عرض للطباعة
يا جماعة انا اشتريت مازدا 3 ,اية اللي مفروض اخد بالي منة , علشان دي اول عربية اوتوماتك اجيبها اية اللى مفروض اعملة مثلا سمعت ان العربية لازم ماتعديش نص الار بي ام و هيا في التلين ,و ان لازم اطفى العربية و انا بمون بنزين.ساعدونى يا جماعة انا مش عارف اي حاجة و خايف جدا على العربية
اولا الف مبروك عليك العربية و ربنا يديك خيرها و يكفيك شرها
ثانيا بالنسبة للتليين لحد 1000ك او 1300ك:
متخليش الار بى ام يعدى ال3 و ده عند طريق ان رجليك تبقى خفيفة على البنزين,يعنى ما تدوس جامد
و ياريت متعديش ال90
و برده ما تفتحش التكييف(كده كده الجو شتاء يعنى بش حتفتح التكييف)
بس كده
بالنسبة بقى للنصايح العامة:
طبعا لازم تطفى موتور العربية خالص و انت بتمون بنزين
و ياريت لما تيجى تدور العربية,افتح الكونتكت الاول كده لمدة خمس ثوانى بس و بعد كده دور العربية
و لما تيجى تركن العربية,متجيبش الناقل على الp علطول(اللى هو البارك يعنى),لا,جيب الناقل الاول على الn و بعد كده ارفع الهاند بريك و بعد كده جيب على الp ,و ده عشان ما ترميش على الناقل و هكذا برده لو فى مطالع
طبعا حافظ على العربية من جوه و من بره و ربنا يحفظهالك يا رب و تابع الصيانات بتاعتها
و متخفش من حاجة و ربنا يباركلك فيها
الف الف مبروك وربنا يباركلك فيها ويكفيك شرها
:colsmil:
ومرحبا بك فى عالم المازدا :satelite:
بالنسبة لل ار بى ام : :U_thin1[1]:
--------------------
ياريت متعديش سرعة 80 كم
متسارعشى وتجرى بالعربية
دوستك على البنزين تدريجى الار بى ام ما يزيدشى عن 2 و نص
92 بالنسبة لتفويل العربية بنزين
------------------------------------
نصيحة فول فى اخر الليل مش فى حرارة الشمس
فول لاول فصلة متملاش التانك لاخر عنق الخزان كعادة عمال المحطة
تطفى العبية قبلها
لتوفير البنزين دايما تزود السرعة بالتدريج
بمعنى ان ال ار بى ام يزيد تدريجى 1
1.2
1.5
1.8
2
وهككذا ....
:M_yes[1]:
دايما بشوف الناس تدوس جامد فى الهوا و يتغير بسرعة 1
2.5
و ساعات 3 فجائى
وده طبعا بحرق بنزين بدون اى فائدة
بالنسبة لتدوير العربية
---------------------
زى ما باسم باشا الكلام الجامد ده . انك تفتح الكونتاكت شوية ثوانى لغاية ما لمد الاختبار تطفى و بعدين تبتدى تدور
لو اى لمبة اختبار فضلت منورة ده معناها ان فى مشكلة فى العلامة دى
ولازم ساعتها تشوف ايه المشكلة وتحلها ان شاء الله
:S_thum1[1]:
فى حالة ركن العربية
--------------------
ظريف لو سبت مسافة اكبر قدام العربية عشان لو حد قدامك يبقى عنده براح وهو بيركن قدامك
تاكد من غلق الازاز لو مش عندك روافع ازاز
وفتحة السقف لو موجودة
وتاكد من غلق التكييف و الكاسيت لو شغال
عشان متحملشى على البطارية وانت بتشغل الموتور
ممكن تدوس فرامل الرجل الاول
وبعدين تجيب ال باركينج
وبعدين تشد الهاند بريك
وبعدين تسيب دواسة الفرامل الرجل و بعدين تطفى العربية
فى حالة تغيير اتجاه العربية
------------------------------
من الامام للخلف او العكس
ضرورى جدا تتاكد ان العربية وقفت تماما
اوعى تدى ناقلى و العربية لسة واخدة سرعة ده ممكن يدمر الجير بوكس :N_no[1]:
فى حالة الدوران بالعربية
-------------------------
فى الملفات او ال يو تيرن
بلاش تفتكر انها زى المانوال تتمور فى الدورانات :w6266d
سيب العربية على نقلتها عادى كل المطلوب منك انك تهدى عشان تدخل الملف بشويش ومتاثرشى على الكبالن
فى حالة السواقة عامة
---------------------
حاول تلاحظ كل حاجة بتحصل حوالين العربية بالنظر السريع فى جميع المرايات :whtauwant:
وتستخدم الاشارات على قد ما تقدر فى حالة انحراف العربية حتى لو كان ميللى
الميللى ده ساعات بيبقى سبب فى حوادث و ربنا يسترها معانا جميعا
بالنسبة للتليين
---------------
انا رائى 5000 كم من غير تكييف ولا ار بى ام عالى ولا تسارع بالعربية
بالنسبة للزيت والفلتر
---------------------
شل الترا ال عشر الاف
وتغييره عند الالف او 5 فى الاول
بعد كدة تغييره بمعدل من 8000 الى 10000
و غير الفلتر مع كل مرة بالفلتر الاصلى طبعا
و نضف فلتر الهواء فى نفس الوقت ده معاهم
وطبعا اتبع جداول الصيانة اللى جاية مع العربية :36_1_1[1]:
بالنسبة لغسيل العربية
---------------------
حاول تغسلها فى الليل او على الاقل مش تحت الشمس
الغسيل اليدوى احسن و امن على البوية اكتر
وماتكترشى المعدل قوى الا عند الحاجة
وطبعا انصح تعملها واكس كويس ممكن سوناكس المانى
انا ان شاء الله هجربه قريب و ياريت كنت عملتها اول ما جبت العربية
وده هيحافظ على البوية و هيمنع تراكم التراب
و يستحسن تستخدم الفوطة المايكروفايبر
وطبعا جيبلها غطاء محترم
ممكن توب كفر ايجيبت ده كويس و بيصدر فى توكيلات كتير فى مصر
اتمنى اكون جاوبتك
ومتقلقشى يا باشا جمد قلبك المازداوية قلبهم جامد
وربنا يسترها معانا جميعا
:ask:
الف مبروك, ربنا يديك خيرها ويكفيك شرها ويحافظ عليها...
الله ينور يارجالة بصراحة مافيش كلام تاني يتقال غير ان التليين كفاية اوي 1000 كم والمفروض بعدها كل فترة تفتح موتور العربية بمعنى انك تحرق عالغيارات وتمشي بسرعة شوية...
الزيت اننا بفضل كاسترول او فيسكو عشان الموبيل والشل بقو زبالة...
بيدو باشااقتباس:
المشاركة الأصلية كتبت بواسطة bedo13
يارب تكون بخير
بالنسبة لموضوع تفتيح الموتور والحرق ياريت توضحلنا ايه فايدته لاننى من الناس اللى مش مقتنعة بالحوار ده
بالنسبة للزيت هو الشل ماله انا مجربتش غيره الصراحة ياريت تحكيلنا اكتر عن تجربتك والانواع التانية دى صناعتها ايه و اسعارها و اماكن تواجدها ؟
و الف شكر يا باشا
شكرا يا جماعة على الوقت الللى استفطعتوة علشان تاجوبوا على اسئلتى , انا هاخد بالي من الحاجات دى و انشالله ربنا يبارك.
himaz باشا..
اخبار حضرتك ايه؟؟
انا تمام الحمد لله خلصت امتحانات 6طب ومستني النتيجة..
بص انا هقوللك حاجة ...
جرب اركب عربية واحد بيجري بيها وواحدة تانية بيمشي بالراحة...
بالظبط زي ما يكون واحد لياقته حلوة وواحد تاني مش بيعمل اي تمارين...
الموتور بيتعود انو ممكن يكون عليه ضغط فبيكون مؤهل انو يجري وكده..
انا بردو ماكنتش مقتنع لغاية ماجربت الفرق...
وماعرفش الفكرة العلمية بصراحة بس اسمع عن حاجة اسها يطبع وكده...
الزيوت:
انا جربت
موبيل1
موبيل xhp
شيل الترا
كاسترول gtx 5000km
الشيل والموبيل طلع لونهم اسود وخفيف جدا...
ده بكل الانواع
الكاسترول بيخلي صوت المكنة اهدى كتييير ولما تغيره بينزل لونه اخضر محمر شوية مش اسود زي التانيين...
الشيل غيرتو 8000كم وكان معفن وده اسوأهم...
الكلام ده تجربة في
مازدا 3
فيكترا 2008
فيكترا 97
والنتيجة واحدة...
الفيسكو زي الكاسترول نفس الشركة تقريبا
اسعار الكاسترول
5000 كم ب100-110ج اسمه gtx
1000 كم ب180ج
15000 كم ب240ج
ليهم اسامي بردو بس مش فاكرهم
واحد فيهم اسمه ماجنيتيك..
الكاسترول صناعة انجليزي معبأ في الامارات...
اماكن التواجد مش عارف الصراحة عشان انا مش من القاهرة بس هسأل وارد على حضرتك...
صباح الفل يا برنس
الحمد لله تمام و حمد الله على سلامتك و ربنا يوفقك ان شاء و النتيجة تبقى احلى نتيجة
بس لينا الحلاوة بقة هههههههه
شكرا على الرد الجميل
وهاحاول فعلا اجرب الموضوع ده
انا فعلا بقيت اخليى الار بي ام ميعديش 3 و السرعة غالبا ما بتعديش 100 .و مابشغلش التكييف .
يا هيما باشا,,كلامك كله حكماقتباس:
المشاركة الأصلية كتبت بواسطة himaz
بس كان عندى تعقيب على كذا حاجة كده
بالنسبة للركن,,انا سمعت من ناس كتير,,,انك بعد ما تركن,تروح جايب الفتيس على الn و بعد كده تشد الهاند بريك و بعد كده تروح جايبه على الp لو حبيت,,و فيه ناس بتسيبه على ال n و ده يفضل لانك ما تضمنش اللى وراك ولا اللى قدامك سواقته عاملة ازاى,,,ممكن يفضل يحك فى العربية و يحركها
و ده كمان ليه ميزة انك تحمل على فرامل اليد الاول,,لانك بكده بش بتحمل على الفتيس الاتوماتيك عند الركن,,لان غلط انك تحمل عليه كتير....
بالنسبة للتليين,,انا رأى من رأيك,,انو يخلى العربية على سرعات لفات الار بى ام اقل و ما يعلاش عن 3
و نافيش تسارع بالعربية و كمان ممكن يشغل التكييف بعد 1300ك مثلا,,و كده كده الجو بش مستحمل تكييف خالص
و انا رأىي لو عاوز يفتح العربية,,يفتحها شوية شوية بس بعد ال 10 الاف كيلو و ده افضل عشان الماتور يبقى اخد دورته كويس
و بالنسبة لغسيل العربية يا هيما,,,انا فيه حاجة ما اعرفهاش,,ايه الواكس ده؟؟؟؟و ايه الفوطة المايكروفايبر دى؟؟؟
اول مرة اسمع على الحاجات دى
و شكرا يا هيما
ربنا يفوقك ان شاء الله و تكون النتيجة ممتازةاقتباس:
المشاركة الأصلية كتبت بواسطة bedo13
انا موافقك فى كلامك عن الزيت و فعلا زيت فيسكو و زيت كاسترول من انضف انواع الزيوت فى مصر,,كفاية انهم بيتعبؤا فى الامارات و كمان بيهدوا صوت ماتور العربية و بتحس ان العربية مرتاحة كده و درجة اللزوجة بتاعتهم ممتازة
انا اعرف بس زيت فيسكو بيتباع فين,,زيت فيسكو بيتباع فى كارجاس و فيه موضوع عن الزيت ده
اهو
http://www.nilemotors.net/Nile/119963-a.html
طب هو فيسكو ال 5000 ده بتغيير كل 5000 كم يعنى ولا ايه ؟
وهل فيكو انضف ولا كاسترول ؟
و ايه نظام زيوت محطة امارات مصر ؟
اللي اعرفه فيسكو وكاسترول واحد ممكن اختلاف التعبئة...
ماجربتش الصراحة امارات مصر , بس ليه تجرب نوع مجهول وعندك حاجة متجربة وممتازة..
ياباشا دي عربية مش كوتشي تجرب فيه...
يا جماعة هو الواكس ده بيعمل ايه؟
باشا ياريت تشوف موضوعى ده لسه طاظا ههههههههههاقتباس:
المشاركة الأصلية كتبت بواسطة medo_msmsa
:E_braces[1]:
http://www.nilemotors.net/Nile/194979-a.html
برنساقتباس:
المشاركة الأصلية كتبت بواسطة basemsaeed
شوف الحوار ده
http://www.nilemotors.net/Nile/194979-a.html
الف مبروك يا باشا علي العربية و ربنا يحفظك و يحفظهالك
كنت بسأل هي أسعار المازدا الشكل الجديد كام اليومين دول؟ و هل اشتري الايام دي و لا استني؟
و الف شكر يا رجالة
اقتباس:
المشاركة الأصلية كتبت بواسطة abouetta
حضرتك ممكن تستنى لحد معرض فورميولا الاهرام اللى حيكون فى ارض المعارض
عشان ممكن تلاقى فيه عروض كويسة و تخفيضات
و ربنا يقدملك اللى فيه الخير ان شاء الله
استاااااااااااااااااااااا ااااااااذاقتباس:
المشاركة الأصلية كتبت بواسطة himaz
الف شكر علي النصيحة يا باشا و لكني دائماً لا اتفاءل بالمعارض في هذه البلد :)))