تعديل العربية من مانيوال لاوتوماتيك مش مجرد تغيير الفتيس و بس
لازم تغير الكونسول بعصاية السيلكتور و طقم بدالات من غير دبرياج و ردياتير فية ماسورة زيت الفتيس في العلبة اللي تحت
و الصح كمان طقم عدادات اللي بيبقى فية مبين نقلات الفتيس الاوتوماتيك , علشان يبقى التعديل صح على ابوة كأنها نازلة اصلي مش متعدلة
و تجيب الموتور الجديد بالفتيس الاوتوماتيك بضفيرتة و كونترولة (الكونترول يونيت بتاعتة)
و غالبا حاتحتاج تجيب الموتور بكبالنة و عفشتة الامامية علشان كوبلن الاوتوماتيك بيبقى (في معظم العربيات) اتخن من الكوبلن بتاع العربية المانيوال و مش حايركب عندك (لا الكوبلن اللي عندك يركب في الفتيس و لا الكبالن التخينة حا تركب في صرة العجل)
و ميكانيكي فاهم علشان يعمل دورة الزيت بتاعه الفتيس من الفتيس للردياتير رايح راجع
و كهربائي محترم لتركيب الضفيرة و تضبيطها
شغلانة يعني
يبقى بالتالي انا رأيي انك تبيع و تشتري عربية تانية زيها 1600 اوتوماتيك و تكون لونها ازرق علشان ترش الكبوت اسود و بكدة يبقى اختصرت مشوار كبير و عك كتير حاياخد منك غلبة ووجع دماغ و فلوس