الموضوع: هو فيه حد كده (إتخانقت النهارده)

النهاردة وأنا رايح الكليه وخلاص وصلت حلوان وأنا ماشي واحد مرة واحده رمى بوزة في التقاطع رحت مغلس وزانق وطالع منه وكمان المريات خبطت في بعض والموضوع عدى وخلاص
المهم بعدها كان قدامي لانسر (ده غير العربيه الي فاتت) مرة واحده قدامة حفرة قام مفرمل قمت انا كاسر الدركسين وطالع من شماله عشان الأرض رمل ومياه وخفت الفرامل متسعفنيش وعديت ولا في بالي حتى وحودت يمين ومدي إشارة شمال عشان هحود شمال لقيته جي ورايا وطاير من شمال طبعا وقفت عشان يعدي لإن لو كسرت شمال هيلبس فيا لقيتة وقف وزنق عليا وبيفتح الإزاز وهيشتم قبل ما يشتم كنت طالع منه ومكمل في طريقي قام جاري كان قدامي مطب راح داخل فيه وكان هيلبس في عربيتين وكسر عليا قمت واقف وراجع بضهري ومخرم والمهم وصلت الكليه وركنت قدام الحرس زي كل يوم يدوب بنزل من العربيه لقيته راكن ورايا ونزل راجل أكتر من 45 سنة على الأقل وبيقولي إنت عندك دم يا مع.... بصتله ومردتش عليه وداخل الكليه قام مكمل شتيمة بالأب والأم والسبب الشنيع الي يخليه يعمل كل ده لما طلعت من شماله دوست في ميه وترتشت على عربيته المهم حرس الكليه جم وقفوله وقالولي خش الكليه ملكش دعوة (الحمد لله علقتي بيهم كويسه جدا) المهم وأنا على باب الكليه لقيت رئيس الحرس طالع بيقولي فيه إيه حاكتلة قالي ملكش دعوة وإحنا هنتصرف
ودخلت الكليه والموضوع خلص على كده انا مش هممني الموضوع كله بس الفكرة هل إن العربيه ترتشت عليها ميه تخليهيه يتهور لدرجة إن كان هيعمل حدثتين ويقل أدبة بالطريقة دي مع إني مفتحتش بقى معاه بولا كلمة
أومال لو كانت ترتشت على هدومة كان عمل إيه؟