مقادير الزيوت لهوندا سييك 93 ex

**sedyrohy** · 31-12-2010 11:20 PM

انا عايز اغير زيت الفيتيس و زيت الماتور

زيت الفتيس بياخد كام لتر
زيت الماتور بياخد كام لتر بفلتر و بدون فلتر

اه صحيح الماتور 1600 كربراتير اوريجينال بتعها

**wildwest100** · 01-01-2011 02:47 PM

الموتور ال ex كربراتير 1500 مش 1600

**SAMEH_FOUAD** · 01-01-2011 11:37 PM

زى ماقالك كدة wild west دة 1500

بالنسبة للمقاس الزيت

الماتور : بياخد بدون فلتر 3.5 كيلو

الماتور بتغير الفلتر بياخد 3.7 كيلو

الفتيس اتوماتيك فاضى خالص 3.5 كيلو واحسن زيت لية موبيل / شيل واحد من الاتنين دول

**SAMEH_FOUAD** · 02-01-2011 02:19 PM

المشاركة الأصلية كتبت بواسطة sedyrohy

باشا العربيه 1595 مثبوت في الرخصه
ثانيا انا غيرت زيت الماتور و طلع بالفلتر 3.1 لتر
و من غير فلتر 2.6

لسه فاضل زيت الفتيس

ياباشا مافيش ماتور 1600 سى سى كربرايتر من الموديل دة اتاكد من النقطة دية او هاتلى الكود بتاع الماتور

بالنسبة بقى للزيت

لايمكن من رابع المستحيلات ان ماتور ياخد 2.6 لتر زيت ماحصلتش ابدا

شوف ياباشا انا تقريبا سيارات القسم هنا عدت عليا

ثلاث سيارات ماتور 1600 سى سى غيرنالها زيت قدامى اشترينا عبوة 4 لتر زيت شيل بلس وغيرنا الفلتر اتفضل من العبوة 300 جم تقريبا يعنى ربع كيلو وزيادة 100 جم

التانية اتغيرلها زيت بس من غير فلتر كان شيل 5000 اتحط 3.5 كيلو واتفضل نص كيلو فى العبوة

الثالثة بقى كانت 1500 سى سى كربراتير جاب عبوة 4 لتر فاض منها لتر نص وبعيها بيومين شوفنا الزيت اسود عرفنا ان الراجل اللى فى المحطة مانزلش الزيت كلة روحنا جايبين زيت تانى وفضيناة كويس وخد 3.5 كجم بردة

دة بالنسبة للماتور

اما بالسبة للفتيس فبردة فتيسين اتفكوا قدامى واتركبوا على نظافة اشترينا اربعة كيلو عبوات شيل اتفضل منهم فى الاخر 650 جم يعنى الفتيس الاتوماتيك خد بالظبط 3.350 بس هو كان محطوط فية شوية زيت فى الاربة بتاعتة يعنى فى الاخر 3.5 كيلو

دية المقاسات بتاعة عربيتك واى ماتور من اربعة الى 6 سلندر ويعض ال8 سلندر بياخد 3.5 كيلو بدون فلتر

ولو الماتور خد منك الكمية دية 2.6 لتر ) تاكد تمام ان الزيت القديم متصفاش كلة او العربية ماكنتش واقفة عدل

وهاتلى الفلتر اللى بياخد نص كيلو دة دة صغير جدا