الموضوع: هو فيه حد كده (إتخانقت النهارده)

المشاركة الأصلية كتبت بواسطة angel_wolf

أحمد باشا حبيبى الراجل الجدع الى ملوش حل دى عالم عايزة الحرق

انا حصل معايا موقف زى دة بالظبط كنت راجع من الاكادمية اوتوستراد و نازل من كوبرى 4.5 وانا وواحد معاه سيراتو كوبية وواحدة معاه لانوس الاخ بتاع السيراتو كان بيلعب فى الطريق ماشى 40 بالكتير و عمال يروح يمين وشمال هو بتاع الانوس من الاخر بيسدوا الطريق المهم غرزت من الاتنين وطلعت الحمد لله نهيك عن شتايم الكلاكس الى خدتها علشان طبعا كنت بزنق عليهم و انا طالع منهم المهم خلصت من الجوز دول

ومكمل عادى ومن عند اربكوم كدة انا ماسك شمال علشان المفروض كنت هلف من قدام الحرب الالكترونية ربنا روقنى باخ معاه لانوس جميل اوى الطريق قدامى و قدامة فاضى انا مديلة اشارة شمال وعايز اطلع من علشان الف مش راضى يهدى طيب اشد علشان اطلع منة واجى قدامة علشان الف الاقية بيقرص ويشد علشان ميخلنيش ابقى جنب الرصيف قلت يلا مش فرقة هو عيل ابن تيت وانا كان معايا الاكسيل وقتها فكنت مستبيع كسرت علية جامد ودخلت قدامة والحمد لله واقف على اليوترن علشان الف لاقيتة جى جنبى و بينزل الازاز انا قلت هيتخانق يلا انا معايا شومة خشب زان فى العربية غير قفل الدركسيون الحديد و عصاية الكوريك التمساح هو الى جابة لنفسة لقيتة بيقلى

كابتن هو انت سايق مكروباص

انا عايز اقلة ياحلتها

قلتها انا معلش يا حبيبى وقفلت الازاز فى وشة

الناس بقت سفلة والله وعايز ضرب الجزمة

وغير سواقة الستات ربنا يستر طريقنا

المشاركة الأصلية كتبت بواسطة mrwho1982

لسه جاي من بره خد عندك ال 3 مواقف دول

1 - ماشي في شارع ال na الطريق بيوصللك من التجمع لمدينة نصر وهو طريق جيش
ماشي علي 90 وعالشمال ومافيش حد ورايا الاقي اللي قدامي وقف مرة واحد وبعدين ادي اشارة شمال وبعدين انتظار .......طبعا ده تيت ابن تييييييت

2- ماشي في وسط شارع ال90 في التجمع تلاقي بابور زلط عطلان في وسط الشارع 2 حارة عالشمال ومش مدي ولا لمبة مولعة والناس كلها كانت هاتلبس فيه .......طبعا ده تيت واهلو تيت واللي ركبو البتاع ده اصلا ابن تيتيتيتيتيتيتيتيتي

3- بلف صنية ومدي اشارة يمين يعني داخل يمين الاقي واحد جاية صاروخ من يميني وبتزمر وبتبصلي

انا كنت هاركن قدام البيت قمت حارق عالغيار وسكتها زفة من اول الشارع وعايز اخبطها ( عليت معايا ) ومديها الزفة ( تتت تااااااااااات)

عالم بنت تييييييييييييييت
محروق السواقة في البلد دي

كل ده بقى عادي بالنسبالي بس شتيمة بالأب والأم عشان ترتشت على عربيته ميه دي الي كانت جديده بالنسبالي ده غير محالوة خبطي أكتر من مرة