طب يا جماعه انا بقي بفول كل 4 ايام 10 لتر عندي بيعملو 50 كيلو بالظبط و التفويله الكامله بتعمل 220 كيلو بالظبط برضه
وقولتلهم في التوكيل ودفعت 100 جنيه تنظيف فلتر البزين وبرضه نفس المشكله
والعربيه جين 2 موديل 2010
عرض للطباعة
طب يا جماعه انا بقي بفول كل 4 ايام 10 لتر عندي بيعملو 50 كيلو بالظبط و التفويله الكامله بتعمل 220 كيلو بالظبط برضه
وقولتلهم في التوكيل ودفعت 100 جنيه تنظيف فلتر البزين وبرضه نفس المشكله
والعربيه جين 2 موديل 2010
ومعلش سوال هي الصفيحه يعني 20 لتر ولا يعني التفويله الكامله؟؟
بتحط بنزين كام انا قريت مرة على المنتدى ان البنزين 95 بيظبط الاستهلاك بتاع الجين 2 هو غالى صحيح بس ما باليد حيلة
السلام عليكم يا ردالة ....
أولا الأستاذ ساري ربيع صاحب الموضوع
أكيد عند حضرتك مشكلة ما ...... أتبع نصيحة الأستاذ أدهم علشان كدا الموضوع مش صح .
على الأقل لازم تروح التوكيل تكشف على الموتور بالكمبيوتر (ماسح أو كما يقولون عليه سكانر ) معلش أصل أنا بحب العربي شويتين . :B4_007:
الأستاذ أيمن 83 ........ العضو البروتوني الجديد :E_braces[1]:
لو فاكر الطريقة اللي قلت لحضرتك عليها في موضوعك الآخر بخصوص الاستهلاك .
هاكررها تاني للأفادة العامة (الطريقة دي نفعت معايا و تمام التمام )
أولا أستهلاكك معناه أنك في المعقول و كويس قوي
بس مفيش حد من اللي بيشتكي من أستهلاك البنزين بيقول ظروف الأستهلاك أيه
يعني بيحرق على الغيار ؟ سواقة في زحمة ؟ سواقة في طرق مفتوحة ؟ أوزان داخل السيارة ؟ ........ الخ .
مبدئيا .
الأستهلاك اللي مكتوب في الكتالوج بيكون في الظروف المثلى و القياسية .
علشان نحاول نوصل للاستهلاك ده أو نقرب منه و نوفر بنزين لازم نعمل الآتي :
نتأكد من حالة الموتور و العناية به و تغيير الزيوت في مواعيدها و تغيير زيوت الفتيس في مواعيدها و أيضا الحفاظ على تبريد المحرك عموما
ضغط الكاوتش ...... مهم جدا جدا جدا و له تأثير كبير قوي في الأستهلاك .
ضغط الكاوتش في الجين 2 المثالي ( هو 30 ) بعد تجربة .... 31 أحسن بس الكاوتش بيبقى ناشف و بيرزع لو ماشي في طرق منيلة بنيلة زي طرق مصر .
نيجي بقى لسلوك السائق
عدد لفات المحرك أحد العوامل الهامة جدا جدا جدا
أفضل عدد لفات هو 2500 من حيث الأستهلاك ....
ممكن الصفيحة تعمل معاك أقل واجب 300 كم لو كل اللي فوق مظبوط
و ممكن تعمل أكتر لو أنت سواقتك هادية قوي و مش بتزيد عن 90 كم - س .
الكلام اللي هنا ده مش موضوع أنشاء و لا تخيل من دماغي
ده من أرض الواقع و من التجربة الفعلية للعربية .(ذات الغيار اليدوي و ذات الغيار التلقائي ) المانوال و الأوتوماتيك ترجمة للي مكتوب :E_braces[1]:
لو سواقتك كلها جوه البلد و بتقف كتير و تتحرك تاني
لو عملت 30 لتر لكل 300 كم ............ ده ممتاز
لو على الطوالي و ألتزمت بالسرعة و الغيار ...... و حالة العربية و الموتور حلوة
أقل واجب هو 300 كم لكل 20 لتر
* صفيحة = 20 لتر :lurk5:
استاذ tutankhamoun
والله انا مش عارف اقول لحضرتك ايه بجد بجد انت انسان محترم جدا وخدوم جدا وربنا يجعل كل ده في ميزان حسناتك ان شاء الله
بالنسبه للبنزين انا طريقي بيكون زحمه ساعات وبقف كتير عشان المطبات
بالنسبه لمنظف الرشاشات اللي لقيته بتاع دوره الردايتير وجاري البحث عن بتاع البنزين
وكنت عايز اعرف هو المفروض اني اغير الفلتر بتاع العربيه ولا اسيبه كما هو اللي هو ورا الماتور
وانا فاضلي 1500 كيلو واعمل صيانه 40 الف ان شاء الله بس انا كده اعتبر في الضمان لسه صح العربيه هو شاريها شهر 5 /2008
يعني اية منظف رشاشات و بتاع ردياتير
منظف الرشاشات بيتحط في تنك البنزين مع التفويلة
و غلط انك تستعملة في عربية جديدة ما مشيتش الا 40 الف كيلومتر
دة بس للاستعمال في عربية مشيت كتير قوي و الترسيبات زادت على الرشاشات
و خللي بالك ان المنظفات دي ممكن تسبب تسليخ الصبابات و استعمالها يبقى فقط عند الاحتياج و للضرورة و مش بصفة متكررة
انا كده كده باذن الله لما هروح التوكيل هخليهم يكشوفو عليها كلها ولو فيها حاجه هما يبقو يظبطوها
بس انا طلعت من الضمان ولا لسه
اسامه باشا
جزاك الله كل خير على الاهتمام بالرد وعرض المساعده.
بس انا فعلا سواقتي هاديه يعني بغير على 3 ار بي ام علطول ومش بقرص بس كمان من اسبوعين تلاته حاسس ان صوت الماتور عالي وكمان الفتيس فيه خشونه هل دا كله له علاقه ببعضه ؟
عموما انا هروح اعمل صيانة ال35 الف وربنا يسهل ؟
خالص تحياتي
تووووت باشا
اولا: انت وحشني جدا
ثانيا: بحب كل مره اتناقش معاك اشكرك لانك اكتر واحد اقنعني وحببني في الجين 2 وانا سعيد فعلا بالعربيه وبشكرك جدا على كده .
ثالثا: انا فعلا لقيت هباب اسود على الشكمان وكمان صوت الماتور عالي وفيه خشونه في الفتيس وهروح اعمل صيانة ال 35 الف واقولهم ع الموضوع ده .
بس لو فيه حاجه فعلا ف الماتور مش المفروض انه يتصلح داخل الضمان؟
رابعا: انا ببقى سعيد جدا لما بشوف ارائك ومشاركاتك فياريت متحرمناش من نصايحك الجميله ومعلوماتك المنظمه واسلوبك الرائع الممتع .
خالص تحياتي يا زعيم
ان شاء الله خير وتكون بسيطه عندك باذن الله وتتحل
مش اعتقد ان الصيانه دي بتكون علي 40 الف كيلو يكون افضل