السلام عليكم و رحمة الله و بركاته
هو فعلا , أكتر الناس اللى بتلعب فى قصة الهجرة دى صح, اللى بيهاجروا و هما صغيرين بعد الجامعة عالطول و يبدأوا هناك و يتجوزا -طبعا من هنا مش من هناك-و يجيبوا أطفال و لأن الأطفال اتولدت هناك, فبياخدوا الجنسية غالبا و على مالأطفال تبدأ تكبر يعنى بتاع 7 - 8 سنين , يوم شادد على مصر أو على بلد عربى محترم و الأولاد يكملوا كووووووووووووول حاجة هناك لحد مايخلصوا الثانوى و بعد كده , يبقوا يرجعوا تانى عشان اللى عاوز يكمل دراسته يكمل و فيه نموذج تانى , أنا شوفته , أن لو الأب بيشتغل فى Position حلو بره و مش عاوز يضيعه , أنه بيبعت الأطفال مع أمهم مصر و بالفلوس بيقدر يعلمهم أحسن تعليم و بيروحوله فى أجازة الصيف و هو بيجيلهم فى الدراسة و الكام سنة دول بيعدوا لحد مالعيال ترجع تانى عشان تخش الجامعة هناك, بس أنا عن نفسى مابرجحش الحل ده, لأنه بيضع عبئ كبير على الأم لوحدها فى الوقت اللى لازم يكون الاتنين موجودين و كمان بيخلى الأب و ارالأم بعيدين عن بعض و ده أكيد بيقى ليه آثار سلبية طبعا.
مع أن أنا و الله شوفت فى كندا عيال كتير أهاليهم عايشين فى كندا من زمان و بصراحة -ما شاء الله- متربيين أحسن تربية و حاجة تفرح بصراحة .