معلش - بلاش العواطف- الثغره حصلت بدعم لوجستيى من الامريكان منه الجسر الحجرى اللى اتعمل وماثرتش حتى صوارخ سكود فيه
الاسلحه المتطوره اللى انهمرت على اسرائيل -
الثغره حدثت والغطاء الصاروخى انكشف- وطيرنا الحلو - فقد 120 طائره فى اقل من اسبوع
شجاعة الصاعقه انقذت الاسماعيليه والمقاومه الشعبيه مع الجيش الثالث انقذوا السويس
لكن المحصله كانت محاصرة الجيش الثالث
دى حقايق مش اجتهادات- الثغره تمت بمباركة كيسنجر- علشان يلاقى حاجه يساوم بيها
وحصل وللاسف السادات كانت الثغره اثرت فيه جدا لانه خاف لامريكا تساعد اسرائيل لابادة الجيش الثالث- كمان كان فى تلميح لاستخدام السلاح النووى- وللاسف كان بيتعرض فى التليفزيون تقاط التفتيش الاسرائيليه وهى بتفتش المؤن اللى رايح للجيش التالت وبيدلقوا الميه ويفتشوا علب الدم
الثغره كانت خطر على اسرائيل مش لانها كانت حتنسحب منها لكن لانها كانت حتتعرض لخسائر بشريه كبيره وحتى لو كان الموقف فى صالحهم ما كانوش حمل خسائر تانيه - شارون المجنون - وعلشان كده كتير من العسكريين الاسرائلين كرهوه - كان مستعد يغامر بخسائر اكبر ويتحرك ناحية القاهره -
السادات من الاول كان عارف ان اقصى طموحه خط المضايق - هو كان سياسى داهيه- طبعا كان متاكد انه مش حيحرر كل سينا- وامام عدو معاه تسلح نووى - كان الهدف اللى اتحقق كسر غرور اسرائيل واذلال جيشها
للاسف الكلب كيسنجر - حرمنا كتير من ثمار النصر ده لما حس بميل السادات - اللى تخيل ان يهودية كيسنجر حتسهل له مهمته فى الضحك على اسرائيل - احس كيسنجر بميل السادات نحو امريكا ولقط الخيط بسرعه لدرجة مساعدين كيسنجر ما كانوش مصديقين حجم المرونه اللى كان السادات عليها معاهم
الجمسى بكى لما عرف نصوص فك الاشتباك الاول وكيسنجر قالها له - معلش يا جنرال دورك لحد هنا انتهى الساسه هم اللى حيمسكوا الدفه
اول اخطاء السادات بعد كده كانت اعفاء الجمسى - لان الاسرائلين اعتبروه عقبه فى سبيل المفاوضات
لما مائير قالت لمستشار المانيا وقتها تقدر تقول لى انتم بتقولوا انهزمنا ازاى احنا ردينا السورين 10 كيلو ورا حدود الجولان وعبرنا القناه وحاصرنا الجيش الثالث- قال لها معلش دى مكاسب تكتيكيه لكن العرب كسبوا استراتيجيا
الثغره كانت ضربه بمساعده الامريكان - وعلى فكره ده بيذل الاسرائلين اكتر - لانهم من غرورهم حتى بيستعلوا على الامريكان
اكتوبر كانت فى المحصله نصر كبير - لكن مش لازم نضخم او نهون منه
وكويس قوى ان الجيش لسه بيقاوم