الموضوع: أنا من ماليزيا وناوى أشترى اسبرانزا A516 ، أرجو المساعدة

انا شايف انك تجيب الصينى
اللى فى حالتك هو الوحيد اللى يناسبه الصينى (استخدام شهرين فى السنه)و تبيعها بعد 4او 5سنين مثلا
هتاخد امكانيات وكماليات عاليه جدا واعتماديه ضعيفه
الراى الاخير ليك حدد احتياجاتك بالظبط واختار على اساسها

المشاركة الأصلية كتبت بواسطة Dr Ahmed

مظهر الفخامة يكاد يكون الحسنة الوحيدة فى موديل الاسبرانزا 2000 سى سى
للأسف مضطر تضحى شوية بموضوع الفخامة
أرشح لك لانسر سبورت..

الله يجزيك كل خير يا دكتور أحمد ، على فكرة كل مرة أنزل فيها مصر كنت استأجر لانسر

صور السيارة الصينى لا تفارق ذاكرتى ، واسعة ، شكلها حلو ، تصميم جميل الخ

طيب مش ممكن ألاقى 4X4 وتكون حتى 120 الف بحكم أن الصالحية أنت عارف تحتاج دفع رباعى وسيارة عالية ، ويمكن اكتر اللى شدنى للصينى دى أنها عالية عن الرض حسب ما ذكروه الأخوة

أشكر لك مداخلتك بارك الله فيك

المشاركة الأصلية كتبت بواسطة tutankhamoun

فين يا جماعة النيسان صني
في نفس فئة السعر و ممتازة و فخمة و يابانية و جودتها عالية و أعتقد إن التسليم فوري و عائلية جدا
و الله الموفق و تيجي بالسلامة يا باشا

جزاك الله خير يا توت عنخ آمون

فعلا النيسان جميلة لكن لى معها ذكريات مش طيبة فى الأمارات صالون ضيق والسيارة صغيرة وغير فخمة ، ربما تكون تغيرت الموديلات ، سألقى عليها نظرة أن شاء الله

شاكر لك مداخلتك جزاك الله خير

المشاركة الأصلية كتبت بواسطة ams

انا شايف انك تجيب الصينى
اللى فى حالتك هو الوحيد اللى يناسبه الصينى (استخدام شهرين فى السنه)و تبيعها بعد 4او 5سنين مثلا
هتاخد امكانيات وكماليات عاليه جدا واعتماديه ضعيفه
الراى الاخير ليك حدد احتياجاتك بالظبط واختار على اساسها

أنت رائع

أنت رائع

أنت رائع

أنا ميال لها جدا رغم ما قيل عنها ، عائلتى كلها خارج مصر ، يعنى السيارة ستقف وربما تقف بالسنتين أحيانا

أرجو من أحبتى نصحى على هذا الاساس ، أن السيارة سنستعملها شهر بالكثير كل سنة وأحيانا شهر كل سنتين .. تبقى مناسبة ام لا ، ومعظم الأجازة بنقضيها فى البيت لأننا بننزل فى رمضان الا لو فى شئ ضرورى فى غير رمضان ...

يعنى ما الضرر لو اشتريتها ، قطع الغيار محلولة حتى لو محتاجة موتور كامل أصحابى فى الصين يشحنوها لى مباشرة ولا خوف من قطع الغيار ( ننسى هذا البند )

اذن اللى نصحونى بعدم شراؤها هل فقط لأنه فى سيارات بنفس المبلغ ذات ماركة حلوة وبس

أم السيارة فيها عيوب تستدعى عدم شراؤوها

الأمر الأهم ما أحد رد على يا طيبين :

امامى سيارة A620 قوة المحرك 2000 سى سى موديل 2007 كلمت صاحبها أمس بالهاتف طلب 104 ألف نهائى ، السيارة غير مرخصة ، اللون اسود ، عداد زيرو

هل فى خطورة ان السيارة تكون بدون ورق أو يكون فيها شئ أو خلافه

المشاركة الأصلية كتبت بواسطة karim_monir

انا برضه بقولك بلاش صيني
بس اقوللك طالما في اسرة وعائلة وعربية ناعمة وقوية وكبيرة يا ريت تبص على دايهاتسو ماتيرا
عربية تحفة وواسعة وتشيل اسرة بحالها
يابانية 100%
توكيل محترم جدا جدا
واقل من 100 الف
وال الاتوماتيك اكثر حاجة بسيطة
في حدود 104
اعادة البيع انت هاتسيبها هنا وتمشي ماتفركش فيها دلوقتي
عفشتها وموتورها تويتا بالكامل ونفس خط الانتاج في اليابان
حطها في اختيارتك
وممكن تسال عنها استاذ ابو عبد الله في قسم دايهاتسو

جزاك الله خير أخى الحبيب

لا أدرى ما زلت أفكر بالصينى رغم كل ما قيل

كل شوية أتفرج على صورتها ومش قادر أنساها فعلا فخمة جدا جدا

أنا عرف علشان أنزلها من حساباتى لازم أطبع عيوبها واللى اتقال عنها وبعد كده اشوف بديل من اللى ذكرتوه جزاكم الله خير

المشاركة الأصلية كتبت بواسطة معاذ الشرباصى

الماتيريا فول اوبشن ب 106 الف جنيه و تتضمن الاتى

1- موتور 1500 سىسى 16 صباب DOHC
2- اتوماتيك
3- جنوط اسبور 15 بوصة
4- تكييف
5- باور كهرباء
5- 4 زجاج كهرباء
6- سنتر لوك
7- راديو سىدى (يشغل كل حاجة mp3, wma)
8- اماكن تخزين كتير جدا جدا
9- عتب رياضى
10- فوج لايت
11- ABS, EBD
12- زجاج فيميه خلفى (مثبت فى الرخصة, يعنى قانونى)
13- كنبة خلفية تتحرك للامام و الخلف (slidding)
14- 6 سماعات

ده اللى انا فاكره دلوقت

رأيك من رأى الأخ الفاضل / كريم منير

أشوف صور السيارة وأن شاء الله تطلع مناسبة

وعاجز عن شكر كل من مر على الموضوع وابدى لى نصيحة

وفقكم الله