netbook

**Adham** · 04-01-2011 11:26 PM

السيليرون عيبة ان كاشاتة قليلة مش السخونة, و بالتالي السيليرون عيبة يبان في الجرافيكس قوي, يعني لو بتشتغل فوتوشوب او بريمافيرا او كوارك اكسبريس و الحاجات دي البروسيسور حايتعبك, كذلك في الجيمز بيبقى بطيء عن الانتل

السخونة دي عيب ال amd من زمان و طول عمرة بيسخن من اول مانزل في الكومباك

السنترينو دة مخصوص للوايرلس ابليكشنز يعني بورسيسر متصمم للنوت بوك اللي بيشتغل كتير على واي فاي

وفعلا النت بوك بروسيسوراتهم بتبقى atom

و اخيرا كومبيو مي غالي بس في الاكسسوارات انما مش في النوت بوك, لانة بيشتري كميات و بيبيع كميات و اتفاقاتة مع الشركات اكيد افضل من المحلات الصغيرة اللي في المول اللي بيسحب حتة و للا اتنين في اليوم بالكتير و بياخدها يبيع و يسدد و معندوش حتى ستوك, و بالتالي اعتقد ان كمبيو مي اسعارة ارخص في النوت بوك و بيعمل اوفرات كويسة وقارن سعر الموديل نفسة فية و في مولات الكمبيوتر و شوف بنفسك قبل ماتشتري برضة

**د.محمود صلاح** · 05-01-2011 07:37 PM

Adham أحسنت .. شكراً للتصحيح

**amir** · 05-01-2011 08:21 PM

المشاركة الأصلية كتبت بواسطة SkyBird

يا اخوانا ايه الفرق بين النت بوك واللاب توب ؟
بشوية تفصيل لو سمحتم

النوت بوك او لابتوب note-book or lap-top بيعنو حاجه واحده و هو الكمبيوتر المحمول التقليدي

ال نت بوك net- book بيقصد بيه اللابتوب ذو الشاشه الصغيره (من 9 الي 10 بوصه)
و ده بيكون زي اللابتوب العادي لكن اقل حجما و وزنا و مساحه للشاشه او الكيبورد حتي

و هدفه سهوله التنقل و طول مده البطاريه علي حساب عدم وجود مشغل اقراص مدمجه (cd) و بروسيسور اقل قوه من اللابتوب العادي

و ان كان ممكن تغيير الرامات ليه و الهارد ديسك زي بالظبط الابتوب

و المستخدم اللي بيحتاج المميزات اللي فيه (خفه وزن صغر الحجم طول عمر البطاريه ) بيفضل اختيار النت بوك مع الاخذ في الاعتبار انه بيكون ليه قدره علي تشغيل الالعاب برضو بس الالعاب اللي مش بتحتاج مواصفات هاردوير عاليه