قطع غيار بريليانس خارج التوكيل

**tkm** · 03-01-2011 05:10 AM

السلام عليكم
دى ثالث مشاركه ليه عايزين نعمل موضوع عن محلات قطع غيار جميع السيارات الصينيه خارج التوكيل لانى معايا سياره جيلى ومهتم جدا بالصينى و لانى تعبت من اللف على محلات قطع الغيار اللى يعرف محل قطع غيار صينى ياريت يكتبو لوسمحت وانا هبتدى :

وارجو تثبيت الموصوع :

الوكيل لقطع الغيار الصينيه : شارع المطبعه بالهرم قبل اتو شاهين

ابو عوف : المول الجديد بالتوفيقيه ثانى دور

بكين : شارع دمشق

بى واى دى :التوفيقيه المول الجديد اول دور

**Mostafa Hessen** · 04-01-2011 02:20 PM

بص حضرتك فى قطع غيار من عربيات معروفه بتركب فى عربياتنا
عندك مثلا قطع غيار الانسر بومة بتركب
وعن تجربتى سير الكاتينة وسير التكيف والدينمو وفلتر الزيت والبوجيهات
فمش بس قطع غيار صينى
وطنابير الجولف 4 والأكتافيا a4 والفرامل الأمامية للعربيتين سابقتى الذكر
وشكرا

**akramesg** · 08-01-2011 12:19 PM

المشاركة الأصلية كتبت بواسطة midh91

هل قطع الغيار دي بتخرج السيارة من الضمان ؟؟؟؟؟؟؟

متابع ؟؟؟

**tkm** · 09-01-2011 04:01 AM

الاخ اللى بيقول فى قطع غيار كتير بتركب عندنا من عربيات زى اللانسر او الاكتافيا دى قطع غيارها الاصليه غاليه جدا تكاد تكون اغلى من بريليانس الاصليه ما كونت رحت جبت لانسر او اوكتافيا احسن وقطع الغيار الغير اصليه ممكن تخرجك بره الضمان لو داخليه ولو خارجيه عادى ولو داخليه واصليه محدش هيعرفها وممكن تعدى

**bobo_8000** · 13-01-2011 06:10 PM

متابع بهتمام...

**midh91** · 13-01-2011 11:02 PM

طيب ممكن اعرف ايه قطع الغيار بالضبط اللي ممكن تخرج العربية من الضمان ؟؟؟؟؟؟؟
يعني تيل الفرامل مثلا يخرجها من الضمان ولا لأ؟

(هل سير الكاتينة الخاص ب fsv جنزير ولا كاوتش .؟؟؟؟؟؟ )

**akramesg** · 14-01-2011 11:20 AM

متابع معاك ولى نفس السؤال
بس ممكن ارد عليك فى السير
1500 جنزير
1600 كاوتش

**Mostafa Hessen** · 21-01-2011 04:29 PM

المشاركة الأصلية كتبت بواسطة tkm

الاخ اللى بيقول فى قطع غيار كتير بتركب عندنا من عربيات زى اللانسر او الاكتافيا دى قطع غيارها الاصليه غاليه جدا تكاد تكون اغلى من بريليانس الاصليه ما كونت رحت جبت لانسر او اوكتافيا احسن وقطع الغيار الغير اصليه ممكن تخرجك بره الضمان لو داخليه ولو خارجيه عادى ولو داخليه واصليه محدش هيعرفها وممكن تعدى

اخى الكريم
مين قال لحضرتك ان قطع الغيار اللى بتكلم عنها اغلى من الأصليه
حضرتك سيور العربية انا جايبهم ايطالى وكورى (كاتينة +دينمو+تكييف) ب190 جنيه اسال حضرتك عن الأصلى فى التوكيل والصينى اللى موجود عند بكين وشوف الفرق..
حضرتك انا كنت شارى لمبة هالوجين من التوكيل والتركيب ب 100 جنيه جبتها من عند بكين كورى ب 20 جنيه قعدت 6 شهور جبتها المانى بردك بره بكين ب 20 جنيه وما شاء الله افضل من الكورى اللى معشتش
فلتر الزيت بتاع اللانسر البوما ب 35 جنيه يابانى اسأل حضرتك عن اللى فى التوكيل بكام
طقم البوجيهات فى التوكيل ب 90 جنيه جبت اليابانى بتاع اللانسر ب 55 جنيه
شوف حضرتك انتشاء العربيات اللانسر والأوكتافيا خلا قطع غيارها رخيص مش زى محضرتك فاهم بجانب ان توكيل بريليانس بيغلى جدا...

حضرتك صيانة ال 80000 كم فى التوكيل ب 2500 جنيه انا عملتها بره وقطع غيار يابانى وايطالى واتكلفت عليا 800 جنيه..!! والفضل لله

حضرتك التيل فى التوكيل ب 350 جنيه remza هو اللى موجود فى بكين ب 200 جنيه والإتنين زى الزفت تخيل حضرتك بتاع الجولف 4 ب الألمانى اعلى شئ ب 350 جنيه واداء عالى جدا
اسال حضرتكك عن الطنابير فى التوكيل وعند بكين بكام والألمانى المهواه ب 500 جنيه واداء عالى جدا
لو سمحت حضرتك راجع السوق الأول قبل متحكم بدون بينه
وانا تحت امرك فى اى استفسار..

-

الموضوع: قطع غيار بريليانس خارج التوكيل

LinkBack

أدوات الموضوع

عرض

-

-

-

-

المواضيع المتشابهه

قطع غيار اسبرانزا خارج التوكيل

قطع غيار byd خارج التوكيل

مطلوب قائمة اسعار فطع غيار النترا فى التوكيل و خارج التوكيل

قطع غيار m11 خارج التوكيل

هل السيــريون لها قطع غيار خارج التوكيل

الكلمات الدلالية لهذا الموضوع

المفضلات

المفضلات

ضوابط المشاركة