خطة زيادة قدرة الواجا الكامبرو

**spiderloking** · 03-01-2011 11:28 PM

المشاركة الأصلية كتبت بواسطة sayed911

ولكن اعتقد انه حضرتك نسيت تضيف طقم الـ ultra racing الجديد اللي حضرتك ركبتوا مضيفتوش ليه هنا ؟ + ممكن حضرتك تضيف تقارير الإختبار الخاصة بالسيارة لو حضرتك عملتا ليها بعد تركيب هذه الأجهزة وفرقت قد ايه في الأداء وبنسبة كام في 100 ...

انت مش مركز يا سيد الراجل حاطت التعديل بتاع الالترا ريسينج بتاع الشدادات فوق اطلع فوق شويه هتلاقيه حاطوا

**alarabiya11** · 04-01-2011 02:57 AM

المشاركة الأصلية كتبت بواسطة eslamkasem

مكدبش عليك انا مش فاهم حاجات من الي انت كاتبها

بس انا واثق انك هتعمل حاجه جامده

هيا هتزود في الباور هورس حولي قد ايه وهنستفيد منها في الطلعه ولا بعد سرعة كام

نفسي فعلا غير الجنوط بس انا بدور علي شكل معين لو لقيته هيرسم العربيه جامد جدا

الزيادة مش هى المشكله الاول اجيب 110 حصان الموجودين

زيادة العزم اهم لى من الهورس باور الان من المتوقع يوصل tq 200

بس على العموم احنا ممكن نكلم فى 10 الى 15 hp

شكرا على الرد

**alarabiya11** · 04-01-2011 02:59 AM

المشاركة الأصلية كتبت بواسطة crazylambada

صدقني انت لو سقطت مكنه حيبقى اوفرلك و بعدين خلي بالك معظم الحاجات دي استهلاكيه
يعني بعد فتره من الوقت لازم تشتري غيرهم يااما تغير المكنه يا اما بلاش مصاريف

المكنه الجديده برده وف تحتاج شراء نفس الاشياء
من بوجيهات الى شكمان الى يونيت او chip

**alarabiya11** · 04-01-2011 03:14 AM

المشاركة الأصلية كتبت بواسطة spiderloking

بصراحه يا استاذ محمد في حاجات انا شايف انها مهمه اوي و في حاجات صعبه ان الواحد يلاقيها و مش هتفيد في حاجه جامد يعني بس شغل عالي بجد علي فكره يا كريزي هقولك علي حاجه مشاكل تسقيط المكن كتير و غير كدا في ناس هواة التعديل زي استاذ محمد كدا لما يسقط مكنه دلوقتي ب 10000 دول قدام شويه هيضطر يركب طقم شدادات و بعدين هيضطر يركب نظام مكابح ليسطتيع السيطره علي العربيه و علي السرعه بتاعتها بعد تسقيط المكنه و هيضطر بردوا يركب اير فلتر و هيضطر يجيب طقم جنوط مش معقول مركب مكنه مثلا 2500 سي سي و مركب جنوط تعبانه او طقم كاتوش تعبان فكدا كدا هيعمل التعديلات ديه فلما يعمل التعديلات ديه علي مكنة العربيه الاصليه هيكون احسنلوا و اضمنلوا بصراحه و هيحس بأداء كويس

انا عارف انك تقصد المانفولد واكزوست بس ده حجمه ومعدنه احسن عشان الماتور يتنفس احسن

والجهاز عشان يعرف الاجزاء على يونيت العربية ويفتح ecu السيارة المغلق لتحكم فى زيادة الانبعثات

الناتجة عن الحرق الزائد حاجه قريبه من chip بس ملاكى توضع فى السيارة عشان تتحكم فى اى وقت فى نسب الهواء ودرجات الزيت وكله نفس شغل EPX

نظام الفرامل الجيد مفترض حتى ولو لن تسقط ماكينه غير مضر كتعديل حسب الاحتياج

رايك بخصوص وضع تلك الاشياء على الماتور الاصلى صح

وتغير الماكينه لازم عايجى فى يوم لان لكل شىء عمر افتراضى

**alarabiya11** · 04-01-2011 03:24 AM

المشاركة الأصلية كتبت بواسطة crazylambada

التعديلات دي معظمها مش حقيقي وزيادتها حاجات بسيطه لكن تعديل المكنه هيضمنله اداء اعلى بكثييييييييييير دي اول نقطه
تسقيط المكنه بجميع تعديلاتها هيتكلف 10 الاف جنيه ممكن اقل المكن الياباني مفيش اكتر منه في السوق
خصوصا متسوبيشي معرفش اسعاره
لو هو عاوز اداء يسقط مكنه لكن الحاجات دي مي هتديله اللي هو عاوزه
و معظم الحاجات اللي ركبت ليها عمر عكس المكنه يعني مثلا كل سنتين نص الحاجات دي لازم تتغير يبقى كل سنتين يدفع 5 الاف جنيه مثلا ؟؟؟؟؟؟؟؟؟؟؟؟
تسقيط المكنه لاداء رياضي اكثر نفعا و توفيرا للفلوس

يعنى الشهر يقف 208 جنيه

يا راجل هو فى حد ضامن عايكسب ايه بكره والا بكره فى ايه خليها على الله

برده الماكينه الجديده سوف تجيب لها نفس الاشياء

بوجيهات و شكمان كامل لان الا موجود ممكن ميركبش وبعدين يونيت chip ناهيك

طبعا ده لو افترضت انى قعدت ساكت وشفتش حاجه جديده على النت كلت دماغى

هى هى يا ابن عمى

**ahmed_h_g** · 04-01-2011 07:20 AM

أفضلهم ال AUTO voltage stabilizer وده طبعا" سعره ناااار سمعت عنه كلام كتير + طقم البارات ممتاذ + البوجيهات بالسلوك + تعديل نظام الفرامل بس ده له حالات خاصه فى أخر التعديلات
الاكزوست ممتاز لو الموتور قدرته كبيره بس مكتومه
وبيظهر الكتم على هيئة صوت هواء شديد خارج من الشكمان زى اللى فالعربيات القديمة والمواتير التربو

**Mohamed.Kader** · 04-01-2011 09:07 AM

السلام عليكم
طبعا حضرتك تشكر على الموضوع المهم دا بس على ما أظن أن التكلفة في مقابل الفايدة والإستخدام هتكون مش مجدية قوي خاصة أن ظروف حياة معظمنا وإنتقالتنا وطرق بلدنا مستحملش الكلام دا

**alarabiya11** · 04-01-2011 10:12 AM

المشاركة الأصلية كتبت بواسطة Mohamed.Kader

السلام عليكم
طبعا حضرتك تشكر على الموضوع المهم دا بس على ما أظن أن التكلفة في مقابل الفايدة والإستخدام هتكون مش مجدية قوي خاصة أن ظروف حياة معظمنا وإنتقالتنا وطرق بلدنا مستحملش الكلام دا

الغريب يا استاذ محمد انك بتلمنى على حب الرغبة فى تحديث سيارتى بمبلغ 10000 الف التى تساوى 85000الف جنيه

وتسشهد بظروف الدوله وظروف معظمنا فى نفس الدولة التى ارى فيها الاف السيارات بمبلغ لا يقل عن 500000الف جنيه زى الرز

وبتمشى على نفس الطرق الا مش حتستحمل سيارتى لما حدثها ب عشر الف جنيه طبقا لرايك

هل ياترى لو كنت اشتريت بى ام دبليو فئة 7 بمليون وربع جنيه

او حتى316i ب 300000الف كنت عاتقول كده ماعتقدش كانت عاتعدى عادى زى مابينشفها عادى لان جبها بماله الخاص وعن اقتناع انها تساوى المبلغ المدفوع فيها وتلبى رغبته ايا كانت والله اعلم بعبيده

فى حاجه اسمها متعة القيادة لذلك الناس بتدفع ملايين عشانها مش عشر تلاف جنيه

**osameeez** · 04-01-2011 10:27 AM

ده شغل تماااااام جداً بس لسة في حاجات كتير هاتجيبها ازاي وسعرها هيبقى كااام؟؟

-

مشاهدة نتائج الإستطلاع: هل تتوافق على اضافة منتجات اسبور للمحرك و السيارة ؟

الموضوع: خطة زيادة قدرة الواجا الكامبرو

LinkBack

أدوات الموضوع

عرض

-

-

-

-

-

-

-

-

المواضيع المتشابهه

مقارنة تجربة مواتير الكامبرو القديم و الجديد و تغيير الجين 2

ليه صوت موتور الكامبرو عالى كدة ياريت حد يرد من التوكيل او من اصحاب الخبرة

زيادة قدرة محرك سيارتك

هل استخدم سائل زيادة قدرة الموتور؟؟

الكلمات الدلالية لهذا الموضوع

المفضلات

المفضلات

ضوابط المشاركة