العربيه جميله اى استفسار انا فى الخدمه
عرض للطباعة
العربيه جميله اى استفسار انا فى الخدمه
ألف مبروك يا باشا ربنا يديك خيرها ويكفيك شرها
ألف مبروك فانتظار تقييمك وتفاصيل السعر والشراء ومتنساش تتابع الموضوع بالتفاصيل فالترخيص والصيانة الدورية وكلو كلو :D
وطبعا ما أوصيكش انزل بالصور :);)
الف الف مبروك .. يا medoo ....الالتو عربية ذى الفل
ربنا يباركلك فيها و يديك خيرها و يكفيك كل شرها
مبروك عليك الألتو.. صحبتي لسه جايباها قريب برضه و مبسوطة منها اوي :)
الف مبروك وربنا يديك خيرها ويبعد عنك شرها
الف مبروك يا جميل علي الالتو
ومنتظرين تقيمك ليها
الف الف مبروووووووووك
بس ياريت تقولنا 1100 سى سى ولا 800 و اية اخبارها مع التكييف بيضعفها جامد ولا لأ ؟
الف مبروك علي الالتو
ربنا يباركلك فيها و يديك خيرها و يكفيك كل شرها
ومنتظرين تقيمك ليها
السلام عليكم السياره 800 و لسه ماجربتش التكييف لانى ما كملتش 1000 كم بس سحبتها حلوه جدا و ثابته على الطريق و الدركسيون ناعم زى الباور على فكره انا كنت راكب لانوس قبلها و ما تفرقش كتير فى السحب مع العلم انى لسه ما قرصتش عليها عشان التليين واى استفسار انا فى الخدمه
ياريت تقولى جبتها كاش ولا قسط و من فين و بكام
شوية تفاصيل ياعنى
الف مبروك علي الالتو ربنا يباركلك فيها و يديك خيرها و يكفيك شرها ومتنساش منتظرين تقيمك ليها ولماذا لم تفكر فى الماروتى خاصة وأنها أوسع انتشار وأية أخبار توافر قطع الغيار وكيفية المعاملة فى التوكيل. أنا عارف ان أنت لسة الحمد للة لم تتعرض لقطع الغيار لكن هل قطع غيارها منتشرة خارج التوكيل مثل الماروتى وهل ممكن أيضا تصليحها خارج التوكيل مثل الماروتى نرجوا افادتنا بكل ما يتعلق بالسيارة وشكرا.
مبارك عليك العربية وربنا يديك خيرها ويكفيك شرها
ليا سؤال : هي تفرق عن الماروتي 6 الاف جنيه كحد ادنى .. ياترى ايه يميزها عن الماروتي ؟
علما ان محافظة دمياط ملياااااااانه مراوتي وانا محتار بين الماروتي والالتو فارجو دقة ورعة الرد
وجزاكم الله خيرا
علي فكرة الفرق مش 6 الاف بس الالتو الفاضية هي اللي ب 41900اما بالتكيف ف45900وانا في راي ان الفرق في الشكل الداخلي والتكيف لكن انا اعرف ان العربية الماروتي ممتازة جدا
بالنسبه للسعر هو 45900 و عند شرائها بالقسط من بنك ناصر بفائده 6% و مقدم15% تدفع 7000 مقدم و 675 شهريا على 84 شهر و الفرق بينها و بين الماروتى كبير اولا /الموتور 12 صباب و انجيكشن ودة يفرق كتير فى سحب العربيه
ثانيا/السياره اوسع و اعلى من الماروتى الجنوط 13
ثالثا/شكل التابلوه احلى بكتير و لكن لسه ما جربتش التكييف
على فكره انا ركبت ماروتى 1994 وهى عربيه جميله و لكن ما تنفعش عائليه
سوزوكى الدقى رجال المبيعات تحس انهم شغالين فى حكومه (روتينيين)و هاكملكم ايه اللى حصل بعد كده
مبروك ياباشا الف مبروك بس ليا سوال رفيع هيا الألتو ال 800 سي سي إنجيكشن و12 صباب؟
وهل صحيح ان التكييف على موتور لوحده ؟
الف مبروك
ربنا يديك خيرها و يحميك من شرها
يا ريت شويه صور من جوه و بره :)
+100000000000000000000000000000000000000000
____
http://i92.photobucket.com/albums/l3...y/RoadRage.jpg
يا ريت بجد صور ليها
ألف مليون مبروك عليك.ربنا يباركلك فيها ويكفيك شرها وشر الطريق.
فعلا الألتو ماشاء الله شكلها محترم حتى إني بفكر أجيب واحده بس كنت معرفش أي حاجه عن مواتيرها إيه وإية الأوبشنز اللي معاها والأسعار.
طبعاً الماروتي حاجه و الألتو حاجه تانيه خالص
مبروك يا باشا و في إنتظار التقييم و الصور
السلام عليكم انا النهارده جبت بيها سرعه 110 على الدائرى و ما شاء الله على الثبات و الاخبار تتوالى تباعا اما الصور قريبا إن شاء الله
الف مبروك الألتو وعقبال الكيزاتشى
السلام عليكم امس كملت 1000 كم و النهارده شغلت التكييف فى الطريق بين التجمع الخامس و مدينه نصر و جبت سرعه 100 و انا مشغله و ممكن تجيب كمان و الحمد لله تحميله على الموتور لايذكر اما عن التبريد فهو مناسب للسياره على فكره كان عندى من سنتين سياره تمبرا 1600 فول اوبشن و كان تحميل التكييف على الموتور عالى و درجه تبريده ضعيفه فعلا اليابانيين دول عباقره
ألف مبروك , و ربنا يباركلك فيها , ويكفيك شرها
بس عاوزك تقولي
ايه أخبار التوكيل وأسعار قطع الغيار ومواعيد الصيانة وتكاليفها
ياريت ترد عليا بسرعة علشان عاوز أجيب واحدة
شكرا للاهتمام .............
سلام.....................
معلش عندى سؤال بخصوص بنك ناصر و ايه الشروط التقسيط فيه
ربنا يديك خيرها ونصيحة ابعد عن توكيل اسكندرية.الف مبروك الياباني ياباني
السلام عليكم شروط التقسيط بالنسبه لموظفى الحكومه مفردات المرتب للمشترى و الضامن و6صور بطاقه و ايصال نور/تليفون/غاز و على فكره لساكنى مدينه نصر بنك ناصر فرع الحى السابع المعامله فيه اكثر من ممتازه و الموظفين بيخدموك كانك جايب واسطه من مدير البنك
هو مفيش تقسيط من بتك ناصر للى شغالين فى القطاع الخاص ؟؟؟؟؟؟
السلام عليكم يا ميدو انا من اسكندرية و حجزت واحدة بس لسة حستلم فى شهر 6 قوولى كدة انت جبتها منين؟؟ و بكام؟؟ انا حجزت التو 800 سىسى
و نسيت اقولك 1000 مبروك يا باشا
الف مبروووووك
انا كمان ناوية اجيب التو بس كنت عايزة اسأل سؤال:
انا بسافر حوالى 80 كم يوميا و تقريبا نص الطريق بيتعمل فيه ترميمات فالسفر ممكن ياخد حوالى ساعتين. فهل الافضل اجيب التو 800 سى سى ام 1100 سى سى؟
شكرا
طبعا يفضل 1100 أو 1300 يا تام تام
السلام عليكم مبروك عليك العربية بجد روبنا يبارلك كنت عاوز اسال سؤال هل العربية بيها باور ؟ وياتري التكييف متحمل علي ايه لانه مش من المعقول انه يكون متحمل علي الموتور ؟
السياره 800cc , وملائمه للسفر و المسافات الطويله و هى من مودرن موتورز الوكيل المعتمد ب45900 بالتكييف كاش و الموديل الاعلى 49900 به تكيييف و باور و سنتر وزجاج كهربائى امامى
السلام عليكم،،
أولا مبروك على العربية ،،، و ربنا يباركلك فيها،،
أنا بقى عايزة أسأل عن سعر الألتو الجديدة ، وتقسيط ولا كاش،
وحكاية الاكصدامات اللي بلون العربية دي عبارة عن ايه؟ الفبر الأسود اللي تحت الكابوت وتحت النمر؟؟ ولا أنهي بالظبط؟؟
و التكييف ،، ايه نظامه؟؟ شغال كويس؟ ولا بيأثر على موتور العربية من ناحية انها 800 cc بس؟؟
أنا سمعت ان التكييف على موتور تاني وبالتالي مش بيأثر في أي حاجة؟
و ياترى بتسخن ولا لأ؟؟
أتمنى تكون عندك سعة صدر للرد على استفساراتي الكثيرة نسبيا، واسفة على الإطالة،
وشكرا جزيلا مقدما،،
لو سمحت يا أستاذ ميدو ممكن update تقييم عن حالة العربية من جميع النواحى (التكييف -الثبات-السخونة-الموتور-الصاج-أسعار قطع الغيار إن أمكن) لإن فى ناس كتير بتفكر فى العربية دى
شكرا مقدما