الموضوع: انفجار ضخم أمام كنيسة القديسين بالإسكندرية

المشاركة الأصلية كتبت بواسطة meza

أجد خلط للكلام غير مفهوم ... ايه اللى جاب الإنجليز لبابا الفاتيكان و ايه اللى جاب الإنجليز لحماية الأقليات فى مصر و ايه اللى جاب الأمريكان لمسيحى العراق اللى اتقتلوا من عراقيين مسلمين من أرضهم؟!!!

بص حضرتك اللى شجع التطرف هو الهجوم المتزايد على الإسلام من الغرب خصوصاً بعد 11 سبتمبر لكن للأسف هو موجه برعونة شديدة لكل من هو مخالف لعقيدة الإسلام سواء عدو أو حبيب مما أساء لصورة الإسلام فى الداخل و الخارج.

انا متفهم موقف حضرتك المعارض للإستقواء بالخارج اللى انا شايفه مجرد صرخة إستغاثة بعد ما كل الأبواب اللى داخل بلدنا اتقفلت فى وشنا ... و للأسف حكومتنا لا ترضخ لمصالح شعبها بل للضغوط الخارجية .. فهمت حضرتك ليه التوجه ده بقى متزايد اليومين دول! ... ده حتى الإخوان بقوا يستقووا بالخارج يا راجل على كده!

معلش راجع - التاريخ - الانجليز كانت حجتهم فى التدخل فى مصر - حماية الاقليات- دلوقت هدف امريكا واسرائيل المعلن ايه - تفتيت الدول الكبرى فى المنطقه - الحجه ايه - السودان فيه مسيحيين فى الجنوب- يبقى نقسم السودان - العراق فيه شيعه وسنه واكراد نقسم العراق

مصر - خد بالك بقى - دول حلوين مع بعض- يبقى نبتدى نزرع فتنه - وللاسف فى اللى وسع لهم السكه - - وخد بالك الفاتيكان لاعب اساسى - فى كل الاحداث - يبقى كام حادثه ونطلب حماية الاقباط - وللاسف فى من الاقباط اللى بينادى بكده علنا- طيب نحمى الاقباط ازاى - نقسم - وفوق دول كمان - حتلاقى كلام عن فصل النوبه عن مصر - دوله تالته- الكلام واضح وزى ما قلت فى نبره عاليه بين الاقباط وبتعلى يوم عن يوم بتستقوى بالخارج- ارجع واقول لهم هم كمان اقروا التاريخ - مش حيدوكم اى حمايه حيستخدموكم وبعد كده حيرموكم - العراق امامكم - لبنان - جيش جنوب لبنان - المسيحى قعد يحمى اسرائيل 24 سنه وعلى رايهم اسرائيل سابتهم تحت رحمة حزب الله فى 24 ساعه- يا ناس اقروا شويه تاريخ

المشاركة الأصلية كتبت بواسطة factorialx

ده كلام مش على مصر

أولا المسحيين مش موجودين في أقاليم لوحدهم السودان مثلا ديموغرافيا تلاقي نسبة المسيحيين في الجنوب أكبر و في الشمال العكس في مصر ما تلاقيش كده هل أسيوط مثلا ممكن تنفصل عن مصر ماينفعش

و إحنا هنا عرق واحد و لغة واحده السودان العكس أعراق محتلفه الزنجي و العربي و لغات مختلفه و ديانات مختلفه

و عهد الإستعمار إنتهى خلاص مش معقولة أنجلترا تيجي تحتلنا يعني

و وطنية الأقباط غير منقوصه يعني لو حصلت حرب هتلاقي القبطي مع المسلم بيدفعوا عن مصر و ده مش موجود في دول كتييير

يبقى بلاش كلام عن نظريات المؤامره لأن الإحتقان الطائفي موجود و بلاش ندفن الرؤوس في الرمال و المشكال الموجوده يكون ليها حل نهائي

لا دى مؤامرات ومخططات- معلش راجع توزيع الاقباط فى مصر حتلاقيهم متركزين فى الصعيد- هو السودان جنوبه مفيهوش مسلمين لا فى - الفكره انه نيجى على جزء من مصر نسبه الاقباط فيه عاليه - الحقوا الاقباط بيتعرضوا لمذابح الحقى يا امم متحده- يقصد متامره- خلاص نيجى على خط عند اسيوط مثلا ويبقى فى منطقه محميه للاقباط - يا سيدى الفاضل - الهند كانت بلد واحد دنهم لغايه ما قسموها لباكستان والهند - اللعبه القديمه - فرق تسد- دلوقت جزء تكسب- وبعدين بتقول الاقباط من تسيج الامه - ما هو هوده اللى مخليهم ماشين فى المخطط بعنف- لان تمزيق حزمه غير تمزيق نسيج

ما حدش قال ان انجلترا حتيجى او امريكا حتيجى تحتل - كفايه يبقى لها جزء موالى - زى حنوب السودان تفتكر ولائه حيبقى للعرب ولا لامريكا- الاستعمار تطور- مش حاحتلك لكن ارادتك وثرواتك تبقى تحت امرى

للمره العاشره اقروا التاريخ كويس - ثم هم ما بيخبوش- راجع كلام كيسنجر ايام اكتوير ومعاهدة السلام- ليه هدد اسرائيل بقطع المعونه الماليه والعسكريه لو ما وقعوش على فض الاشتباك التانى ودخول مفاوضات مباشره مع الفلسطينين - قالها لاسرائيل - يا اغبيا انا جبت لكم اللى ما كنتوش تحلموا بيه - تفريق العرب من تانى - بعد التوحد اللى حصل ايام الحرب

الاحتقان الطائفى موجود لانهم بيغذوه وزى ما قلت فى اللى هنا مستفيد من كده