سهره في الحرفيين عند المهندس رشاد

**Mahmoudyoussif** · 31-12-2010 12:12 PM

استكملا لحلقات الصيانه بتاعت عربيتي و عشان اقدر افيد الناس ولو بشىء صغير

رحت لرشاد مره و قضيت معاه السهره في الحرفيين راجل زوق

و فاهم بصراحه حل عندي طرمبه البنزين لقى المقاومه طلعان عينها

مع ان البنت اللي انا شاريها منها قالتلي لسه مغيراها بس الصيني للاسف

لقيت عنده واحده استيراد بتبرق قلتله اجيب الاستيراد احسن قالي حرام 500 جنيه كتير احنا نغير المقاومه

و نزبطها بس ما تسبش العربيه لغايه الربع في التانك قعد ركبها واتزبطت بص على العداد عندي اللي كانت في مشكله

ان نصه ضرب قالي العداد محتاج يتغير كله جابلي العداد بتاع 1600 قالي دا محترم وعداد كويس

بس هيعملي زي فيشه عشان 1600 مختلف عن الالف لان لمبه الزيت بتنور على طول عشان في حاجه

في الموتور 1600 فرق عن اللي عندي ركبها ومشيت بيها شويه زمرت تاني رجعتله قام زبطها

و خد بتمن المقاومه بالعداد بالكشف بالكمبيوتر على العربيه بالمصنعيه 500 جنيه

ربنا يجزاه خير عن اي واحد معاه عربيه فولكس في المحروسه

**M.Mostafa80** · 31-12-2010 07:03 PM

للأسف الناس دى كانت السبب فى بيعى للعربيه بتاعتى
لأنهم مظبطوش الدفيره باعت الموتور اللى سقطناه وفضلو مدوخنى هما الأثنين طول رمضان سواء هو يحدفنى على اخوه تامر
وتامر يقولى كنترول لأ بوابه لأ سلكه مش عارف ايه وشهر على الحال ده لحد ما اتخنقت من العربيه ومن فولكس بحالها بسببهم من الأخر زيهم زى اى صنايعى مداما خد الفلوس واتحركت من قدامه ميدليكش الأهتمام المطلوب لو رجعتله بعيب هو السبب فيه يالا حسبى الله ونعم الوكيل
مكنتش حابب اقول تجربتى معاهم بس بصراحه حاسيس بردو انهم استغلوك فى اسعار العداد وتركيب المقاومه للطلمبه

**Mahmoudyoussif** · 01-01-2011 07:34 AM

و الله اللي حسيت انه غالي العداد و ال 1600 اصلا ملوش لزمه عندي

1300 حلو بتاع اي عربيه ياللا ربنا يجزاهم بنيتهم المهم شغلهم كويس

و الواحد للاسف ما بتعلمش ببلاش بس يا ترى في غيرهم وفاهمين برده

للاسف دا الكهربائي الوحيد تقريبا اللي شفته فاهم في فولكس

اما الميكانيكيه كتير و معظمهم كويس لو في كهربائي تنصح بيه يا ريت تقولي

خصوصا اني عايز اظبط علبه الفيوزات و اعمل كتاوت للنور واجيب لمض تونجسرام

**M.Mostafa80** · 01-01-2011 10:12 AM

بعيد عليك شويتين لأنه فى الهرم

**Mahmoudyoussif** · 01-01-2011 04:04 PM

مش مشكله انزل الهرم ليا واحد صحبي هناك ارزل عليه واقعد معاه

طالما هوا كويس و اتعاملت معاه قبل كده المشكله يا محمد باشا

مش في الفلوس المشكله فالضمير كل واحد فاكر ان اللي راكب عربيه

بيصحى الصبح يفتح الحنفيه تنزل فلوس

**ashoub** · 01-01-2011 06:07 PM

انا معاك ان قطع الغيار الى بيركبوها غاليه جدا بس هقولك على حاجه شغل الكهربا ميضمنش بمعنى انى ممكن اشترى قطعه غيار من عند اى حد وعلى التجربه اجى اركبها تقعد شهر ولا حاجه وتضرب وساعتها ابقى خسرت فلوسى لكن لما ادفع فرق زياده والحاجه الى هو جايبها تبوظ يبقى هو الى مفروض يغيرها على حسابه واشترى دماغى بس بصراحه رشاد شاطر فى الكهربا والكنترول بتاع العربيه وممكن كان حظ استاذ محمد مصطفى معاهم وحش علشان ربنا رايد ليه يركب عربيه غيرها

**OSaMa.GHaMrY** · 01-01-2011 10:49 PM

ياريت يا استاذ محمد تعرفنا على مكان الميكانيكى اللى فى الهرم لانه هيبقى جمب كليتى بدل ماطخ مشوار للحرفيين لو هعمل اى حاجه

**DRSARA** · 02-01-2011 03:57 AM

لو سمحتوا رقم مهندس رشاد

**Mahmoudyoussif** · 02-01-2011 05:16 PM

مش عارف ينفع اكتب رقمه هنا ولا ممنوع انا معايا رقم

حسام في الورشه برده معرفش اذا كان اخوهم ولا ايه

**DRSARA** · 03-01-2011 03:28 AM

ايوه عادى ينفع تكتب الارقام
يعنى حسام ده بيشتغل مع رشاد؟
ياريت الرقم

الموضوع: سهره في الحرفيين عند المهندس رشاد

LinkBack

أدوات الموضوع

عرض

-

-

-

المواضيع المتشابهه

لسه جاى من الحرفيين

لما رحت الحرفيين

المساعدة من المهندس MMamdouh و المهندس سمير عياد وكل خبراء فتيس اللانوس الأوتوماتيك

سؤال الي اهل الخبره و خصوصاً المهندس سمير و المهندس سبعاوي

الكلمات الدلالية لهذا الموضوع

المفضلات

المفضلات

ضوابط المشاركة