ينهار اسود إيه يا عم ده
عرض للطباعة
انا اختي معاها الجنسيه السويديه و ولادها و زوجها .. و في البدايه زوجها هو اللي اخد الجنسيه ثم انتقلت الى اختي بعد الاقامه 3 سنوات " تقريبا " هناك .... و فيه حاجه كنت سألت اختي عنها على حوار فقد الجنسيه المصريه ... قالتلي في السويد مش بيسمحو باذدواج الجنسيه لكن في مصر عادي .. و هي بترجع مصر على طول بالباسبور المصري .. و تسافر بالسويدي :)
أنا بقي نزلت مصر قعدت فيها سنتين و كنت داخل مصر بالبسبور الكندي الراجل بتاع الجوازات ادالي ٦ شهور على الباسبور الكندي علشان أنا من أصل مصري طبعاً أنا قعدت سنتين في مصر و لما حبيت أسافر كندا إتمسكت في المطار و إتمنعت من السفر علشان حوار التجنيد روحت لظابط بتاع الجوازات اللي بيكون قاعد في المكتب و قالي موضوع الفيزا و أنا كنت لازم أسافر قبل الست شهور و أرجع تاني أخد ٦ شهور تانيين و قالي كدة إنت لازم تجيب موقفك من التجنيد .. بس ربنا يخليلنا الواسطة و الكوسة الموضوع خلص في أسبوع و سافرت
إن شاء الله عاوز أطلع المصري بس المشكلة بقى في المهنة أنا متخرج من كندا و مش عارف حينكتب إيه في المهنة أنا مش عاوز لف على الخارجية علشان اعادل الشهادة لو الموضوع رسي على كدة مش عاوز الباسبور ههههههة
هههههة أيوا ملكش جيش بس طبعاً كل حاجة في مصر ماشية عكسي ... أنا كمان وحيد الإبن يعني .. أنا قولت كدة للظابط بس هو قالي مليش دعوة ديه قوانين جيش انك لازم تجيب موقفك من الجيش طبعاً أنا نزل علي ضحك هستيري و قولت للظابط ازاي بس يا باشا و ليه الشحططة و الكلام ده .. أنا كان معايا الورقة من مصلحة الجوازات اللي في المجمع بتقول إن أنا مزدوج الجنسية الظابط قالي أنا مليش فيها ديه حبر على ورق قلتلو ازاي يعني يا باشا ديه فيها رقم ملف اني مزدوج و الفيلم ده .. بس هو فيه حاجة .. لما رحت عند الواسطة في حلمية الزتون الراجل هناك ماسك حاجة كبيرة في الجيش رتبة و مركز حساس المهم بقولوا يا باشا الموضوع و بتاع قالي ممكن لو إنت عندك أخ و مزدوج الجنسية تدخل الجيش ... طبعاً أنا تنحت ازاي يا باشا ... قالي أنت دلوقتي روحتلي شرم أو غردقة و حبيتلي واحدة و كتبت عليها علشان تهرب من جيش .. قلتلو كلام كويس ... قالي ده فعلاً اللي بيحصل و فيه ناس كتيرة بتعمل الموضوع ده .. قالي كدة محدش هيدخل الجيش .. قلتلو طيب ماهو لو الباشا ده دخل الجيش ممكن يتعرف على أسرار خطيرة ... قالي مين ده .. إنت فاكر إن الباشا التجنيد بتاعو حيكون في قاعدة أو حاجة فيها كلام .. لأ طبعاً .. دول بيخشوا الجيش و يروحو يشتغلوا في النوادي أو قاعات الأفراح أو عسكري تبع ظابط .. قلتلو حضرتك بتتكلم بجد قالي طبعاً بجد هو أنا ههزر معاك ليه .. :8954[1]::eee:
اتمني اني اهاجر الي كندا او استوراليا
بس فين المخرج
مش لاقي
والله الواحد كان نفسه لو الزمن رجع تانى
قبل اى حاجة اعتذر عن ردى المتأخر
احب أوضح حاجة مهمه انى مش بكره مصر لأنها مصر - لكن بكره مصر لأن فيها مصريين كتيييييييييييييير :POINTIy2[2]:
والله انا عارف ان الكلام ده غريب وأول رد هايتقال لى - > انك مصرى يا بية ومتعشى فى الدور
الناس بتدور على الهجرة علشان حاجات كتيييييييييييييير - لكن انا بدور على أو لادى فقط ومستقبلهم وان كان المستقبل بيد الله سبحانه وتعالى وحده
انا نفسى ان أولادى يتربوا صح - يتعلموا صح - ميشربوش من نيلها - ميتعاملوش مع موظفينها - مايشفوش ظباطها ولا مرتشينها ولا تلوثها ولا أكلها ولا شوارعها ولا طرقها ولا سواقينها ولا زبالينها ولا جيرانها
تعرفوا انى عندى خوف هيستيرى من حاجة - لو ابنى واحد ظابط ضربه بالقلم قدامى فى يوم من الايام هاعمل ايه - لو ابنى تعب ودخل المستشفى واخد دواء غلط وكان السبب فى موته أو عجزه هاعمل ايه - لو راح المدرسة وسور المدرسه وقع عليه أو اتوبيس المدرسة داس عليه هاعمل ايه
للأسف انا مريت ببعض التجارب السيئة جدا واللى فعلا خلتنى أقول كفايه كده يا مصر - لكن المشكلة ان مصر عماله تقول لى لأ - لسه مش كفاية لما أطفحك اللى شريبتوه من نيلها انت واللى جابوك يبقى كفايه
انا كان عندى شغل لمدة 7 أيام فى دبى وهيه ديه المره الوحيدة اللى سافرت فيها بره مصر
صدقوا أو لا تصدقوا أول لما وصلت هناك تانى يوم كنت زهقاااااااااااااااان جدا وعايز ارجع مصر
وأنا راجع مصر كنت فرحان جدا يمكن علشان ولادى وحشونى وزوجتى وأمى - مش عارف
والله العظيم أول لما نزلت من الطايرة كانت أول كلمه سمعتها من واحد ماش قدامى فى المطار بيتكلم فى الموبيل - ايوه يا باشا انا هاخلص للباشا كل الورق بتاعه وهايخرج قبل اى حد ولاتفتيش ولا ديوله -> تيييييييييييت أم الوسطه
بعد ما خلصت ورقى لقيت واحده (سامحنى يا رب) متخلفة عقليا وبتهته وبتقول املئ الاستمارة الخاصة بأنفلوانزا الطيور والخنازير - طيب هاتى قلم -> مفيش:11:
وانا خارج كان ماشى جنبى واحد من الواضح انى اجنبى وأن كنت اظن انه انجليزى بالظبط اللى حصل كالتالى موظف المطار قال له welcome وابتسم له - وراح لاغى الابتسامه اللى هيه فى عرف المصريين نوع من قلة الادب والذوق لو أبتسمت فى وش حد وباللفظ قالى باسبورك - وبص فيه - حمدالله على السلامه بدون ما يبص لى - انت جى منين - انا من دبى - هو ااااه ومازال بيبص على الباسبور - وراح مخبط على شنطتى وقالى الشنطة ديه فيها حاجة - قلت له لأ - بمنتهى الجليطة ادانى الباسبور بتاعى وقالى اتفضل اخرج من هنا
حاجه تييييييييييييييييييييييت
أول لما خرجت كانت مأساتى واحد قريبى كان مستنينى - وللأسف عربيته كان فيها مشكلة فجالى بعربيتى وهو سواقته فى المانيوال تعبانه شوية فخلانى انا اللى اسوق بحكم انى متعود على العربية
........أحب أأكد انى قاعدت فى دبى 7 أيام فقط وليس 7 سنين
أقسم بالله انى كنت هاعمل حوادث الدنيا والاخره وانا ماشى - كل واحد عايش فى مية البطيخ وبيعمل اللى هو عايزة - اشارات المرور مش شغاله واللى شغال منها الناس مش بتحترمه - الغريبة انى كانت اشارتى خضراء وانا فى وسط البلد وبعدى وواحد بيعدى من يمينى بيقطع الشارع واشارته حمرا والبية بيزعق لى ويقولى مش تفتح يا حمار - ففعلا انا حمار يا مصر بس انا اتولدت بنى أدم وانتى والمصريين اللى حولتينى الى ......... مصرى
الامارات على الاخص حاجة قمة الاحترام وأخوك لو ينفع يخدك هناك الدنيا هاتختلف تماما
أم استراليا فهى ديه ان شاء الله نهاية المطاف بالنسبة ليه بإذن الله
اللى عايز يهاجر يا جماعة لازم يقرأ بشكل هيستيرى ويجمع معلومات ويشوف هو عايز ايه - بلاش كلمة عايز اهاجر وخلاااااااااااص
لازم تعرف كذا حاجة -> تعرف انت هاتشتغل ايه وهاتعيش فين وايه الخطوات المستقبلية اللى هاتعملها
لازم يكون معاك سيوله محترمه وتكون واخد بعين الاعتبار ان فلوسك ديه كلها ممكن تضيع هباءا
اعتذر عن الكلمة اللى هاقولها وان كان اغلبنا عارفنها - المصرى بره ملوش قيمه نهائياااااااااااااااااااا وبالعكس اصبح شخص غير مرغوب فيه فى أى مكانه مرموقة - وأنا فى دبى جت لى وظيفة ممتازة ومناسبة ليه جدا - لكن كان بيشترطوا انى أكون من دول الخليج :POINTIy2[2]: مش هما دول اللى كنتم بتقولوا عليهم بهايم
انا معنديش خبره فى موضوع الهجرة لكن حاولت وفشلت محاولات بسيطه كلها كانت لأمريكا - لكن استراليا هيه حلمى فى أخر 8 سنوات وربنا يكرمنى وأوصل فى يوم من الايام لحلمى
بالمناسبة اللى عايز يعرف مصر غاليه قد ايه عالينا يشوف عدد المشاهدات للموضوع بتاعنا والغريبة ان عدد المشاركات قليل لكن المشاهدات كتييييييييييييييييييييير مله