ا

نا معايا نيو سيراتو ضمان الوكيل وعملت بحث علشان أركب إنذار وبدأت بأنى رحت التوكيل أسأل ولقيتهم حرامية وبيستهبلوا ... عندهم غنذار كوبرا صينى عادى جدا وبيركبوه ب 750 جنيه تقريبا.. وطبعا صرفت نظر.
وبحث هنا فى الموقع ولاقيت أعضاء ركبوا spy ii 2 ways وده بييجى معاه 2 ريموت واحد عادى والتانى فيه شاشة lcd ، وكلمة 2 ways مقصود بيها إن الإنذار معاه أنتينا (آريال) بيركب فى العربية ولما يحصل أى خطر يعنى حد يخبطها أو يفتح الباب أو يدور الموتور يبدأ فورا فى الريموت اللى فيه الشاشة يديك فايبراشن وإضاءة تحذيرية تختلف بإختلاف نوع الخطر ...... والإنذار ده عليه ضمان سنة ....
أنا ركبته عند أدريان فى الهرم ب 430 جنيه لأنه جنب البيت ... وسألت فى سبير كار اللى فى التجمع بيركبوه ب 415 جنيه ....
أنا مركبه من أسبوع والريموت اللى فيه الشاشة واجع دماغى بالليل ، كل ما حد يقرب من العربية ( بس يقرب ) يدنى آلارم ويصحينى من النوم مفزوع ... طبعا لسة هاجرب إنى أوطى السنسور وأشوف

أنا حبيت أنقل ليكم تجربتى يارب تكون مفيدة ليكم
عاجبنى اوى الموضوع ده ياريت لما توطى السنسور تعرفنا الموضوع هيقل وللا ايه نظامه