اه حسام معاهم في نفس الورشه
و دا رقمه 0125432504
عرض للطباعة
اه حسام معاهم في نفس الورشه
و دا رقمه 0125432504
والله انا عن نفسى كان محترم جدا معايا لدرجه كان عندى الايديل بايظ فمكنش معايا فلوس ساعتها فروحتله بعديها بيومين ملقتش عنده ايديال فقولتلو انا مكنش معايا فلوس ساعتها والله راجل قالى عادى كنت ركبته والفلوس تجبها فى اى وقت ودور على واحد عنده بس هو كان شاكك فيه قلى جربه اسبوع وتعاله لو سليم ومظهرش error نتحاسب وفعلا روحتله بعديها باسبوع وكان محضر ايديال سليم وركبته وخد فلوسه والدنيا تمام ومره تانيه روحتله كانت الموبينه والاسبراتير ضاربين الراجل غيرهم والعربيه زى الفل معايا وحتى قولتله اكشف عليها كمبيوتر احتياطى قالى مش مستهله تدفع فلوس زياده ليه فحسيت انه امين على فلوسك وكذا واحد من صحابى راحله عملهم شغل زى الفل فمشعارف بس انا اتعاملت مع رشاد فقط متعاملتش مع تامر
بص يأخ عشوب الحمد لله واعوذ بالله من كلمه انا عمرى ماقلت على حد كلمه من فراغ ولو اخدت لفه كويسه فى مواضيع المنتدى هتقدر تتعرف عليا انا مبقولش الناس دى مش فاهمه انا بقول ان الناس دى ودا اللى حصل معايا انهم عملولى دفيرة الموتوروهما بيقسمو فى غلطه حصلت اثرت على ثبات العربيه فى السلانسيه مع التكييف رحتلهم قالو بوابه غيرت بوابه قالو كنترول جربت 15 كنترول بدون مبالغه قالك طب هنعمل مش عارف سلكه ايه من عند فيشه الكنترول عملوها والعيب كان معروف لسبب لو حضرتك قريت مشاركاتى هتعرف انى كان عندى كبل كشف الأعطال والحمد لله اعرف استخدمه جيدا واحمد الله ايضا على قدر فهمى فى الميكانيكا والعفشا والكهرباء الخاصه بالسيارات كانت المشكله فى توصيل الدفيره الخارجيه مع الداخليه للسياره وهذا هو كان العيب الموجود بالسياره ونظرا لكم الوقت والمجهود الذى كان سيضطر لبذله حيث انه كان سيعيد كل ماقام به من عمل فى السياره أخذ يماطل فى طوال شهر رمضان وفى احد المرات لجأت للمهندس رشاد وكل ما قام به انه يقول لأخيه حل المشكله واخيه ظل يماطلنى لمده شهر مره بوابه مره كنترول مره سلكه لدرجه اننى كنت أقوم بتركيب الكونترولات بنفسى وتكويدها وتجربه السياره بالرغم من علمى بمشكله التوصيلات بالدفيره ولكنى كنت اتبع مثل شعبى معروف لنا جميعا ولكن اعذرنى من ذكره والنتيجه كانت اختناقى من سيارتى التى كانت لها عندى معزه خاصه والكل فى القسم هنا يعلم مافعلته بسيارتى ويعلمنى ايضا جيدا انى لست من النوع الذى يهاجم او يتهم احد من فراغ وعلى كل حال انا ذكرت تجربتى لكى يكون هناك حذر من هؤولاءولن يعود على اى نفع من قول اى شئ غير الحقيقه
وتحياتى للجميع
جزاك الله خير يا محمد باشا فعلا كلام محمد مش من فراغ وانا لي تجربة برده هناك مش ظريفة بس اقول ربنا يصلح حال الناس كلها والصنايعية يتقوا الله فينا عشان القرش يبقي حلال اللي بياخدوه بالشغل الصح واتقان الشغل ومبروك التصليح بس المبلغ ده مبالغ فيه اللي خده منك والمقاومة اللي في الطرمبة دي فايدتها ايه بالظبط
يا استاذ محمد حضرتك غنى عن التعريف بجد انت من الناس المحترمه جدا الى الواحد قبلها فى المنتدى وده مش مجامله والله بس انا برده حكيت عن تجربه معاهم وبصراحه انا متعاملتش مع تامر كل تعاملى كان مع رشاد وموصلتش معاهم لتغيير دفيره او حاجه كبيره بس انا كان عندى مشكله اولا التكييف الى عندى مش بتاع العربيه وانا شاريها كده فلما اشغل التكييف العربيه تبطل لازم اكون دايس بنزين علشان متبطلش مش هقولك سمعت فتاوى كتير جدا ناس تقولى حساس وناس تقول غير الكربراتير والى يقولى ملهاش حل فى الاخر روحت لرشاد وحلها طلعت سلكه من الاخر من الكونترول للتكييف فعلشان كده انا بشكر فيه مش اكتر
وياريت حضرتك تقولى الكابل بتاعها بكام ومنين ولو فى اى رسومات دواير كهربا للعربيه ده ياريت تبعتهالى
وشكرااااااااا
VCDS: Ross-Tech Store اللى انا كنت جايبه سعره 349 دولار غير مصاريف الشحن تقريبا عمل معايا فى النهايه 405 دولار بمصاريف الشحن
احسن برنامج تاخد منه خرايط كهربا للعربيات الفولكس عموما هو ايلسا كان عندى بس للأسف الاب جالو باد سيكتور وطارت
لأنى اضطريت افرمت الهارد ومكنتش واخد بكب