حادثة ولسه مكملتش 5000 كيلو

**medociv** · 02-01-2011 01:20 PM

حمدا لله على سلامتك وسلامة عائللتك
قدر الله وماشاء فعل

**mmffor** · 02-01-2011 10:33 PM

افتكرت اغنية: سوق على مهلك سووق بكرة الدنيا تروق! روحت قايل هيا فعلا لازم اسوق على مهلي بس بكرة تروق دي كان واحد احول اللي افتكر انها حتروق بكرة!!!!
عموما في التأني السلامة و ياريت اللي يفقد الرؤية بسبب نور عالي او شبورة يهدي السرعه لحد ما العائق يزول و كلها دقائق!
الف سلامة عليك و على الاسرة الكريمة و اتمنى ان تكاليف الاصلاح تبقى بسيطة و في المتناول

**hragheb007** · 03-01-2011 12:09 AM

ألف مليون سلامة عليك و على أسرتك

ربنا يخليهوملك و يحفظكوا

**ch_mahm2024** · 03-01-2011 02:10 AM

المشاركة الأصلية كتبت بواسطة fantom_mirag

حمدا لله علي سلامتك وعلي سلامة العيلة بس ليا سؤال علشان نطمن كلنا .
حضرتك ذكرت ان فيها فوج لايت يعني فول اوبشن
طب الايرباج فتح ولا مفتحشي

شكر للجميع والله بالنسبة لموضوع الايرباج مفتحش لان متهيألى انه بيفتح عند الصدمات الجامدة وانا صدمت صدادة مرور !!!

المشاركة الأصلية كتبت بواسطة tamer61

في موضوع مثبت عن أسعار قطع غيار اللوجان و أنا جبت لك منه آخر تحديث للأسعار من مشاركة الأستاذ / نور و هي كالتالي:

بيان قطعغيار رينو لوجان - جريدة الأخبار 4/9/2010

أسعار البيع بالجنيه المصري

فــانــوس خــلفــي: 185

تيــل أمــامــي: 230

طلمبــة ميــاه: 235

تيــل خــلفــي: 253

مســاعــد أمــامــي: 265

مســاعــد خــلفــي: 335

فــانــوس أمــامــي: 399

رفــرف أمــامــي: 443

إكصــدام خــلفــي: 545

إكصــدام أمــامــي: 665

ديسكــات فــرامــل أمــامــي: 299

غطــاء محــرك (كبــود): 999

راديــاتيــر: 1026

بــاب خــلفــي: 1058

بــاب أمــامــي: 1127

شنطــة خــلفيــة: 1185

الأسعــار لا تشمــل ضــريبــة المبيــعــات

(منقول: جريدة الأخبار)

و للعلم ممكن تكون بعض قطع الغيار دي أسعارها قلت عن كده كمان ف تفاءل خير و بسيطه إن شاء الله و عموما ممكن تكلم العقيد / خالد و أكيد حيعمل معاك اللازم. و تقبل تحياتي.

والله مش عارف اشكرك ازاى

المشاركة الأصلية كتبت بواسطة zezo_logan

الف سلامة عليك ومرة تانية لما تلاقى اللى قدامك حمار قف مكانك لغاية ما يعدى
المهم انك وافراد الاسرة بخير والف سلامة مرة تانية

هى دى الفايدة اللى انا استفدتها من الحادثة دى ودى كانت غلطتى انى موقفتش فورا لكن والله الموضوع حصل فى جزء من الثانية وفى الاول والاخر قدر الله

**WaelOteffi** · 03-01-2011 02:14 AM

قل لن يصيبنا إلا ماكتب الله لنا

**frhateg** · 03-01-2011 03:31 PM

1000 حمدا لله علي سلامتك و العائله الكريمه . و مدام جت في الحديد بسيطه ان شاء الله . و خذ من ده كتير . اول امبارح كنت في دمنهور و انا راجع بالليل بين ابو حمص و كفر الدوار عربيه كارو بتعدي الطريق السريع و الدنيا كحل خبطتها كورولا جديده الأثنين اتبهدلوا . ربك يستر .

**macdiv** · 03-01-2011 04:44 PM

قدر الله و ما شاء فعل ... كله يهون ولا ظافر منك او من عائلتك ،،،، و فيه حاج يريت تعملها ...هاتلك نضاره شمس سودا تقيله من اللي بيتباعو ب ١٥ جنيه - عشا العربيه متتكسرشي عشنها- و سيبها علاطول جنب ايدك ،، عشان مش دايما هتتاح لك انك تركن او تهدي السرعه ،، ففي الحالات ده تقوم لابسها .. انا كتير ناس بترخم عليه بقوم لابس النظاره و اشغل الكاسيت ...