مشكلة (تقطيع ) تنتيش فى اللانسر 98 اوتوماتيك
[justify] [/justify][justify][/justify][justify][/justify][justify]
انا عندى مشكلة فى عربيتى اللانسر 98 اوتوماتيك ..... العربية بتدور عادى مفيش مشكلة .. لكن المشكلة الصبح اما بتدور بتقعد تقطع (تنتش) وبتجيب دخان ابيض خصوصاُ فى الأيام الباردة .. واول ما اجى ادوس بنزين تقوم مبطلة ... ارجع ادور تانى تدور عادى جداً وبسهولة ومفيش مشاكل .. اول ما المس البنزين تقوم مبطلة تانى ...
بتقعد على الحال ده حوالى من دقيقتين لتلاتة لغاية ما تسخن ... بعد كده بتمشى عادى ومفيش مشاكل .... مع ملاحظة انها بتتأخر بسيط قوى فى دوسة البنزين .. يعنى الاستجابة مش سريعة للدوسة .... وبحس برعشة خفيفة فى العربية مع بدء دوسة البنزين ...
اما وديتها لميكانيكى قالى ان الكربراتير عاوز يتنضف عند حد بتاع كربراتير متخصص .. بس انا بصراحة مش عاوز اعمل كده لأن الكربراتير عمرى ما فكيته قبل كده ... يعنى بظبطة المصنع .... وخايف من فك الكربراتير لحسن الموضوع يجيب نتيجة عكسية ...
فكرت فى فكرة ... اشتريت اسبرى مخصوص لتنظيف الكربراتير وفكيت العمة وشيلت فلتر الهوا ورشيت الاسبراى على بوابة الكربراتير (طبعاً والموتور داير) وبعد ما خلصت ... جربت العربية كام يوم حسيت بتحسن بسيط .... فاشتريت اسبراى الـ wd40 وعملت نفس الموضوع حسيت بفرق احسن واكبر بس برضو مش ده اللى انا عايزه ....
مشكلة التقطيع دى كلها اما تكون العربية باردة .... انما اما بتسخن العربية بتجرى كويس مع بطئ الاستجابة للدوس الى حد ما ... يعنى مش محسوسة قوى ...
مع العلم ان انا غيرت كل الفلاتر (هواء + بنزين + زيت ) وغيرت البوجيهات وضبطت الكهرباء والعربية مابتكولش زيت خالص ... واستهلاك البنزين انا شايف انه كويس ( بتعمل حوالى 200 كم فى الصفيحة بنزين 90 ) وانا استعمالى ليها استعمال خفيف ... حوالى 1500 كم فى الشهر والعداد عامل 120 الف كم بس .... وسواقتى من النوع الهادى .. وبرضو نفس المشكلة موجودة ....
يا ترى اية الحل ... ؟؟؟ :U_thin1[1]:
[/justify]
