دي note كتبها احد اصدقائي عن الحادث الاليم:
=======================
حادثة الاسكندرية أعادت الي أذهاني حادثة السيارة التي تعرضت لها منذ عدة أشهر.. أتذكر ان من تسبب في الحادثة كان شخصا مخمورا ,لا يمتلك رخصة قيادة أو حتي بطاقة شخصية ! و مع ذلك تم الافراج عنه في النيابة , و هنا أتذكر تماما ما قيل لي من وكيل النيابة و الضابط حينما أبديت اندهاشي من اطلاق هذا المتهم و احتمال تسببه في حوادث أخري !
يومها قال لي : لو كان خبط عمود نور كنا طلعنا عين ........ لأن ساعتها ده يبقي حق الحكومة ومينفعش نسيبه انما بقي يموت حد ولا لأ.. مش مشكلة ما الناس كتير و احنا كفاية علينا قرفهم !
يومها أدركت انه لن نجد أحد يأخذ بأيدينا الا أنفسنا ... لا المسيحي هيلاقي حد ينصفه .. ولا المسلم هيلاقي حد يساعده ...صدقوني الموضوع ملوش علاقة بدينك و محدش فارق معاه كتير ..اجنا نفسنا كلها كام يوم وننسي اللي حصل ..زي أي حاجة تانية حصلت قيل كده ...سواء مع مسلم أو مسيحي ...
احنا مش مشكلتنا ان احنا مسلمين أو مسيحيين ... احنا مشكاتنا ان احنا مصريين ... احنا الاتنين مشتركين في السلبية و الأنانية ..مبنفتكرش دينا و لا حقوقنا غير لما بتحصل مصيبة ! وشوية و بننسي تاني ..
يا مصري ..سواء انت كنت مسيحي ولا مسلم ...الحق مش معاك ..الحق مع المجتهد ..اللي بيبني نفسه ..مش مستني حد يجبله واسطه ..الحق مع اللي بيخاف علي الضعيف ..مش مع اللي دايما بيفتكر نفسه ..الحق مع اللي بيفتكر دينه دايما ..مش في رمضان والكريسماس بس ... الحق مع اللي بيخاف علي جاره ...مش اللي بيتخانق علي ركنة عربيته قدام بيته ! الحق مع اللي بينصر زميله في الشغل ...مش مع اللي بيتمنظر عليه بممتلكاته ...الحق مع اللي عندهم تكافل اجتماعي ...مش مع اللي عايشين حياتهم بالواسطة و الرشوة... ومبدأ أنا أولا و من بعدي الطوفان ! الحق مع اللي بينصر الحق..سواء مسلم ولا مسيحي ولا يهودي ...مش مع اللي بس حاطط شعار الهلال مع الصليب !
حادثة الاسكندرية ملهاش علاقة بدين ...دي نتيجة سلبيتنا و أنانيتنا ... سلبية الفرد و أنانيته ...قبل طغيان حكومة أو عنفوان ظالم !
يا مصريين فوقوا ..و اشتغلوا ..وخافو علي بعض....قبل ما تتحسروا علي اللي بيضيع منكوا...
===========
احمد سامي Sam
http://sphotos.ak.fbcdn.net/hphotos-..._1580756_n.jpg