الموضوع: طلب تسعير لانسر مكواة 2003

انا نفسى ارعف هو بيبيع بجد ولا بيسعرها
لو بيسعر يسعر فى المعارض احسن
المفروض هنا بيع وشرا
فياريت العضو مشكور ا يقلننا وضعه ايه وعاوز كام نهائى

بعد اذنك يااحمد ميمو انت ومودي ماتريحو نفسكم انتو الاتنين الراجل مش بيبيع اصلا ده بياخد فكرة عربيته تسوي كام ومتهيقلي كتب الكلام دة اكتر من مرة معرفش انتم مش واصلكم الفكرة ليه ورأيي ليك يااحمد ودة لنفسي لو العربيه دي سعرها هيكون خمسينات بالشكل ده يبقي مجنون الي يفكر يبيعها ولا هيلاقي عربيه كده بالسعر ده تاني ابدا ً....

ياباشا وهو حد قال لحضرتك انى داخل بشترى
انا اسف لو حضرتك كنت فهمت من كلامى كده ولو انى مأكد فى كل مشاركة انى مش بشترى
راجع مشاركاتى كويس من فضلك

ممكن ترفع صور للعربيه ؟

والله والله مش ببيع الوحيد اللي فهمني هيثم
ولو اتعرض عغليا 100 الف جنية مش بايع لان العربية لها معي ذكريات وعربية اصيلة فعلا انا بس كنت بسعرها مش اكتر

علي فكرة قلت لصاحب المعرض كدا فعلا ووافق ولكني اشترطت عليه اني ادخلها في اوكتافيا لان العربية بالنسبة لي ايدي ورجلي ومقدرش استغني عنها ولو ربع ساعه

وللاسف جاب لي اوكتافيا a4
وانا كنت عايز a5 وقلتله حدفع الفرق كاش قالي طيب اصبر عليا يومين وخد تمن عربيتك دلوقتي وامشي يومين بدون عربية ورفضت طبعا

المشاركة الأصلية كتبت بواسطة ramy01011

تاني مرة حد يكون بيسعر عربيتوا و الناس تقلله من قيمتها يا جماعة المكوة فعلا بتتباع احسن من البومة علشان موضوع الكربيراتير و بنزين 80 انا من فترة كنت بدور و شوفت اكتر من واحدة موديل 2001 2002 و كان سعرهم من 61 الي 65 ام 65 كانت حالتها حلوة فعلا و انا عملت زيكم كدة و أتأمرت و قلت له 60 الف كاش قالي لا تاني يوم قلت اشوف اية الاخبار لاقيته بيقولي انه باعها ب 65 الف من 3 دقائق و اللي اشتهراها طلع معرفه و اكد لي انه فعلا اشتراها بالتمن ده لان دي احسن حالة شافها مع ان العربية كانت جي ال موش جي ال اكس انا لا بشتري و لا ببيع انا بس حبيت اقول بس كلمة حق

يا جماعة أنا لقيت memoo8888
بيهاجمني لما عملت إعلان لعربيتى و مفهمتش لية بصراحة إلا لما أستاز حسام بعتلنا و قال إنو تاجر.., و هنا لقيتو بيتريق على واحد عشان يقلل تمن عربيتو

أنا بلغت عنو إدارة الموقع
يا ريت كلو يقرا تعليقاتو و يبلغ و إن شاء الله حيتشال على طول ..

العضو memoo8888 موش انت اللي كان معاك النترا خليجي و كنت طال فيها سعر عالي حاجة و 90 الف و لما واحد مسكك و قالك دي غالية روحت اشتكيته موش هو ده بردو انت و لا نسيت