بتتصرف ازاى ؟!!!

**ainshouka** · 02-01-2011 06:33 PM

المشاركة الأصلية كتبت بواسطة hhoo

أنا لومكانك أسأل الجماعه بتوع نايل موتورز عن قطعة الغيار بالتفصيل لإن بالطبع هتلاقى حد اشتراها قبل كدا
وازاى بتكون مضروبه أو أصليه وسعرها بيتراوح من كام لكام

المشاركة الأصلية كتبت بواسطة elzl_mido

اولا تسأل هنا
ثانيا لف على كذا محل و اضرب اى سعر ( كل مرة سعر) و تشوف فى الاخر محل تانى خالص و تحط السعر المناسب

موضوع السؤال هنا ممكن برده فى بعض الاحيان يكون الاعضاء اشتروا بثمن عالى وتفتكر انها كده سعرها
او يكون محدش عنده فكرة

بس فى كلتا الحالتين اكيد السؤال هنا حيكون مفيد برضه

المشاركة الأصلية كتبت بواسطة shaddadfalcon1

المشكله ان وقت الشرا بابقي عايز تخلص وتروح بالعربيه ومش فاضي تسال

ودى بتقابلنى فى اوقات كتيرة جدا وكل ماتخيل انى لسه حقاوح مع دا او دا بريح دماغى ساعات وبشترى كده

المشاركة الأصلية كتبت بواسطة N.Y.S.M.A

لازم وبدون جدال ... تسأل في كذا محل ولو لغاية 20 - 30 محل ... إسأل برضه ما تستخسرش أو تكسل ... وأكيد من الناس دي كلها هاتحس إن في منهم بيشتغلك وفي منهم عنده ضمير وبيراعي ربنا وبناء عليه هاتدد هاتجيب منين وإنت الى حد ما مستريح .. على الأقل من ناحية السعر

ودي ميزة مهمة جدا للعربيات اللى قطع غيارها كتير وموجودة عند أي حد .. لأن مجال البحث عنها واسع جدا

غير العربيات اللى مش هاتلاقي قطع غيارها غير عند محلين ولا تلاتة ومش بعيد يكونوا التلاتة كمان ملك لواحد بس في الآخر .. وده أنا شوفته فعلا .. هاتلاقيه بيبيع ويشتري في الناس

دى فايدة المحلات الكتيرة وتقريبا انا شايف ان الميزة دى لملاك الكورى واليابانى لكن غير كده مفيش فايدة

المشاركة الأصلية كتبت بواسطة hellboy

هلخصلك خبره 11 سنه لي في السوق وفنون البيع ...لما باجي اشتري اي حاجه بامسكها واقلبها في ايدي واقرا بياناتها حتي لو مش فاهم حاجه ,بس هي عمليه نفسيه فقط علشان ادي احساس للبياع اني عارف كل حاجه ومش غشيم-لما اسال عن السعر مااقولش دي بكام؟ ولكن اقول بكام دي عندك؟علشان يحس اني لافف وسائل قبل ماجيله ,يقوم ضارب سعرها وجايب من تحت علشان يثبتني -ممكن وانا بتم عمليه الشراء اتعرف علي البياع واضحك معاه ,يعني مثلا ..انت غالي علشان كده حاجتك غاليه ؟ وهكذا تكسب تعاطف البائع وده مهم جدا .

ولو انى مليش كلام مع البياعين لانى بحس انهم بيبقوا عاوزين يسرقونى بالعافية لكن مفيش مانع انى اتعلملهم الكلام دا

المشاركة الأصلية كتبت بواسطة eldell

لو دماغى رايقه بعد اسال فى كذا محل او افاصل فى المعقول لاكن لو مش شايف بشترى وخلاص

وهو دا نفس اللى بيحصل معايا

المشاركة الأصلية كتبت بواسطة Amrrr

دي عالم كلها ولاد تيييييييييييييييت ونصابين

مرة كنت واقف بشترى حاجة جه زبون بيشترى الفانوس شبه بتاع البوليس والاسعاف اللى بيركب على النقل وبيدى لون برتقالى كان التاجر قاله فى الاول انها 75 جنيه الزبون قعد يفاصل والتاجر كان عمال يقول فى كل مرة ينزل فيها : دا كدا انا خسران فيها
دى هى كدا اخرها
دا اخر كلام عندى
لغاية لما الزبون اشتراها منه ب 30 جنيه والتاجر لسه كسبان

**Akram** · 03-01-2011 10:42 AM

بص انت ريح دماغك و دور على محلات محترمة هتلاقي سعرها من الآخر و مفيش فصال الا حاجات بسيطة و كمان حاجات مضمونة ,

يعني انا لما باجي اشتري حاجة بجيب من محلين أو ثلاثة ,
و عارف اسعارهم و برده بفاصل بس بيبقى حاجات بسيطة مش كتير علشان انا بدور على الحاجات الأصلية ,

لكن لو هتشتري من التوفيقية يبقى فاصل كتير و دور في اسأل اكتر من محل و برده الحاجات مش هتكون مضمونة.

و على فكرة لما تسأل على حاجة لازم تكون عارف اسمها كويس و عارف فيه منها انواع ايه و اطلب انك تشوفها قبل ما تسأل على السعر و قلبها كويس في ايدك و خلّلي بالك ان اسم السلعة لما يكون محفور + الخامة و التقفيل بيدي انطباع عن جودة السلعة و هل هي أصليه و لا لأ , و بعدين ابقى اسأل على السعر , و لو مش متأكد من السعر قوله طيب دي آخرها كام و اسمع منه و بعد كده شوف محل غيره , فهتلاقي نفسك عرفت سعرها كام و ينفع تفاصل لغاية كام .

..........

**shaddadfalcon1** · 03-01-2011 11:25 AM

انا دايما بشتري من محل معين ومش بفاصل لحد مافي مره الراجل قالي كذا فدفعت بصيت لقيته مرجعلي 10 جنيه تقريبا ولما سالته ليه قالي عشان انت مش بتفاصل وان كده كده بعلي شويه عشان في ناس لازم تفاصل حتي لو ربع جنيه وانا لما لقيتك كذا مره بتدفع علي طوول فقلت خلاص اجيبلك من الأخر

**م/مصطفى محمود** · 03-01-2011 11:40 AM

انا بقى كده كده لازم أسأل مش على السعر بس

أنا بروح بكل طيبة قلب وأقول للبياع (لو سمحت عايز أسأل على كذا) هيقولي السعر ، فهقولة طب دي نوعها أيه وتصنيع أيه، طب عندك حاجه تانية ، المهم أعرف منه المنتجات الموجودة فى السوق وحدود السعر

وأسيبة و اروح لواحد تاني اسألة على الماركات اللى الراجل اللى قبلة قاللى عليها (فهيحس إني فاهم) وأعرف منه بالمحسوس كده أيهم أنضف

وأفضل أسأل فى كام محل بنفس الأسلوب (أستفادة معلومة من واحد وأستغلها مع واحد تاني)

فى النهاية ببقى عرفت أقل سعر فى السوق والماركات اللى فية

ومرة على مرة بتعرف مين أفضل محل تشتري من عندة (ويُفضل تاخد كرت المحل وتسأل قبل ما تروح)

**keko** · 04-01-2011 06:30 AM

المشاركة الأصلية كتبت بواسطة م/مصطفى محمود

انا بقى كده كده لازم أسأل مش على السعر بس

أنا بروح بكل طيبة قلب وأقول للبياع (لو سمحت عايز أسأل على كذا) هيقولي السعر ، فهقولة طب دي نوعها أيه وتصنيع أيه، طب عندك حاجه تانية ، المهم أعرف منه المنتجات الموجودة فى السوق وحدود السعر

وأسيبة و اروح لواحد تاني اسألة على الماركات اللى الراجل اللى قبلة قاللى عليها (فهيحس إني فاهم) وأعرف منه بالمحسوس كده أيهم أنضف

وأفضل أسأل فى كام محل بنفس الأسلوب (أستفادة معلومة من واحد وأستغلها مع واحد تاني)

فى النهاية ببقى عرفت أقل سعر فى السوق والماركات اللى فية

ومرة على مرة بتعرف مين أفضل محل تشتري من عندة (ويُفضل تاخد كرت المحل وتسأل قبل ما تروح)

الراجل الطيب ده جاب من الاخر يعنى تقول للبياع ايه ده يقولك بصل تروح للى بعده تقول بكام البصل

انا عن نفسى بحب اثبت محلين موثوق فيهم سعرا وجودة ومعاملة واى حاجة زيادة او بايظة ترجع مع تجار الجديد ومحلين نفس النظام فى الاستيراد وبعد كده قبل ما اروح لواحد فيهم وانا فى السكة اسال كام محل ع السكة علشان اتاكد انهم مديينى سعر كويس لانى ما بحبش الفصال واللك فباستغنى عنه بمحل سعره من الاخر ولكن فى الحاجات الكبيرة يعنى عفشة كاملة او موتور او طقم صاج لازم ما تسيبش حد غير لما تطلع عينه وبالنسبة لل 132 بتاعتك العربية دى فى الجديد قطع غيارها عادى انما بتوع الاستيراد بيشطحوا اعتمادا على ان حاجتها ناقصة فى السوق يا اجل دا الموتور بتاعها وصل 4500 جنيه من بعد 2000 جنيه