كلامك صحيح وعاقل ..

لكن مع الاسف ده ميعتبرش حل ..

احنا عايزين حل جزرى ينسف التعصب اللى بأه موجود بين المسلمين والمسيحيين ..

صدقنى ..
لو الناس نضفت نفسها من جوه سواء مسلم او مسيحي مش هتلاقى اى تعصب موجود ..

لكن للأسف الناس ماشية ورا كلام ناس هدفها تحط البنزين جنب النار عشان الدنيا تولع .. (على فكرة مش هدفهم احداث فتنة لأنها كده كده موجوده) بس عشان الجماعة بتوع نظرية المؤامرة ميعلقوش على الشماعة دى المرة دى لحسن الشماعة اتحط عليها حاجات كتير لحد مبأه مفيش مكان عليها تانى وهتنكسر ..
لكن هدف الحرب الباردة بين الطرفين متمثل فى كل واحد بيقف على منبر او فى كنيسة او بيقف اودام كاميرا او موقع نت ...الخ
هو الانتصار على الاخر ظناً منه انه بيخدم الدين ..
وللأسف بيلاقوا استجابة من الناس بجهلهم وبيتمكنوا منهم عن طريق الفكر او العاطفة اياً كان ...
فتخيل الناس جهلة للأسف والناس اللى بتلقنهم اجهل ..
يبأه ايه النتيجة ..
الاحداث اللى احنا بنشوفها كل يوم وآخرها واقواها كانت امبارح ..
وياعالم ايه مستخبى تانى بجد ربنا يستر ..

ياريت الناس تفوق بأه شوية ونحاول نلاقى حل مش شعارات وكلام ويحيا الهلال مع الصليب والكلام ده ..

ربنا يلطف على البلد ...





بالمناسبة ..
صورة حضرتك اللى فى التوقيع .. مش صحيحة ..
لأن ده مش موجود فعلياً متقنعنيش ان المسلمين والمسيحين عايزين يمسكوا فى ايد بعض وحد هو اللى بيبعدهم وهو بيضحك ..

ياريت نبعد شوية عن الخيال والنفاق ..

ربنا يحفظك يا مصر