتعاد زى المصري بتاعنا
كل السونجات بتاعتنا لازم يبقى فيها وحشيتننى مقدرش اعيش من غيرك صحيت من النوم الصبح ملقتكيش قلت اكيد راحت الشغل .. وتتعاد طول الـ 3 دقايق . لو حد معة لغة روسى عندى مجموعة سونجات ممتازة اهديها لة على سي دى
وموسيقى مستحيل يسمع زيها لانها جديدة ولها طابع شرقى تخيل ؟ ولو يكون معاك لغة روسى ياسلام هتعيش فى معنى السونجاية .. نرجع لموضوعنا .

الموضوع يا جماعة بسيط علشان كدة مطولتش فية " خير الكلام ما قل ودل "
الامر ببساطة ممكن ثرية تاخد السلكتين بتوعها وتوصلهم بخرج اي سماعة .. لو عايز تركب ليدات الوان معينة
ممكن تشتري الليدات دى وتوصلها .. وياسلام بقى لو اضفت بعض من الابداع .. يعنى مثلا تحطهم جوة مكرونة " خرطوم
شفاف رفيع " وتلفها حوالين السماعة .. هتدى اضاءة وشكل ممتاز .. يعنى تضيف افكار وتبدع فيها .

المشاركة الأصلية كتبت بواسطة elzl_mido

عايزو ممل اوى ى ى ى
متابع

حاضر من عنيا ... فى المشاركة الجاية هضيف صور اكتر مع شرح

المشاركة الأصلية كتبت بواسطة Mzeid

جامدو اوي حكاية النور مع الصوت فكرة رائعة بصراحة

بس الاغنية جامدة برضو

الله يكرمك ... كل ما يخص السونجاية وبزيادة فوق .

المشاركة الأصلية كتبت بواسطة beetleMOSH

الله الله الله الله
هو ده الشغل ولا بلاش
جامد اوى الكلام ده
بس انا ليا كام سؤال كده
شريط الليدات اللى بينور كله مع بعض ده
يستحمل الموضوع ده ولا لا

و هل برضه لو وصلتها على خرج الجى ام تستحمل ؟؟
ولا اوصلها على اى فرده فى الكاسيت و خلاص

ولا لازم يبقى الفرده دى فيها سماعه او صب ؟؟

لالالالالالالالالالا مش مصدق ... موش باشا عندنا .. يا مرحباااااااااا
ينفع طبعا شريط الليدات وبأي الوان تحبها .. وممكن تلف الشريط حوالين حاجة دائرية فى عربيتك
يعنى اخترع لها حاجة تديها شكل احلى ... طبعا الخرج بتاعها يكون من الكاسيت افضل علشان متتحرقش بسرعة
انا جيت ليدات لانى سمعت ان السرية بتتحرق بسرعة والله اعلم مشفتش دة بعيني .. ناس بتقول كدة فريحت دماغي
وعملت موضوع الليدات .. لذا يفضل خرج الكاسيت لان الجى ام الخرج بتاعة اعلى وممكن يطيرهم لو عدد الليدات اقل من6

لو هتجيب سرية طويلة النص متر دى بتكون فيها فوق العشر ليدات وبيكون فيها نفس الاي سي اللى ف الصورة عندى
بيكون راكب فى الارضى GND هيحافظ عليها اكتر ...ركبها على اي سماعة خارجة من الجي ام عادى خالص . واستمتع

المشاركة الأصلية كتبت بواسطة ecybrarian

ما شاء الله موضوعاتك كلها مميزة..انا بعد إذنك اضفت الفيديو في الموضوع دا http://www.nilemotors.net/Nile/19100...post3873181601

الله يكرم حضرتك والله كنت بلعب مش اكتر .. مكنتش متخيل ان الموضوع هيبقى لة الاهتمام دة
اشكر حضرتك لضمى لمجموعة الفيديو عباقرة نايس موتورز الاخريين . فيديوهاتهم ممتازة ولها قيمة .

المشاركة الأصلية كتبت بواسطة mahmoud_afifi

المنتدى فيه عباقره ما شاء الله :))
تسلم ايدك

الله يكرمك استاذ محمود .

المشاركة الأصلية كتبت بواسطة Cars Sniper

تسلم الايادى بجد جامد
بس فى اول صورة انا شايف حاجات غير الليد والسلوك..شايف مكثف تقريبا او حاجة زى كده
ياريت لو فيه تفاصيل
والفيديو حلو جدا والاغنية كمان :)

حاضر المشاركة الجاية هضيف فيها صور واشرح .. بس زى مقلنا .. اي شريط ليدات .. اي ليدات عندك وصلها بخرج السماعة

المشاركة الأصلية كتبت بواسطة hellboy

كنت عامل الفكره دي زمان في كاسيت باناسونيك قديم ..خرمت في الباغه بتاعته وحطيت ليدات ووصلتها ببعض ومنها علي سلكين السماعات وبقت تنور مع ذبذبات الصوت .

تمام .. فكرة ممتازة وابداع باردو .. بس خرم الباغة مش مفضل .. احنا كل تعديلاتنا بعيدة عن فبريكة العربية
هى ممكن تتلزق بشمع بطريقة محترفة علشان تشيلها ف اي وقت لما تتحرق .. انما كدة لو اتحرقت وشلتها هتلاقى اخرام مكنها
تيجي تبيع العربية يقولك لاء مش فبريكة رف مخرم بهزر