الموضوع: Golf 5 A/t Or Opel Astra Gtc

طيب يعني هي دي بس الحاجة اللي ضايقت سعاتك من العربية..؟؟:
انا معاك انها حاجة بايخة.. بس هل انت شايف ان ده سبب كافي يخلي واحد يصرف نظر عن عربية الماني و بالكم ده من الكماليات..؟؟
و بالتكنولوجي الحديثة جدا دي..؟؟
طيب يعني كده بقي الفيرنا حاجة في قمة الشياكة بقي و الجمال.. دي فيها حي بدل الحامل 2..!!! :)


انا مش شايف دي موضوعيه في حكم علي عربية..
الموضوع دحل في مرحلة انا متحمس و مش هاقول متعصب عشان الموضوع ان شاء الله ميوصلش لدرجة تعصب..
مش عشان حد متحمس لحاجة يبقي خلاص دي احسن حاجة في الدنيا.. و مش متحمس لعربية تانية يبقي خلاص..

هاديلك مثال علي الحالة اللي احنا فيها دلوقتي..

عندك مثلا نفس المثال تثريبا بين الاسترا و الابيزا..
هاقولك الاسترا انا شايف ان السعر غالي عليها.. لكن في وسط مهزلة الاسعار اللي موجوده حاليا.. تعتبر معقولة.. مش مبالغ فيها.. لكن كقيمة سعرية مبالغ فيها..
اما الابيزا.. شايفها هي تقريبا الفولكس الجولف ال1400 لكن مع براند مختلف.. و تقفيل مختلف لا يقل كثيرا عن جودة التقفيل الالماني.. و القيمة السعرية ليها ممتازة.. لو قارنتها بالسترا..
مع ان التكنولوجي فيها اقل شوية بسيطة..لكن كفارق سعر حوالي اكتر من 45 الف جنيه.. يبقي الابيزا تكسب بشدة..

نفس الحالة بالظبط دلوقتي بنتكلم فيها بين الجولف و الاسترا..

والله يا بشامهندز عمرو.. انا عن نفسي سوقتها بس مش كتير..
محسيتش اني مخنوق منه بصراحة.. هو مختلف شوية عن الفتيس الاوتو العادي.. بس لو الواحد عارف طبيعته هيعرف انه مش المنفروض يبقي زي الاوتو العادي ولا يقارن بيه..
ده حاجة و ده حاجة تانية خالص.. كل وجه التشابه انهم الاتنين مش بيستخدموا بدال دبرياج عشان تنقل مش اكتر..

وبعدين في كمان اخونا مصطفي فاروق الي انا اعرفه شخصيا معاه واحدة,, و مبسوط بيها جدا جدا..
و مش بيشتكي من الفتيس في حاجة خالص.. و الموضوع كله تعود.. يعني شوية و بتتعود عليه و بتعرف تتعامل معاه بمنتهي السلاسة..

لا و الله مش متعصب و لا حاجة

انا فعلا بحب الأسترا

بس لما ركبتها ما اقتنعتش

مش تعصب ولا حاجة و على فكرة انا كنت برد على نقطة الكونسول بس

مش معنى كده انها وحشة

و على فكرة ......

الماتريكس هيا اكتر عربية في حياتي شوفت فيها حوامل اكواب

كل ماتدوس زار يطلع حامل أكواب (عربية حفلات) ههههههههة

المشاركة الأصلية كتبت بواسطة Ahmed Samy

لا و الله مش متعصب و لا حاجة

انا فعلا بحب الأسترا

بس لما ركبتها ما اقتنعتش

مش تعصب ولا حاجة و على فكرة انا كنت برد على نقطة الكونسول بس

مش معنى كده انها وحشة

و على فكرة ......

الماتريكس هيا اكتر عربية في حياتي شوفت فيها حوامل اكواب

كل ماتدوس زار يطلع حامل أكواب (عربية حفلات) ههههههههة

انا بصراحة مش عارف هشان مرطبتش ماتريكس قبل كده..
و انا عن نفسي مش عارف اذا كانت عربيتي فيها حامل اكواب ولا لأ..
و مش باخد بالي من الحكاية دي اصلا..
و عمري وا اهتميت بيه يمكن عشان انا مشمن النوع اللي ممكن يشرب حاجة وهو سايق..

عموما.. جامدة قوي موضوع الحفلات دي..
:) :) :) :) :) :) :) :)

المشاركة الأصلية كتبت بواسطة SEATLOVER

يا استرلينى ابقى اعمل اقتباس ..انا اول ما شوفت الجملة دى اتخضيت
انا معاك طبعاً

بس هاقولك حاجة ..دايماً اوبل مش عارف لية موديل الاسترا دة ضايع منها و تاريخة كلة من غير حسابات
اوبل بتعمل عربية حلوة اوى فعلاً و مميزة و بتحط فيها تكنولوجى خاص بيها بتديها مذاق مختلف علاوة على قوة التحمل و الاداء العالى
... لكن بتيجى فى نقطة واحدة مش مدروسة ... بضيع منها معادلة العربية فى السوق .. مرة شكل ..مرة موتور وعلاقتة بالعربية ..مرة عيب صغير فى حاجة ..مرة اختيار المكان الغلط للتصنيع ..مرة ...


ذى ما يكون يا اخى مصرة على ان الحلو مايكملش

باشمهندز عمرو حبيب هارتي.. :)
انا معاك ان ده حصل بس اعذرني.. مش مشكلة اوبل برة..
دي مشكلة مستورد ناصح.. و وكيل بيبص نظره مكسب بحتة.. مش مهم عنده اكتر من كده..
الموتور.. العربية دي علي فكرة اول ما نزلت نزل فيها موتور 1400 وبعدين اتسحبت من السوق مش فاكر بالظبط ليه..
واكيد نزلت بمواتير اكتر من كده.. المشكلة في اختيار الموتور ده اللي التوكيل نزله مصر..

موضوع الشكل.. موضوع نسبي بحت.. انا شايف انها شكلها احلي من 2001 بكتير..

المكان الغلط في التصنيع هارجع و اقولك مشكلة توكيل..
كانت بتتجمع في اماكن كتير و موديلات كتير..
هو جاب الموديل اللي اتجمع في البرازيل عشان يا اما مكانش بيتجمع في حتة تانية يا اما عشان هيجيبها ارخص شوية..
اللي عارفه ان اللي بتتجمع في امريكا الجنوبية بتبقي للاستهلاك هناك.. يعني هما هناك بيعملوا الاسترا سيدان
و مفيش عندهم فيكترا هناك.. السوق هناك متطلباته كده.. و بيصنعوها عندهم..

بس بصراحة انا مش شايف في الموديل الحالي عيوب جوهرية زي اللي قبليها..
معظم الحاجات اللي الناس اتكلمت عنها حاجات سطحية..و الموضوع في الاول و الاخر اذواق.. :)

و انا متكيف جدا علي فكرة بالرد عليكم سعاتك و محمد ابيزا.. :)

المشاركة الأصلية كتبت بواسطة mohamed ibiza

عمرو باشا جاب المفيد عندك الاسترا 2001 1200 سي سي كل العربية دي 1200 سي سي و توكيل اوبل مش قليل عشان ميستوردش حاجة اعلي لو كان في العربية دي انا بفرتكها بالابيزا ده موتور صغير الاسترا اللي بعدها 1600 سي سي شكلها مريب كده مش عارف ليه شكلها مش عاجبني استرا 2007 الفتيس الايزي ترونيك في نتشة عشان بينقل بالكهرباء ليه صحيح الحلو مبيكملش مع اوبل مع انها شركة جامدة بس برضه عمرو باشا زي ما قال ليون-جولف-استرا يبقي كله يطير و الليون تبقي متوجة علي رأس الاسترا في كل حاجة صالون تقفيل تجميع موتور عفشة فتيس شكل اداء كمان الاسترا تسارعها يجيب الضغط 13,5 ثانية تقريبا الليون 11 ثانية و بتجيب اقل من كده اما الجولف الليون تتفوق عليها شكل و تصميم و الداخل بتاع الليون تحفة عن الاتنين و السعر؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟ ولا 170 ولا 165 .................................150 الف يا بلاش طبعا المحصلة النهائية ليون ولا ايه ؟؟

شوف يا معلمي الكبير..
انا معاك تماما في موضوع ال1200 ده..و اكيد هتفرمها مش هتفرتكها بس بالابيزا.. موتور اكبر سنة و وزن اخف كتير..
يبقي حقك طبعا..
(وبعدين انت ناسي ان اللي سايق اصلا هو العامل الاكبر عليه.. يعني انت ممكن تفرتك استرا 1600 كمان يا معلم.. انت مستقل نفسك ولا ايه..؟؟ :) )
موضوع الشكل زي ما قولت نسبي..انا بيعجبني الشكل ال1600 اكتر من التاني..
موضوع الفتيس الايزي ترونيك عادي ده ش عيب.. دي تكنولوجي جديدة مختلفة عن الاوتوماتيك العادي..
و مينفعش يتقارن بيها..ده طبيعته كده و الاوتو العادي طبيعته مش كده..
ده مش فتيس اوتو هتقارنه بالعادي و تقول ده فيه نتشة و التاني مفيهوش..

الليون بصراحة انا عايز اركبها.. حد يتصرف.. :) عايز اقابلك يا عمرو باشا عشان اركبها..
انا مش فاكر شكلها اصلا.. و مش عارف فيها ايه من جوة..
محدش يزعل مني عشان مش فاكر شكلها دي.. بس ده بجد..
وبالتالي انا ماقدرش اقارن في التقفيل و الشكل و الكلام ده..
العفشة و الفتيس.. لا مجال للمقارنة.. العفشة انا واثق ان الاسترا فيها تكنولوجي اعلي من الليون.. اوعوا حد يزعل مني..
بس الليون غالبا فيها نفس اللي في الجولف.. و الاسترا فيها تكنولوجي اعلي بصراحة..
الفتيس متقارنش فتيس مانيوال باوتو.. و بعدين التسارع بتاع الاسترا 13.5 في الاوتو مود العادي.. بتقارنه بالمانيوال 11..
الاسترا في المنيوال مود بيبقي 11.5 تقريبا..
وبعدين في ايه يا حمادة.. :)
يعني ايه الفرق في 2 ثانية و امتي الواحد بيعمل الموضوع ده اصلا في مصر المحروسة.. ولا حتي في السواقة العادية..؟؟
تقريبا ممكن تلاقي الواحد عمل الموضوع ده مرات تعد علي اصابعا ليد الواحدة في عمر العربية كلها مع الواحد..

لو هتقارن اسعار.. يبقي الاوتو بتاعها لو كان نزل كان هيبقي في سعر الجولف.. و مكانتش هتعمل مبيعات قدامها..
عشان مش هيبقي في حاجة تخلي حد يسيب الجولف و يجيب سيات الا لو كان واحد غاوي بقي و بيقارن و كده..
و ده مش متوفر في نسبة مش اقل من 90% من اللي بيشتري عربيات في مصر..
يعني برضه في القيمة السعرية .. انا شايف تقارب بينها و بينا لاسترا ولو انه يصب شوية في مصلحة الاسترا..