قابت wrx على الدائري

**khalid_adel** · 02-01-2011 07:21 PM

وانا راجع على الدائري وطالع من طلعه الكورنيش اول ماعديت نزلة البحر الاعظم وكنت بجري شويه
لقيت زيييييييو معدي لونه ازرق جميل وصوته رهييييب ركزت لقيتها امبريزا 2005 لونها ازرق وعليها النجوم الصفر في الجانبين (بتاعت الراللي ) وطبعا الاسبويلر الكبير ومغير فوانيس ورا ليدات وزينون قدام
وسمعت صوت التيربو (عاااااا فسس عا فس) انا اتجننت وراه لقيته فتح بطريقه بشعه وسحب فظيييييييع عمري ماتخيلته من سوبارو على الحقيقه وانا فضلت وراه لقيته بياخد غرز مميته بجد حاره واحد والعربيه متحركتش مللي زياده ولا حدفت شعره من ورا لا بجد ماشاء الله
ونزلنا مع بعض نزلة المريوطيه قلبناها طبعا هو مغير شكمان كمان زي حالاتي
وطلع زئير السوبارو وراه الالفا لحد شارع الهرم
بجد عجبتني جدا وخاصه لما لقيتها بتجري بالطريقه دي والثبات الوهمي ده
اااااه اهو دي العربيات اللي الواحد بيحلم بيها ولا بلاش

**yoko** · 02-01-2011 07:28 PM

أنا بقى سوقت الwrx sti قبل كده

**i_Am_Legend** · 02-01-2011 09:03 PM

لا يا عم خالد_ماتستقلش بالفا بردو_دى تاكلها يا كبير_إنت معاك اسد يعنى _ركب فلتر إسبور_وعلبة شكمان اصلى محترمة وإنت تسمع احلى صوت من أحلى عربية_فررووووممم_دى الفا يا كبير _دى عربيتى ال127 بموتورها السبورت_لما بنتشها ال3 وأحرق عليه_الشارع كلة بيتسرع وبيتنح_انا نفسى بخاف_وانا لا مركب فلتر ولا ديفيل دة صوت الموتور وهو بيهظر كدة_ههههههه_مواتير فيات عصبية جدا جدا

**Ahmed Hassan** · 02-01-2011 09:38 PM

المشاركة الأصلية كتبت بواسطة khalid_adel

وانا راجع على الدائري وطالع من طلعه الكورنيش اول ماعديت نزلة البحر الاعظم وكنت بجري شويه
لقيت زيييييييو معدي لونه ازرق جميل وصوته رهييييب ركزت لقيتها امبريزا 2005 لونها ازرق وعليها النجوم الصفر في الجانبين (بتاعت الراللي ) وطبعا الاسبويلر الكبير ومغير فوانيس ورا ليدات وزينون قدام
وسمعت صوت التيربو (عاااااا فسس عا فس) انا اتجننت وراه لقيته فتح بطريقه بشعه وسحب فظيييييييع عمري ماتخيلته من سوبارو على الحقيقه وانا فضلت وراه لقيته بياخد غرز مميته بجد حاره واحد والعربيه متحركتش مللي زياده ولا حدفت شعره من ورا لا بجد ماشاء الله
ونزلنا مع بعض نزلة المريوطيه قلبناها طبعا هو مغير شكمان كمان زي حالاتي
وطلع زئير السوبارو وراه الالفا لحد شارع الهرم
بجد عجبتني جدا وخاصه لما لقيتها بتجري بالطريقه دي والثبات الوهمي ده
اااااه اهو دي العربيات اللي الواحد بيحلم بيها ولا بلاش

كان بيعمل صيانه معايا في جسر السويس امبارح يا خالد و اديتله رقمي و اخدت رقمه و قولتله لو فكر يبيع يقولي. ربنا يباركله فيها.

المشاركة الأصلية كتبت بواسطة i_am_legend

لا يا عم خالد_ماتستقلش بالفا بردو_دى تاكلها يا كبير_إنت معاك اسد يعنى _ركب فلتر إسبور_وعلبة شكمان اصلى محترمة وإنت تسمع احلى صوت من أحلى عربية_فررووووممم_دى الفا يا كبير _دى عربيتى ال127 بموتورها السبورت_لما بنتشها ال3 وأحرق عليه_الشارع كلة بيتسرع وبيتنح_انا نفسى بخاف_وانا لا مركب فلتر ولا ديفيل دة صوت الموتور وهو بيهظر كدة_ههههههه_مواتير فيات عصبية جدا جدا

مين ياكل ايه و علبه ايه و شكمان ايه! عارف العربيه اللي خالد بيتكلم عليها؟!

**i_Am_Legend** · 02-01-2011 09:55 PM

استاذ أحمد حسن _إزى حضرتك_انا عارف العربية طبعا_بس الألفا ماتستهونش بيها!_بس فئة السوبارو_هى الالفا 156 تى سبارك_دى ماحدش بيعرف يتكلم معاها ولايسد_ويا سلام لو متربنة _انا من عشاق السوبارو أصلا بعشقههااا_بس قولى هى السوبارو دى ال2400_ولا إستوك بتاع مصر ومتربن!

**Ahmed Hassan** · 02-01-2011 10:01 PM

المشاركة الأصلية كتبت بواسطة i_Am_Legend

استاذ أحمد حسن _إزى حضرتك_انا عارف العربية طبعا_بس الألفا ماتستهونش بيها!_بس فئة السوبارو_هى الالفا 156 تى سبارك_دى ماحدش بيعرف يتكلم معاها ولايسد_ويا سلام لو متربنة _انا من عشاق السوبارو أصلا بعشقههااا_بس قولى هى السوبارو دى ال2400_ولا إستوك بتاع مصر ومتربن!

مفيش سوبارو ٢٤٠٠ بتكون ٢٥٠٠.

العربيه دي wrx اصليه و دي ٢٠٠٠ سي سي تربو.

طبعا الالفا روميو عربية جري و تحفه... بس مش دي العربيه اللي تتقارن بيها.