اسئلة عن الشاريد

**عبد الرحمن اسامه** · 25-04-2007 12:04 PM

السلام عليكم،
عايز اشترى عربية فى حدود ٥٠ -٦٠ الف بالقسط و اخذت ابحث و ابحث لغايت لما توصلت ان الشاريد احسن حل، و عندى شوية اسئلة عن الشاريد، و ارجوكو محدش يجاوب الا الجرب.

١- انا بسافر كتير، اداء العربية فى السفر عامل ازاى؟
٢- انا ساكن فى المقطم المطلع هيكون صعب عليها؟
٣- العربية مش واطية اوى ازدى اقول فى شوارع مصر و مطبتها ايه النظام؟

٤- اى حد عندو ملاحظات اخرى او اقتراحات اخرى غير الشاريد؟؟

شكرا جدا.

**أبو عبدالله** · 26-04-2007 02:53 AM

السلام عليكم ورحمة الله وبركاته

1- بتسافر كتير يبقى أكيد عاوز توفر بنزين وده هتلاقيه في الشاريد ( 450 كم لكل الصفيحة 20 لتر )

2- موضوع المطلع ده علشان نتكلم صح العربيات من 1300 سي سي وانت نازل لازم هيبقى المطلع عليها صعب ده ملهوش دعوه بكفائة السيارة لأن العربيه السي سي بتاعها قليل يعني متحددة بقوة معينة ..... ولكن من حيث قياس الشاريد بمثيلاتها الشاريد عزمها اعلى في فئتها .

3- العربية مش واطية فهي ترتفع عن الأرض 160 مم وعفشتها من أكفأ ما يكون في مصر لأنها ياباني صرف ...

4- أقتراحات اخري .... هي البيكانتو ولكن انا مش هقولك الفرق عامل ازاي غير انك تركب الاتنين وانت هتحس عالطول ..
اما من حيث الكفاءة فالياباني يكسب في الماتور وعزمة واستهلاكه ونعومته والتقفيل وجودة الخامات ودي من اهم الأشياء اللي انت هتلاحظها اول ما تركب العربيتين ...
البيكانتو تكسب في الشكل الخارجي ولكن كل النقاط في صالح الشاريد والوسع الداخلي لصالح الشاريد بمراحل .....

**عبد الرحمن اسامه** · 26-04-2007 01:08 PM

جزاك الله خيرا يا ابو عبد الله مش عارف اشكر حضرتك ازاى. :D
انتا كدا طمنتنى و انا هتوكل على الله و اشترى، اول لما عربيتى القديمة الرينو تتباع انشاء الله.

اما بالنسبة للبيكانتو فى هى مش موجودة اصلا لأن انا عايز اشترى تقسيط.

طيب سؤال تانى اخبار ثباتها على الآرض ايه؟

**أبو عبدالله** · 26-04-2007 01:43 PM

السلام عليكم ورحمة الله وبركاته

على فكره كل العربيات الدايهاتسو الجديدة تتميز بموضوع الثبات ده وبطريقه ملاحظه جدا
فلا تقلق بموضوع الثبات ده ....
انا عربيتي السريون او ما ركبتها من اكتر الحاجات اللي لاحظتها في الأول موضوع الثبات ...

وربنا يعينك ويرزقك الخير .... ان شاء الله

**عبد الرحمن اسامه** · 26-04-2007 02:42 PM

طيب اخر سؤال، انهى لون بتفضلوا؟ و فى موقع معين جايب الألوان كلها انا دورت كتير على اى موقع فى الوانها مالائتش.
انا محتار اوى بين الالوان بس الاعرفوا انى عايز لون يكون مطرئع. :shock:

**أبو عبدالله** · 27-04-2007 12:37 AM

السلام عليكم ورحمة الله وبركاته

اختياري للالوان كالاتي :

1- الأبيض .
2- الفضي .
3- الأحمر .

**Migo123** · 30-04-2007 02:47 PM

ا/ عبد الرحمن اسامه

بما انك طلعت جاري في المقطم .... ممكن امتى ابص على عربيتك اللي ناوي تبيعها عشان انا كنت محتاج عربيه

**baher** · 30-04-2007 03:36 PM

التوبيك ده شكله بيت اتنين جيران وبس علشان مده انا قررت اغلس وادخل في نص الشات قصدي التوبيك :lol:

**عبد الرحمن اسامه** · 30-04-2007 07:16 PM

استاذ mgio
اتفضل شوفها النهارده، انا نمرتى زى ما مكتوب فوق ٠١٢٣٦١٦٩١٤
و اهلا بيك يا باهر فى الشات ازدى التوبيك 8)

**AhmedElsayed** · 05-05-2007 02:02 PM

انا عندى شاريد 2007 وما شاء الله ممتازة والحمد لله وبسافر اسكندرية رايح جاى فى نفس اليوم وبتبقى مريحانى والحمد لله
هى مش عالية اوى بصراحة بس اعتقد البيكانتو نفس الشئ
بالنسبة للالوان انا جبت شامبين قلت تغيير عن الالوان التقليدية
بس بصراحة كان نفسى اوى فى الاسود تحفففففففففففة بس مكنش موجود ساعتها وانا مكنتش عايز استنى

بس ملاحظة جانبية البيكانتو بقى فيها تقسيط معرفش التوكيل عملها ازاى لكن واحد قريبى كان لسه بيكلمهم وقالوله في تقسيط دلوقتى
وفى دفعة داخلة نص الشهر الحالى

الموضوع: اسئلة عن الشاريد

LinkBack

أدوات الموضوع

عرض

شاريد 2007 -

-

-

-

المواضيع المتشابهه

الففوريت(94).... الشاريد (90)

تعديل الشاريد 91 و 92

مرايات الشاريد 90

شوف الشاريد 2008

كتالوجات الشاريد

الكلمات الدلالية لهذا الموضوع

المفضلات

المفضلات

ضوابط المشاركة