ألف مبروك يا باشا ربنا يديك خيرها ويكفيك شرها
الرجاء منك تقيم العربية من حيث استهلاكها للبنزين واحلى لون ليها
انا محتار بيب الاسود والرمادى
وهل هى عربية عملية ام للمشاوير داخل القاهرة فقط
ومرة تانية الف مبروك
عرض للطباعة
ألف مبروك يا باشا ربنا يديك خيرها ويكفيك شرها
الرجاء منك تقيم العربية من حيث استهلاكها للبنزين واحلى لون ليها
انا محتار بيب الاسود والرمادى
وهل هى عربية عملية ام للمشاوير داخل القاهرة فقط
ومرة تانية الف مبروك
رياكم اية فى الون ده
بص انا كنت بردو بافكر في الاسود
بس اتنصحت ابعد عنه علشان بيتبهدل بسرعة
انا كمان درجة الازرق ما عجبتنيش
استقريت علي الفضي في النهاية
هي عموما اذواق و اختيار اللون ده تحديدا ماحدش يقدر يقولك ايه اللون اللي يريحك
انما لو مش فارقة معاك هات الفضي
لازم يعدى 1000 كم قبل استخدام التكييف
العربيه بتاعتى تكييف بس ما فيهاش كاسيت او سماعات دى فى الفول اوبشن
اسف على التاخير فى الرد لظروف العمل وتحت امركم
انا بشكر د.حسام الزلبانى على الرد
وانا إن شاء الله بفكر فى الون الفضى
تحياتى لكم
الف مبروك يا ميدو...
مع انها متأخره اوي...
بس ممكن تقولي اسعار الالتو كام دلوقتي(كل الموديلات)....لأني شايفكم بتقولوا انها غليت
و في نفس الوقت الاسعار ذي ما هي علي النت
الاسعار 41900 فاضيه
45900 تكييف
49900 فول اوبشن ودى اسعار الوكيل السوق اغلى من 1000 الى 2000
بس انت شايف انها فعلا احسن من اسبرانزا a113
انا عماتا مش بستريح للصيني.....غير شوفت واحد بيشتكي منها في منتدي اسبرانزا
و التكــــــــــيـــــــــف انا عارف انك قولت مش بيأثر جامد....
بس خايف بصراحه يحسس الواحد انه راكب توك توك :)
و الف شكر علي ردك
وهي ايه الموصفات الكامله للألتو 1100 سي سي ؟؟
بصراحه احسن عربيه في فئتها وياباني كمان تنفع لو هتجيب عربيه لمراتك او عربيه صغيره لحد في الجامعه . بس يريت متغلاش لأن الناس ابتدت تاخد بالها منها زي ما حصل مع الصني كده !
الف مبروك بس بصراحه انا مش متوقع عربيه 800سىسى تستحمل التكيف ال 1100 ممكن
انا حستلم التو 1100 بجميع الكماليات ان شاء الله الشهر ده اتمني اعرف ماهي الاشباء التي انتبه لها لدي الاستلام يعني اجرب التكييف وماهي اجراءات الترخيص وحتكلف كام وماهي الاشياء الي بتطلع معاها استبن مثلا كابوت ولا ايه وشكرا برجاء سرعة الرد
:arghh:ياريت يا جامد تقول لنا اقصى سرعه جبتها وكما معدل استهلاك البنزين ومعلس انا مش مصدق ان سحبها زى الانوس اكيد عربيتك كامن قديمه يعنى 99 مثلا وشكرا ....:oops:
الف الف مبروك يا باشا ربنا يبارك لك فيها
انا عاوز اسأل سؤال انت استلمتها على طول و لا اية اصل انا حاجزها من 12 مايو و لسة ما ستلمتهاش
طبعا فى التجمبع مش زى اللانوس انا قصدى الطلعه الاولى وكان معى لانوس 2004
انا قعدت حوالى شهر واسبوع لحدمااستلمت من مودرن موتورز الدقى
السلام عليكم انا محتاره بين الالتو و الماروتى 800 الفرق بينهم 7000 تقريبا و انا لو جبت الالتو مش حجيبها بتكييف فكنت عاوزه اعرف فى الحاله دى اجيب الماروى بما انى مش حجيبها بتكيف و لا بصفه عامه الالتو أحسن منها بغض النظر عن التكيييف
الالتو احسن بكتير من الماروتى خليكى فى الالتو احسن بجد لان الماروتى عربيه ضعيفه جدا فى كل حاجه
الالتو احسن عن تجربه حقيقيه
أ ميدو هل فعلاً الألتو شكل وحجم واحد والفرق بس في قوة الموتور وهل الاثنين سرعتهم 180 ، أصلي كنت فاكرة الألتو ال 800 هي الماروتي زن أرجو الإجابة وشكرأ
لقد أرسلت لحضرتك ميل شخصي بهذه الأسئلة
سؤال كمان . انا بشتغل في الحكومة ، إيه نظام التقديم لبنك ناصر . وينفع قرض شخصي بدل من قرض سيارة ، وبيوافقوا ويصرفوا في قد إيه ، ولازم تحويل مرتب واللا ممكن ضامن وشكرا
بعتذر على أسألتي الكتيير. وربنا يكفيك شر المرور ويحفظ عربيتك وكل العربيات
مش فاهمة إيه إللي يخوف
إن السعر يعلى ويغلى وده اللي حصل يا أستاذتي ريهام .اقتباس:
مش فاهمة إيه إللي يخوف
السعر زي ما هو عند التوكيل 42 فاضية 46 بالتكييف 56 جميع الكماليات 1100 سي سي
فعلا السعر زى ماهو مفيش تغيير خالص
أ/ ميدو ياريت ترد على سؤالي أو اي حد معاه ال 800 ألتو هي نفس شكل وحجم ال 1100 مع فرق قوة الموتور والتكييف في ال 800 على موتور لوحده فعلاً
تقريبا هما نفس الشكل بأستثناء ان 1100 بيطلع معاها طاسات وفي الباب شريط كاوتش اسود والأكصدمات من نفس لون السيارة والتسجيل سي دي مش شريط عادي لكن ابعدهم وحده بالضبط
معلش يعني إيه طاسات ، انا زيرو معلومات عن السيارات + وأنا عاوزة اكصدامات سوداء ده موجود في ال 800 ، والحجم والفوانيس والطول والارتفاع واحد . . وشكرا يا amlolo
الطاسات دي حضرتك هي الغطاء اللي على العجلات ....
أه ال 800 هي اللي بتنزل لون أكصداماتها أسود أيا كان لون جسم السيارة ...
الحجم والطول والأرتفاع والعرض والفوانيس واحد في ال800 وال 1100
ألف ألف ألف شكر .... كلكوا ذوق
ربنا يقرب الوقت بقى .... إدعولي
أ/ ميدو ياجماعة شال إيدو ........................ ليه كده يا أ/ ميدو يا رب يكون المانع خير
تصحيح بس للمعلومة
الاكصدامات السودا دي في موديلين من ال 800
الفاضية و المكيفة فقط
ال 800 F/o دي بتبقي الاكصدامات بلون السيارة
انا متاسف على التاخير نظرا لمشاغل العمل انتظروا تقريرى عن الالتو 800 تكييف بعد 6000كم
بارك الله لك فيها
يعنى لو حجزت عند التوكيل هستلم أمتى وهدفع أد أيه
والله يا استاذي
في الأول كان بيتم دفع 1000 جنيه وبعدين خلوهم 5000 كدفعة حجز بتخصم من تمن السيارة
أما بالنسبة لمعاد التسليم
كلام الحكومة"موظفي المبيعات في التوكيل" : شهر و نص بالكتييير و ممكن شهر كمان
كلام الأهالي : بتاع شهرين أهه و لسه ما استلمناش :)
تحياتي
و في انتظار تقريرك يا أستاذ ميدو لعل المانع خير إن شاء الله
الف شكر على الإفادة
وربنا يقربلك البعيد يارب
واحنا مستنيين تقرير الأخ ميدو ان شاء الله وربنا يجعله خير
سوال الى استاذ ميدو هو فى الالتو التكييف بارد فقط ولا كمان فية سخن؟؟؟؟؟
السلام عليكم واسف على التاخير اليوم عملت بالسياره 6500 كم من 1\3 حتى الان والنتيجه
1-العفشه ممتازه وخاصه انا ساكن فى التجمع الخامس فى منطقه بتتبنى جديد يعنى كلها مطبات يعن اختبار شديد
2-التكييف على موتور لوحده وما بيسحبش من عزم العربيه واداءه جيد جدا واحيانا ممتازه حسب حراره الجو
3-سحب العربيه كويس جدا بتكييف او بدون وكذلك استهلاك البنزين
والسياره داخليا كويسه والتابلوه مربوط كويس ومابيعملش صوت مع المطبات
4-الصاج ضعيف زى كل السيارات الجديده اخدت خبطه فى الرفرف الامامى وهى واقفه
5-الاضاءه امامى وخلفى ممتازه و المساحات كمان الفرامل نفس الاداء من الزيرو
الحمد لله السياره ممتازه وتستاهل الفلوس اللى ادفعت فيها
ساتغيب الاسبوع القادم نظرا للاجازه السنويه وبعدها انا تحت امركم
التكييف بارد وسخن بس انا مانصحش بالسخن لان اضراره كبيره فى الشتا وبيدخل ريحه الموتور على العربيه