بشرى غير ساره!!!!

**samihanwar** · 01-01-2011 10:46 PM

أسعار قطع الغيار زادت؟!!!!!!!!
أنا انهارده كنت فى التوفيقيه عشان أجيب موبينه للعربيه وهى نوعها ألنترا 2007
وأتصدمت شر صدمه لما لاقيت الراجل بيقوللى ان سعرها 250 وانا أصلا كنت جايبها من حوالى 3شهور من نفس الراجل ده ب 150 جنيه قولتلو ليييييييييييه راح قايلى الأسعار زادت يابيه احنا فى 2011
وفى الاخر قعدت ادور عليها لغايت ملقيتها عند واحد ب 200 جنيه ومرديش ينزللى فيها جنيه واحد وانا سلمت امرى لله وجبتها
وبالمناسبه جبت شويه اسعار
الفانوس الخلفى ماركه ديبو ب 80 جنيه وطقم الطاسات ب 100 جنيه
والفانوس الامامى ب 180 بس ده صينى بس معقول مش بطال
وانا حبيت اقولكم على الجديد بمناسبه 2011
وياريت لوحد عندو اسعار تانيه يقوللى. وتقبلو مرورى

**wisenada** · 02-01-2011 12:51 AM

الأستاذ/ سامح
طبعاً الزيادة حاجة متوقعة بس مش بالنسبة دى .. من 150 لـ 250 جنيه مرة واحدة كتير.

بس الحقيقة مش عارف أسعار الفوانيس اللى حضرتك قلت عليها دى ايه؟ .... أصل فى حدود علمى مفيش فانوس إلنترا بـ80 جنيه ولا بـ180 جنيه ... كده يبقى رخيص جداً ... وبعدين لقيت فين طقم الطاسات اللى بـ 100جنيه ده؟
ياريت تدلنا على الإسم والمكان .. لإنى اشتريت طاسة واحدة بـ 75 جنيه .. لأنها كانت فى التوكيل الطقم بـ 600جنيه.

تحياتى
محمد

**samihanwar** · 02-01-2011 02:27 PM

استاذ محمد
سيبك من التوكيل هو فى حد حد يروح للتوكيل برجلو
بص يا سيدى حتروح التوفيقيه هتلاقى الحجات دى هناك وبنفس السعر اللى قلتلك عليه
انا لسه شارى الموبينه من 3 شهور ب 150 وانبارح لاقيتها ب 250
وبالنسبه للطاسات الطقم ب100 والواحده ب 30
وبالنسبه لفانوس الخلفى ده ماركه ديبو تايوانى و80 جنيه ومفيش فرق كبير بينو وبين اللى فى التوكيل
وبالنسبه للفانوس ب 180 جنيه بس صينى بس شغال مش بطال هو عيبو بس فى القواعد بتاعتو ضعيفه شويه
بس حلو مش بطال
وبالنسبه لقطع غيار الألنترا هتلاقى 3 فى التوفيقيه محترفين فيها يعنى هما دول الخلاصه اللى فى التوفيقيه بدل متقعد تلف على الفاضى
اسمهم:
ابراهيم البنا
مجدى رمزى
جورج
وتقبل مرورى ................
المهندس :سامح أنور

**badreldinahmad** · 05-01-2011 07:54 PM

انا كتبت موضوعى هنا واكتشفت انه رد لموضوع قائم ونقلته موضوع جديد

**mahmoud_afifi** · 07-01-2011 03:05 AM

المشاركة الأصلية كتبت بواسطة samihanwar

وبالنسبه لفانوس الخلفى ده ماركه ديبو تايوانى و80 جنيه ومفيش فرق كبير بينو وبين اللى فى التوكيل
وبالنسبه للفانوس ب 180 جنيه بس صينى بس شغال مش بطال هو عيبو بس فى القواعد بتاعتو ضعيفه شويه
بس حلو مش بطال

انا كنت عاوز اعدل في الفانوس الي عندي (الاصلي بتاع العربيه) واركب عدسه. لو الفانوس الي حضرتك بتقول عليه كويس يبقى اجيبه احسن واعمل العدسه براحتي واشيل الاصلي ولا ايه رأي حضرتك ؟!