سؤال على السريع

**zego** · 01-01-2011 10:13 PM

ازيكم يا جماعة بصراحة انا كنت عامل مقارنة بين عربيتين وهما الرينو الفلوانيس والاسكودا اوكتافيا
فمن ضمن المشاركات حد قالى انى ممكن اجيب السيفيك وتحط فيها جنط 17 وفعلا انا شوفت اتنين سيفيك عندنا في المنصورة عاملين كدا بس انا قولت انها مش عالية سورى في اللفظ (واطية)
وبصراحة العربية ممكن يركب فيها اربع اشخاص اتنين حوالى 85 كيلو والاتنين اقل من كدا فهل حركة الجنط دي تنفع ولا لا
ودي تبقي علي حسابي والا علي التوكيل ولو علي حسابي تلغى الضمان
وطبعا لازم العربية اى حاجة فيها تتعمل فى التوكيل والالتزام فى الصيانات وكدا
واسعارهم ظروفها ايه الكلام ده هيكون لسيفيك 2011 ان شاء الله اذا الواحد استقر عليها

**SAMEH_FOUAD** · 01-01-2011 11:32 PM

انصحك بلاش ال17 لسبب بيبوظ بسرعة مع اى مطب ( ممكن يتنى من الشفة بتاعتة ) , الكاوتش بيبوظ بسرعة من اى مطب والنتيجة ان التيل بتاعة بيبوظ

**bedo13** · 03-01-2011 02:14 AM

موضوع الارتفاع ده مالوش حل...
الجنط ال17 مش حلو عالسيفيك لكذا سبب..
1-هيوطي العربية اكتر مش هيعليها الا لو هتركب مقاس كاوتش غلط...
يعني انا عندي مركب 17 في الفيكترا سي.. اصلا هيا 215/55/16 وانا ركبت 225/45/17 القطر النهائي للكاوتش اقل بحاجة بسيطة وبالتالي العربية وطيت شوية..
لو انا ركبت 225/55/17 العربية هتعلى عن الاصلي وقراية العداد هتبقى غلط...
2-المقاس بتاع الكاوتش هيكون غالبا 205/40/17 (مش متأكد عشان ماعرفش الاصلي كام) وبالتالي هيبوظ من المطبات زي ما استاذ سامح قال...
3-الوزن هيكون تقيل وهتقلل السحب الا لو جيبت جنوط اصلية او حاجة نضيفة زي oz

لو بتقارن كعربية في سعر 180 الف السيفيك الvti ‎تكسب كل حاجة من وجهة نظري والفئة دي بتنزل بجنط 16 تحفة...
انما لو عندك مطبات هتبهدل العربية يبقى تشوف الفانتازيا او الفلوانس..
انا شايف الفلوانس حلوة اوي وواسعة جدا من جوة يعيبها اعادة البيع اكثر من سيئة وقطع الغيار زيها زي السكودا ويمكن ارخص الله اعلم...

**mimmohonda** · 03-01-2011 03:29 AM

يعنى يا جماعه اجيب هوندا 2010 الكامله ولا انفلوانس ....بس انا مشعاوز اشيل هم المطبات وخايف من كده خايف على بطن العربيه من تحت انتوا عالرفين الشوارع عامله ازاى
وبالنسبه للصيانه انا من طنطا ..مفيش مركز صيانه قريب ليا هنا ....يابختهم بتوع اسكودا ورينو

تنصحونى بايه ؟؟؟؟

**MaZaGAngeE** · 03-01-2011 03:32 AM

لو المطبات قالقاك كده يبقى انسى السيفيك .

**zego** · 03-01-2011 02:44 PM

يعني نروح للفلوانس !!!!!!

**romioramy** · 03-01-2011 04:26 PM

المشاركة الأصلية كتبت بواسطة mimmohonda

يعنى يا جماعه اجيب هوندا 2010 الكامله ولا انفلوانس ....بس انا مشعاوز اشيل هم المطبات وخايف من كده خايف على بطن العربيه من تحت انتوا عالرفين الشوارع عامله ازاى
وبالنسبه للصيانه انا من طنطا ..مفيش مركز صيانه قريب ليا هنا ....يابختهم بتوع اسكودا ورينو

تنصحونى بايه ؟؟؟؟

_________________________________-

فلوانس بلا تردد ،،، عفشة - علو - شكل - إمكانيات - اكسسوارات - تكييف فظيع - كل ده زي الفل و كمان التوكيل جنبك - ده نقطة ليها تأثير كبير علي إختيارك

**zego** · 05-01-2011 01:29 PM

بس الشعب المصرى كله اجمع ان الفلوانس لا يا فانتازيا يا سيفيك

**SAMEH_FOUAD** · 05-01-2011 03:36 PM

الفلوانس كويسة حتى الان كعربية وانا ركبتها وعجبنى تقفيلها و نعوميتها , وواسعة وعالية

بس فى مقابل اداء متوسط للماتور , ثبات متوسط الاداء بالنسبة لمنافسيها

سعر غالى جدا لقطع الغيار وسعر اعادى بيع فى الضياع كحال الرينو كلة ودية كمان اسوء

السيارة ابعادها كبيرة اوى وفيها حاجة مش طبيعية تخليك تقلق منها من حيث المساحة لح ماتاخد وقت فى انك تتعود عليها كويس

السيفيك كويسة جدا يعنى ثبات لصالح السيفيك , ماتور لصالح السيفيك , اعادة البيع سيفيك , قطع الغيار سيفيك , توافرها خارج التوكيل سيفيك واستيراد كمان وفية منها تايوانى وصينى يعنى كل البدائل متاحة

يبقى انا عن رأيى لو بتقارن بين دول بس يبقى السيفيك vti كسر زيرو ماكملتش مثلا 1000 كيلو يبقى انت كدة خبطت عصفورين جيبت عربية زيرو او لو عايز تجيب زيرو اللى يريحك بس انا شايف ان تمن ال VTI مبالغ فية جدا يعنى 189 جنية كتير بردة على العربية كانت المفروض لاتتعدى ال170 الف جنية